Dielulula 9:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Unvuai, Isalele, nenusabuke Yadene lelu, bualu bua kuihata bisamba bidi binuhita bunene ne bukole, ne misoko minene idi ne mpangu mile idi mihite mulu,

MUKANDA WA MYIDI MUKULU

¹ Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Dielulula 9:1 교차 참조

Genese 11:4

Bakambilangana ne, Tuyai kuasa musoko ne tshibumba tshile, musonga watshi neufike mulu mu matutu tuikale ne dina dia butumbi, bua katutangadiki ha buloba buonso.

Ekesode 32:1

Kakamanya bantu ne, Mose wakashala ku mukuna musangu mule, bakadisangisha kudi Alona, bakamuambila ne, Bika biebe, utuenzele nzambi idi mua kuya ku mpala kuetu, bua muntu au Mose, wakalua nʼetu mu Ejipitu, katuena bamanye bualu buakumukuata.

Danyele 4:11

Mutshi wakadiunda, wakalua mukole, lusongo luau luakafika mu diulu, wakamueneka kudi ba kunfudilu kua buloba.

Amosa 2:9

Kadi meme hanyi nakashiha Muena Amole ku mpala kuabo, bule buandi buakadi bu bua mitshi ya cèdre, ne bukole buandi buakadi bu bua mitshi ya telebinta; kadi nakanyanga mamuma andi akadi kulu, ne miji yandi ya kuinshi.

Dibadika 13:22

Bakayila ku luseke lua sude, bakafua ku Hebelone, ne Ahimana ne Sheshai ne Talemai, bana ba Anaka bakadimu. (Bakasa Hebelone bidimu muanda mutekete ku mpala kua Soana mu Ejipitu.)

Dibadika 33:51

Wambile Bena Isalele ne, Hanuasabuka Yadene mu buloba bua Kanâna,

Dielulula 1:28

Netubuelemu munyi? Bana betu bakatekesha mitshima yetu, bakamba ne, Bantu aba badi batuhita hunene ne bule; misoko yabo idi minene, ne mpangu yai ya mabue idi miye mulu mule; bualu bukuabo, tuakatangilamu bana balume ba Bena Anaka.

Dielulula 11:23

hashishe Yehowa neanuihatshile bisamba ebi bionso ku mpala kuenu, nenuhiane buloba bua bisamba bidi binuhita bunene ne bukole.

Dielulula 11:31

Bualu bua nenusabuke Yadene bua kubuelamu ne bua kuhiana buloba budi Yehowa, Nzambi wenu, unuha; nenubuhiane, nenushikamemu.

Dielulula 27:2

Halua dituku dinudi nusabuka musulu wa Yadene bua kubuela mu buloba budi Yehowa, Nzambi wenu, unuha, hashishe nenjadike mabue manene, nenuashinguile ne nshimete.

Dielulula 3:18

Nakanuambila ku tshikondo atshi ne, Yehowa, Nzambi wenu, wakanuha buloba abu bu buhianyi: bena nvita nebasabuke ne bintu bia nvita ku mpala kua bana benu ba Bena Isalele.

Dielulula 4:1

Katataka, nuenu Bena Isalele, unvuai mei ne mikenji bindi musue kunuyisha, bua nuenu kubienza bua nuikale ne muoyo, nubuelemu, nuhiane buloba budi Yehowa, Nzambi wa batatu benu, unuha.

Dielulula 4:38

bua kunuihatshila bisamba bidi binuhita bunene ne bukole ku mesu kuenu, ne bua kulua nʼenu mu buloba buabo bu buhianyi, bu mudi bualu ebu lelu.

Dielulula 6:10

Hashishe halua Yehowa, Nzambi wenu, nʼenu mu buloba buakalayeye batatu benu, Abalahama ne Isaka ne Yakoba, bua kunuhabu, misoko minene ne miakane mudi kanuyi bibake,

Dielulula 7:1

Halua Yehowa nʼenu mu buloba bunudi nuya bua kubuhiana, hanuihatshileye bisamba bia bungi ku mpala kuenu, Bena Hiti ne Bena Gîgashi ne Bena Amole ne Bena Kanâna ne Bena Pelizi ne Bena Hiwi ne Bena Yebuse, bisamba muanda mutekete bidi binuhita bunene ne bukole;

Yoshua 1:11

Hitshilai munkatshi mua tshitudilu, nuambile bantu ne, Dilongoluelai bia kudia, bualu bua hahita matuku asatu, nenusabuke Yadene eu, bua kuya kuangata buloba, budi Yehowa, Nzambi wenu, munuhe bua nuenu kubuangata.

Yoshua 1:15

tô ne haha Yehowa bana benu dikisha, bu muakunuheye, ne hangatabo kabidi buloba budi Yehowa, Nzambi wenu, mubahe; ku nyima nenuhingane ku buloba buenu buakanuha Mose, muntu wa Yehowa, dishiya dia Yadene kudi kuhatuka diba, bua nuenu kubuangata.

Yoshua 14:12

Katataka Umpe bianyi luseke elu lua ku mikuna, bu muakamba Yehowa dituku adi; bualu bua wewe wakunyua dituku adi bu muakadiku Bena Anaka, ne misoko minene ya ngumbu; bikala Yehowa nʼanyi, nembihate, bu muakamba Yehowa.

Yoshua 3:14

Hakumuka bantu mu ntenta yabo bua kusabuka Yadene, bakuidi bakadi batuala mushete wa tshihungidi tshia mei bakadi ku mpala kua bantu;

Yoshua 3:16

hashishe mai akadi ahueka ku mutu akimana, akimana dibula kule ku Adama, musoko udi ku luseke lua Saletana, ne mai a kumanda akadi ahueka ku dishiha dia Alabâ, ku Dishiba dia Luehu, akahanduluka; ne bantu bakasabuka buludiludi ne Yeleko.

Yoshua 3:6

Yoshua wakambila bakuidi ne, Ambulai mushete wa tshihungidi tshia mei, nusabuke ku mpala kua bantu. Bakambula mushete wa tshihungidi tshia mei, bakaya ku mpala kua bantu.

Yoshua 4:19

Bantu bakumuka ku Yadene mu matuku dikumi a ngondo wa kunfudilu, bakasa tshitudilu mu Gilegala ku esete kua Yeleko.

Yoshua 4:5

Yoshua wakabambila ne, Hitai ku mpala kua mushete wa Yehowa, Nzambi wenu, munkatshi mua Yadene, muntu ne muntu ambule dibue, aditeke ha diaha diandi, bu bungi bua bisamba bia Bena Isalele;