Ebrewu 10:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muakuidi yonso udi wimana bulelela ku dituku ku dituku wenza mudimu wandi ne ufila ku musangu ku musangu milambu ya muomumue, yoyo mene idi kayi mua kumusha mibi tshiendelele;

MUKANDA WA MYIDI MUKULU

¹¹ Ku dituku ku dituku, mutuangaji yonsu uvua wimana kulu bua kuenzela Mvidi Mukulu mudimu wende. Udi ulambula misangu mivule milambu ya momumue idi kayiyi mua kujimija mibi musangu nansha umue.

Ebrewu 10:11 교차 참조

Ekesode 29:36

Wewe newoshe muana wa ngombe ku dituku ku dituku bua kubuikidila bantu mibi yabo, wewe neutokeshe tshioshelu hawoshila bintu bia kubuikidila nʼabi bantu mibi yabo, wele manyi ha tshioshelu bua kutshijidila.

Yeshaya 1:11

Yehowa udi unukonka ne, Bisumbu bia milambu yenu bidi bu tshinyi kundi? Nakumana kukuta ne milambu ya kuosha ya bimpanga ne ya manyi a nyama midisha; tshiena nsanka bua mashi a balume ba ngombe, anyi a bana ba mikoko anyi a mpumbu ya mbushi.

Yezekiyele 45:4

Netshikale luseke lua tshijila lua buloba; netshikale buloba bua bakuidi badi bakuata mudimu mu tshitendelelu ne badi basemena hehi ne Yehowa bua kumukuatshila mudimu; netshikale muaba wa kuashila bakuidi nsubu ne muaba wa tshijila wa tshitendelelu.

Danyele 11:31

Bena nvita nehalue kudiye babatumineye mukenji, nebanyange tshitendelelu ne muaba muasa ne ngumbu ya nvita, nebalekeshe diosha dia mulambu wa kuosha wa buatshia-buatshia, nebajadike tshinyangu tshia dibutuka mu muaba wau.

Danyele 12:11

Tshikondo tshidibo bumusha mulambu wa kuosha wa buatshia-buatshia tô ne tshidibo bateka tshinyangu tshia dibutuka mu muaba wau, matuku neahite tshinunu ne nkama ibidi ne makumi tshitema.

Danyele 8:11

E, luakadivuisha bunene bu Mukokeshi wa misumba ya ba mu diulu, luakamunyenga milambu yandi ya kuosha ya buatshia-buatshia, luakanyanga muaba wa tshitendelelu tshiandi.

Danyele 9:21

bulelela, hanakatshidi utendelela, muntu eu Gabaliele, unakumona ku tshikena kumona tshia diambedi, wakalua kundi lukasa diba dia kufila mulambu wa dilolo.

Danyele 9:27

Muntu neajadike tshihungidi tshikole ne bantu ba bungi bua kushalatshi lumingu lumue. Hankatshi ha lumingu nealekeshe difila dia mulambu wa nyama mishiha ne wa bia kudia. Mu muaba wa milambu ei yeye neateke tshinyangu tshia dibutuka, tô ne halua dibutuka diakasungula Nzambi hamʼbidi ha muena tshinyangu.

Mika 6:6

Ndue ne tshintu kai ku mpala kua Yehowa bua kukukuila Nzambi Mutambe Bunene wa mu diulu? Ndue ku mpala kuandi ne milambu ya kuosha, ne ya bana ba ngombe ba tshidimu tshimue, anyi?

Dibadika 28:24

Nenufile milambu ya buatshia-buatshia nunku, milambu ya kuosha ha kahia tô matuku muanda mutekete, idi itua dihembu kudi Yehowa, nenufile milambu ei ku mutu kua milambu mudi nuosha buatshia-buatshia ne milambu ya bintu bidibo banua.

Dibadika 28:3

Wewe neubambile kabidi ne, Eu udi mulambu wa kuosha ha kahia unudi nûfila kudi Yehowa bana balume ba mikoko ba tshidimu tshimue, badi kabayi ne tshilema, bana babidi ba buatshia-buatshia, bu mulambu wa kuosha wa tshiendelele.

Dibadika 29:6

ha mutu ha milambu idibo bosha babala ngondo, ne milambu ya bukula ne milambu ya bintu bidibo banua, bu mudi mukenji wamba, milambu ya kuosha ha kahia, idi itua dihembu kudi Yehowa.

Ebrewu 10:1

Bualu bua mikenshi ya Mose mikale ne mindidimbi ya bintu bimpe bilualua, kayi mikale tshifuanyikishi mene tshia bintu ebi, tshiendelele kayena mua kuvuisha badi basemena ba buibi ne Nzambi bakane tshishiki ne milambu ya muomumue ya ku tshidimu ku tshidimu, idibo bafila misangu yonso.

Ebrewu 10:4

Bua mashi a ngombe ne a mbushi kêna mua kumusha mibi.

Ebrewu 5:1

Bualu bua muakuidi mimene yonso, muangatshibue munkatshi mua bantu, udi ubueshibua mu mudimu bua kukuatshisha bantu mu malu a kudi Nzambi bua yeye afile bintu bihebua ne milambu mishiha bua mibi,

Ebrewu 7:27

udi kai ne bualu, bu muakadi nʼabu bakuidi banene aba, bua kufila milambu ku dituku ne ku dituku, diambedi bua mibi yandi yeye, hashishe bua mibi ya bantu; bua yeye wakenza bualu ebu musangu umue tshiendelele hakadifileye.

Ebrewu 8:2

udi muena mudimu wa muaba mutambe tshijila ne wa tshitendelelu tshilelela tshiakashimikabo kudi Nzambi, katshiakashimikibua kudi muntu.

Ebrewu 8:4

Nunku, bu yeye muikale ha buloba, yeye kakadi kuikala muakuidi, nasha wa mushindu wonso; bualu bua bakuabo badiku badi bafila milambu bu mudi mikenshi yamba;