Dielulula 9:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Uvuluke bantu bebe, Abalahama ne Isaka ne Yakoba; kutangidi tshitshu tshia bantu aba anyi buhidia buabo anyi mibi yabo,

MUKANDA WA MYIDI MUKULU

²⁷ Uvuluke bantu bebe: Abrahame, Izake ne Yakobe. Kuedi meji ku bubi bua bena Izrayele, padibu bakutombokela, babenga diyi diebe.

Dielulula 9:27 교차 참조

Genese 19:29

Hakabutula Nzambi misoko ya mu Mpala, yeye wakavuluka Abalahama, wakumusha Lota munkatshi mua dikenga hakabutuleye misoko kuakadi Lota mushikame.

Misambu 130:3

Yehowa, bu wewe mubale dihambuka dia bantu, muntu kai wakadi mua kuimana, Mukelenge?

Misambu 78:8

Bua bana aba kabikadi bu muakadi batatu babo, bakadi mulongo wa bena tshitshu ne batomboki, mulongo wa bantu bakadi kabayi ne mitshima yabo nutantamane, ne bakadi ne nyuma yakadi kayiyi nueyemene Nzambi.

Ekesode 13:5

Halua Yehowa nʼenu mu buloba bua Bena Kanana ne Bena Hiti ne Bena Amole ne Bena Hiwi ne Bena Yebuse buakalayeye batatuʼenu ne, Nennuhebu, buloba budi ne mabele ne buitshi bia bungi, nuenu nuvuluke tshilele etshi mu ngondo eu.

Ekesode 3:16

Ya usangishe bakulu ba Bena Isalele, ubambile ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakamueneka kundi, wakungambila ne, Nakulua kunudi, Hakatangila mudibo banuenzela mu Ejipitu.

Ekesode 3:6

Wakamba kabidi ne, Ndi bianyi Nzambi wa tatuʼebe, Nzambi wa Abalahama, Nzambi wa Isaka, Nzambi wa Yakoba Mose wakayikila mesu andi, wakatshina kutangila Nzambi.

Ekesode 32:13

Uvuluke Abalahama ne Isaka ne Isalele, bantu bebe, bawakaditshiha kudibo, wakabambila ne, Nenvudishe bana benu bu bungi bua mitoto ya mulu, ne buloba ebu buonso bunakanuambila nempe bana benu, bobo nebabuhiane tshiendelele.

Nsumuinu 21:12

Muntu muakane udi umona ba mu nsubu wa muntu mubi bu mudibo; bantu babi badi bedibua hanshi tô ne habutukabo.

Yirmeya 14:21

Kutulenguludi, bualu bua dina diebe; kufuishi nkuasa webe wa butumbi bundu; uvuluke, kushihi tshihungidi tshiwakahunga nʼetu nansha.

Yirmeya 50:20

Yehowa udi wamba ne, Mu matuku au ne mu tshikondo atshi nebakebe dihambuka dia Bena Isalele dia ku buakane, kadi kabena badimona, nebakebe malu mabi a Bena Yuda, kadi kabena basangana; bualu bua meme nembuikidile mibi ya bantu bandi nshiya bu difuka didi dishala.

Lewitiki 26:42

nenvuluke tshihungidi tshianyi ne Yakoba ne tshihungidi tshianyi ne Isaka ne tshihungidi tshianyi ne Abalahama, nenvuluke buloba ebu.

Lewitiki 26:45

kadi bua bualu buabo nenvuluke tshihungidi tshianyi tshinakahunga ne bankambua babo banakahatula mu buloba bua Ejipitu ku mesu kua bisamba bia bantu, bua meme kuikala Nzambi wabo meme ndi Yehowa.

Dielulula 9:26

Nakatendelela Yehowa, nakamba ne, Mukelenge Yehowa, kushihi bantu bebe ne buhianyi buebe buwakahikula ne bukole buebe, bantu bawakahatula mu Ejipitu ne tshianza tshikole.

Dielulula 9:28

bua bena buloba buwakatuhatula kabambi ne, Bualu bua Yehowa kakadi ne bukole bua kulua nʼabo mu buloba buakahaneye ne bualu bua yeye wakadi nʼabo tshiji, yeye wakalua nʼabo mu tshihela bua kubashiha.

1 Samuele 25:25

Ndi nkusengelela ne, Mukelenge wanyi kabadi bualu bua muntu mulembakana, Nabala, mene; bualu bua bienzedi biandi bidi bu kukudimuna kua dina diandi: Nabala ndina diandi ne buhote budi nʼandi; kadi meme, muhika webe mukashi, tshiakatangila bansongalume ba mukelenge wanyi bakatumeye.