Dielulula 9:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa wakangambila ne, Bika biebe, uhueke lubilu bualu bua bantu bebe bawakahatula mu Ejipitu, bakoneka, bakasesuka lubilu mu nshila unakabalesha; bakadienzela luhingu ne biamu biakatulabo.

MUKANDA WA MYIDI MUKULU

¹² kungambilaye ne: “Tuluka lukasa. Bantu bauvua mupatule mu Ejipitu mbenze bualu bupite bubi. Kabena bitabe ku bionsu bimvua mubambile. Mbadienzele lupingu lua tshiamu tshiengulula.”

Dielulula 9:12 교차 참조

Misambu 78:57

Bakalukila tshianyima, bakamutungila tshitungu bu muakenza batatu babo, bakasesuisha a bu mudi buta budi ne buelafi.

Ekesode 13:3

Mose wakambila bantu ne, Vulukai dituku edi dinuakuhatuka mu Ejipitu, mu nsubu wa lukanu, bualu bua Yehowa wakanuhatula mu muaba eu ne bukole bua tshianza tshiandi, kanudi bidia bidi ne luevene.

Ekesode 32:1

Kakamanya bantu ne, Mose wakashala ku mukuna musangu mule, bakadisangisha kudi Alona, bakamuambila ne, Bika biebe, utuenzele nzambi idi mua kuya ku mpala kuetu, bua muntu au Mose, wakalua nʼetu mu Ejipitu, katuena bamanye bualu buakumukuata.

Osheya 6:4

Nuenu. Bena Efelayima, nennuenzele tshinyi? Nuenu, Bena Yuda, nennuenzele tshinyi? Bua buimpe buenu budi bu ditutu dia lunkelu, anyi bu mume udi ukama lukasa.

Ngalate 1:6

Ndi nkema bua nudi nulekela wakanubikila mu ngasa wa Kilisto lubilu nunku bua nuenu nuitabushe lumu lukuabo

Dielulula 31:29

Bualu bua ndi mumanye ne, Ku nyima kua lufu luanyi nenutambe kudisangisha ne kusesuka mu nshila unakunulesha; malu mabi neanukuate mu matuku atshidi ku mpala; bualu bua nuenu nenuenze malu mabi ku mesu kua Yehowa bua kumufikisha munda bua mudimu wa bianza bienu.

Dielulula 32:5

Bantu bakadinyangisha kudiye, kabena bu bana bandi, bakahambuka, malu abo akanyanguka, akalua manyongoboka.

Dielulula 4:16

kanuonyi mitshima yenu, kanudisongidi luhingu ne tshifuanyikishi tshia muntu nansha mulume nansha mukashi,

Dielulula 5:15

Uvuluke ne wewe wakadi muhika mu buloba bua Ejipitu, ne Yehowa, Nzambi webe, wakakuhatulamu ne tshianza tshia bukole ne diboko diandi diolola: nunku Yehowa, Nzambi webe, wakalelela mukenji bua wewe uvuluke dituku dia Lumingu.

Dielulula 9:16

Nakatangila ne monai, nuakenzela Yehowa, Nzambi wenu, bubi; nuakadienzela kana ka ngombe ne biamu biakatulabo; nuakadi nusesuka lubilu mu nshila wakanulesha Yehowa.

Dielulula 9:26

Nakatendelela Yehowa, nakamba ne, Mukelenge Yehowa, kushihi bantu bebe ne buhianyi buebe buwakahikula ne bukole buebe, bantu bawakahatula mu Ejipitu ne tshianza tshikole.

Dielulula 9:29

Bobo batshidi bantu bebe ne buhianyi buebe, bawakahatula ne bukole buebe bunene ne diboko diebe diolola.

Yuda 1:10

Kadi bantu aba badi bahenda malu onso adibo kabai bamanye; ne malu adibo bajingulula mu buntu buabo, bu mudi nyama idi kayi ne meshi yajingulula, badi badiona mu malu â.

Balombodi 2:17

Bobo kabakunvuila balumbuluishi babo; kadi bakenza malu a masandi kudi nzambi yabo, bakayinamina; bobo bakasesuka lubilu mu nshila wakadi batatuʼabo bendamu hakadibo batumikila mikenji ya Yehowa; kadi bobo kabakenza nunku.