Ebrewu 12:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Kadi nuenu nuakulua ku mukuna wa Siona ne ku musoko wa Nzambi udi ne muoyo, Yelushalema wa mu diulu, ne ku misumba ya banjelo idi kayi mua kubadibua,

MUKANDA WA MYIDI MUKULU

²² Kadi nuenu nudi basemena pabuipi ne mukuna wa Siyone, kabidi ne tshimenga tshia Mvidi Mukulu wa muoyi, ke Yerushalayime wa mu diulu, muaba udi batumibue ba Mvidi Mukulu binunu ne binunu.

Ebrewu 12:22 교차 참조

2 Bakalenga 19:4

Biasua Yehowa, Nzambi webe, kunvua mei a Labashake, wakatuma mukelenge wa Ashû, mukelenge wandi, bua kubendeye nʼau Nzambi wa muoyo, neamubele bua mei akunvua Yehowa, Nzambi webe; nunku ulombele difuka dia bantu didi dishala Nzambi.

Misambu 2:6

Meme hanyi nakujadika Mukelenge wanyi ha mutu ha Siona, mukuna wanyi wa tshijila.

Misambu 42:2

Muoyo wanyi udi ne nyota ya kumona Nzambi, ya kumona Nzambi udi ne muoyo. Nenye kumueneka ku mesu kua Nzambi tshikondo kai?

Misambu 48:2

Mukuna wa Siona udi mulengele mu kubanda kuau mulu, ku nseke ya ku nôde, disanka dia ba ha buloba bonso, musoko wa Mukelenge munene.

Misambu 68:17

Makalu a nvita a Nzambi adi binunu makumi abidi, adi binunu ha mutu ha binunu mene. Mukelenge udi munkatshi muau; ku Sinai udi mu muaba wandi wa tshijila.

Misambu 84:2

Mutshima wanyi udi ujinga, e, ndi muhange ne dijinga dia biendedi bia mu tshitendelelu tshia Yehowa. Mutshima wanyi ne mubidi wanyi bidi biela mbila bua Nzambi wa muoyo.

Misambu 87:3

Badi bamba malu a kukutumbisha nʼau, wewe musoko wa Nzambi.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 14:32

Nunku muntu neamanye mua kukudimuna miloho ya tshisamba etshi dî kai? Neambe ne, Yehowa wakujadika Siona, ne bantu bandi bakengeshibue nebasanganemu tshinyemenu.

Yeshaya 24:23

Hashishe ngondo neabuandakane, ne diba nedidisokoke bua bundu buadi; bualu bua Yehowa wa misumba neakokeshe mu mukuna wa Siona, ne mu Yelushalema; ku mpala kua bakulu bandi nekuikale butumbi.

Yeshaya 27:13

Mu dituku adi nebele mpungi munene; bakadi bamba kufua mu buloba bua Ashû, ne bakadi bihatshibue bua kubuelabo mu buloba bua Ejipitu, nebalue; nebatendelele Yehowa mu mukuna wa tshijila wa ku Yelushalema.

Yeshaya 28:16

Bua mei â Mukelenge Yehowa udi wamba ne, Tangilai, ndi nteka dibue mu Siona bua kuasahu bishimikidi bia nsubu, ndibue diakutetshibua bimpe, dibue dia mushinga mukole didi ditumba dia mu bishimikidi bijadikibue bikole; waditabusha kena udiendesha lukasa.

Yeshaya 51:11

Ka bantu bakuhikudibue kudi Yehowa nebalukilemu, nebalue ku Siona bimba misambu, disanka dia tshiendelele nedikale ha mitu yabo; nebikale ne disankidila ne disanka; kanyinganyinga ne kuhumuna nebinyeme kule.

Yeshaya 51:16

Nakuteka mei anyi mukana muebe, nakukusokoka mu mundidimbi wa tshianza tshianyi, bua meme kuasa diulu ne kujadika bishimikidi bia buloba, ne bua kuambila Siona ne, Wewe udi bantu banyi,

Yeshaya 59:20

Yehowa udi wamba ne, Nealue ku Siona bu Muhikudi, kudi ba mu Yakoba badi bakudimuna mitshima bua kulekela malu mabi.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Yirmeya 10:10

Kadi Yehowa udi Nzambi wa bushuwa; yeye udi Nzambi wa muoyo ne Mukelenge wa tshiendelele. Buloba budi buzakala hikaleye ne tshiji, ne ba mu bisamba bia bantu kabena mua kuimana ku mpala kua tshiji tshiandi.

Yirmeya 17:25

mu diba adi bakelenge ne baminyampala babo badi bashikame mu nkuasa wa bunfumu wa Davidi nebabuele ku bibi bia musoko eu, benda mu makalu ne ha nyima ha tubalu; ne bobo ne bakelenge bana babo, bantu ba mu Yuda ne badi bashikame mu Yelushalema; musoko eu newikale ne bantu tshiendelele.

Danyele 6:26

Ndi ngela mukenji ne. Mu nseke yonso ya bukelenge bundi nkokesha, bantu bazakale, bikale ne ditshina ku mpala kua Nzambi wa Danyele; Bualu bua yeye udi Nzambi wa muoyo, udiku tshiendelele; bukelenge buandi mbukelenge budi kabuyi mua kubutudibua kashidi, bukokeshi buandi nebuikaleku tô ne kunshikidilu kua malu onso.

Danyele 7:10

Ndimi ya kahia yakahatuka kudiye bu musulu, kahia kakela ndimi ku mpala kuandi. Banjelo binunu ne binunu bakamukuatshila mudimu, banjelo binunu dikumi misangu binunu dikumi bakimana ku mpala kuandi. Bena tshilumbuluidi bakashikama bua kukosa bilumbu, bakabutula mikanda.

Osheya 1:10

Kadi bungi bua Bena Isalele nebuikale bu nsenga ya ku mai manene, idibo kabayi mua kuidikisha anyi kubala; ne mu muaba wakadibo bamba ne, Kanuena bantu banyi, nebabambile ne, Nudi bana balume ba Nzambi wa muoyo.

Yowele 2:32

Halua bualu ebu, muntu yonso watela dina dia Yehowa neasungidibue; bualu bua mu mukuna wa Siona ne mu Yelushalema nemuikale bakuabo bahanduke bu muakamba Yehowa; ne munkatshi mua bantu aba badi bashala nemuikale bakuabo badi Yehowa Ubikila.

Matayi 16:16

Simona Petelo wakandamuna ne, Wewe udi Kilisto, Muana wa Nzambi udi ne muoyo.

Matayi 5:35

ne kudi buloba, bualu bua buloba budi tshitekelu tshia makasa andi; ne kudi Yelushalema, bualu bua Yelushalema udi musoko wa Mukelenge Munene.

Rome 11:26

Nunku Bena Isalele bonso nebasungidibue, bu muakafundabo ne, Musungidi neahatuke mu Siona; Neatshinguluile Yakoba malu adi kâi a Nzambi;

Rome 9:26

Bualu ebu nebuikaleku kabidi ne, Mu muaba muakadibo bamba ne, Kanuena bantu banyi, muamua nebabikidibue ne, Bana ba Nzambi wa muoyo.

Ngalate 4:26

Kadi Yelushalema wa mu diulu udi muena budishikaminyi, udi baba wetu.

Efeze 2:19

Nunku kanuena bantu ba bende ne benyi kabidi, kadi nudi bena kuabo ne basanto ne ba mu tshiota tshia Nzambi.

Dielulula 33:2

Yeye wakamba ne, Yehowa wakahueka ha mukuna wa Sinai, wakabika munkatshi muabo ku Sei, wakatemena ku mukuna wa Palana, wakamueneka munkatshi mua binunu makumi bia bantu bandi ba tshijila, wakalua kudibo ne mikenji mitema kahia mu tshianza tshiandi tshia bukole.

Dielulula 5:26

Muntu kai munkatshi mua bantu bonso wakunvua dî dia Nzambi wa muoyo, diakafuma munkatshi mua kahia, bu tuetu tuakulua, ne wakashala ne muoyo?

Filipe 3:20

Bualu bua kuetu mene kudi mu diulu, kutudi tuindila kabidi Musungidi, Mukelenge Yesu Kilisto;

1 Tesalonike 1:9

Bua bobo nkayabo batu bamba bua bualu buetu, bu muakadi tshibueledi tshietu kunudi, ne bu munuakakudimuka kudi Nzambi hanuakalekela mpingu bua kukuatshila Nzambi wa muoyo ne wa bushua mudimu,

2 Timote 4:18

Mukelenge neampandishe ku midimu yabo yonso idi mibi, neansungile tô ne ku bukelenge buandi bua mu diulu; butumbi buikale kudiye ku bikondo ne ku bikondo. Amen.

Ebrewu 10:31

Mbualu bua buowa bua kuhona mu bianza bia Nzambi udi ne muoyo.

Ebrewu 11:10

bualu bua wakatekemena musoko udi ne bishimikidi, mulongolodi wau ne muibaki wau nNzambi.

Ebrewu 11:16

kadi katataka badi bajinga muaba mutambe buimpe, udi muaba mene wa mu diulu; nunku Nzambi kena ufua bundu bua bualu buabo bua kumubikilabo Nzambi wabo, bualu bua wakabalongoluela musoko.

Ebrewu 13:14

Bua katuena ne musoko kunoku udi wikalaku tshiendelele, kadi tudi tukeba musoko ulualua.

Ebrewu 3:12

Bana betu, nudimuke bua bumue kakulu kuikala umue wenu udi ne mutshima mubi wa buhidia munda muandi, mu dilekela diandi dia Nzambi wa muoyo;

Ebrewu 9:14

mashi a Kilisto, wakadifila kudi Nzambi kai ne ditoba, bua Nyuma wa Tshiendelele, neatambe misangu bungi munyi kulengesha muoyomukese webe ku midimu mifue bua kukuatshila Nzambi udi ne muoyo mudimu?

Yoshua 3:10

Yoshua wakamba ne, Bua bualu ebu nenumanye ne Nzambi wa muoyo udi munkatshi muenu, ne yeye kena uhanga kunuihatshila Bena Kanâna ne Bena Hiti ne Bena Hiwi ne Bena Pelizi ne Bena Gigashi ne Bena Amole ne Bena Yebuse ku mpala kuenu.

Yuda 1:14

Ne Hanoka, muntu wa muanda mutekete ku nyima kua Adama wakamba mei kudibo kabidi, wamba ne, Tangilai, Mukelenge wakalua ne mbombo ya bantu bandi ba tshijila,

Didimanyisha 14:1

Nakatangila, ne mona, Muana wa Mukoko muimane ha Mukuna wa Siona, ne bantu tshishikula tshimue ne mbombo inai ne binunu binai bakadi ngandi, bikale ne dina diandi, ne dina dia Tatu wandi, mafunda ha mpala habo.

Didimanyisha 21:10

Wakaya nʼanyi mu Nyuma ku mukuna mimene ne mule, wakandesha musoko wa tshijila, Yelushalema, uhueka hanshi, uluhuka mu diulu kudi Nzambi,

Didimanyisha 21:2

Nakatangila musoko wa tshijila, Yelushalema muhia-muhia, uhueka muluhuke mu diulu kudi Nzambi, muikale mulongolola bimpe bu mukashi mulengeshela mulume wandi.

Didimanyisha 22:19

ne bikala muntu umusha mei makuabo ku mei a mukanda wa buambi ebu, Nzambi neamumushile tshituha tshiandi ku mutshi wa muoyo ne ku musoko wa tshijila, ne ku malu mene adi mafunda mu mukanda eu.

Didimanyisha 3:12

Udi uhita bukole, nemuvuishe dikunshi mu ntempelo wa Nzambi wanyi, ne kena uluhukamu kabidi; ne neufunde dina dia Nzambi wanyi hamʼbidi handi, ne dina dia tshimenga tshia Nzambi wanyi, Yelushalema muhia-muhia mene, tshidi tshihueka hanshi, tshifuma mu diulu kudi Nzambi wanyi, ne dina dianyi meme dihia-dihia.

Didimanyisha 7:2

Nakatangila muanjelo mukuabo ubanda mulu, ufuma kudi kubanda diba, muikale ne tshimanyishilu tshia Nzambi udi ne muoyo; ne wakela dî dikole kudi banjelo banai bakadi baheshibua bukole bua kunyangabo buloba ne mai manene,