Dielulula 8:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ buloba bua blê ne orge ne mionshi ya tumuma ne mitshi ya nfigi ne grenade; buloba bua mitshi ya olive ne buitshi;

MUKANDA WA MYIDI MUKULU

⁸ Mu ditunga adi, mudi biakudia bia bungi: ntete mishilangane ya kuenza bukula, mitshi ya mfiku, maluvu a mvinyo, mitshi ya grenade, mafuta a olive ne buitshi.

Dielulula 8:8 교차 참조

Genese 49:11

Udi usuika nyama wandi wa mpunda ku muonshi wa tumuma tukese, udi usuika lukungulu lua nyama wa mpunda ku muonshi udi utamba buimpe, wakuvuwa bilulu biandi mu nvinyo, wakuvuwa kazaku kandi mu mashi a tumuma tukese.

2 Samuele 4:6

Bakabuela munda mua nsubu bu bantu bakadi bangata blé; bakamutua muele muinshi mua mbale; Lekaba ne muakunyʼandi Bana bakanyema.

1 Bakalenga 5:11

Solomo wakaha Hilama bihiminu bia blé binunu makumi abidi ne bihanza bia manyi makumi abidi bia kudisha nʼabi ba mu nsubu wandi; Solomo wakaha Hilama bintu abi nunku ku tshidimu ku tshidimu.

2 Bakalenga 18:32

tô ne hanaya nʼenu ku buloba budi bifuana buloba buenu, buloba bua blé ne nvinyo mihia-mihia ne mampa ne mitshi ya tumuma tukese, ne mitshi ya olive ne buitshi; bua nuenu nuikale ne muoyo, kanufu; kanunvu dî dia Hezikiya hanuambileye ne, Yehowa neatusungile.

Misambu 147:14

Udi uvuisha ditalala mu matshika ebe, udi ukûkutshisha ne blé udi mutambe buimpe.

Misambu 81:16

Yeye wakadi kubadisha ne blé mutambe buimpe, nakadi kubukutshisha ne buitshi bua mu dibue.

Yeshaya 7:23

Mu dituku adi, mu muaba wonso muakadi mionshi ya tumuma tua nvinyo tshinunu, yakadi mushinga wa bituha bia argent tshinunu, nemuikale buloba budi bumenesha anu meba ne mingonge.

Yirmeya 2:7

Nakalua nʼenu mu buloba buakadi bumenesha bia kudia bia bungi, bua nuenu kudia mamuma abu ne bintu biabu bimpe; kadi hanuakabuelamu, nuakanyanga buloba buanyi, nuakavuisha buhianyi buanyi bu tshintu tshinyanguke.

Yirmeya 5:17

Nebadie bintu bia mu madimi enu ne bidia bienu, nebashihe bana benu ba balume ne bana benu ba bakashi; nebadie bisumbu bienu bia mikoko ne bimuna; nebanyange mionshi yenu ya tumuma ne mitshi ya nfigi; nebashimbule misoko yenu ya ngumbu inuakueyemena ne muele wa nvita.

Yezekiyele 27:17

Ba mu Yuda ne ba mu buloba bua Isalele bakenduluka nʼebe mushinga; bakashintakasha nʼebe blé wa ku Minita, dihula, buitshi, manyi ne manyi a kulaba, ku bintu biwakenduluka nʼabi.

Osheya 2:22

ne buloba nebukudimune manvua, nvinyo ne manyi dî, ne biobi neakudimune Yizelele dî,

Osheya 2:8

Yeye kakamanya ne mmeme mene nakamuha manvua, nvinyo mihia-mihia ne manyi; nakamukumbashila argent ne or biakukuatshilabo nʼabi Bâla mudimu.

Mika 4:4

Kadi nebashikame, mu ntu ne muntu, muinshi mua muonshi wandi wa tumuma tua nvinyo ne muinshi mua mutshi wandi wa nfigi; kakuena muntu wabakuatshisha buowa; bualu bua mukana mua Yehowa wa misumba muakamba nunku.

Abakuke 3:17

Bikala mutshi wa nfigi kauyi usampila ntonga, hikalaku kakuyi tumuma ku mionshi ya nyinyo; biahanga mutshi wa olive kukuama, biahanga madimi kulua bia kudia; bikala mikoko ya mu luhangu kayiyiku, ne bikalaku kakuyi bimuna mu mpangu yabi;

Dibadika 13:23

Bakalua mu tshibanda tshia Eshekola, bakakosamu ditamba diakadi ne tshisumbu tshia mamuma a nvinyo, bakadituala ku mutshi babidi, balualua ne mamuma makuabo a grenade ne a nfigi.

Yowanane 6:13

Bakabiangula nunku, bakûsha bisaka dikumi ne bibidi tente ne bihesa bia mitanda itanu ya bidia bia seola biakadibo bashîa kudi bakadia.

Yowanane 6:9

Nsongalume mukese udi aha, udi ne mitanda itanu ya bidia bia seola ne mishiha ibidi; kadi bintu ebi ntshinyi tshienzelabi bantu bungi nunku?

Dielulula 32:13

Yeye wakamubandisha ha mutu ha miaba mile ya ha buloba, wakadia bintu biakaboba mu madimi, wakamunuisha buitshi buakadi mu mabue, ne manyi akadi mu mabue makole;

Dielulula 32:14

Wakamudisha manteke a mabele a ngombe, ne mabele a mbushi, ne dianyi dia mikoko ne bimpanga bia mu Bashana ne mbushi, ne blê yakatamba buimpe, nuakanua nvinyo ya tumuma tukunze tuakadi bu mashi.

Dielulula 6:3

Unvuai, Isalele, nubienze; bua nuenu nukume dikasa dimpe, ne bua nuenu nukumbane ba bungi, bu muakanulaya Yehowa, Nzambi wa batatuʼenu, mu buloba budi bûle tente ne mabele ne buitshi.

Dielulula 8:7

Bualu bua Yehowa, Nzambi wenu, udi ulua nʼenu mu buloba buimpe, buloba budi bûle tente ne tusulu tua mai, ne mishimi ya mai idi ihatuka mu mikuna ne mu bibanda;

Dielulula 8:9

buloba bunudi mua kudia bidia bia bungi, kanuena nukengela tshintu; buloba budi ne biamu bia tubanda, nudi bamanye mua kumbula biamu bikunze bia tubanda ku mikuna yabu.