Dielulula 7:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Yeye neafile bakelenge babo mu bianza bienu, nuenu nenjimishe mena abo hanshi ha buloba; kakuena muntu umue udi mua kuimana ku mpala kuenu tô ne hanuabashiha bonso.

MUKANDA WA MYIDI MUKULU

²⁴ Maweja-Nangila neafile bakalenga babu kunudi. Nenubabutule bonsu, kabayi babavuluke kabidi pa buloba. Muntu nansha umue kakunutuila nkanana. Nebabutuke bonsu.

Dielulula 7:24 교차 참조

Misambu 9:5

Wakabela bisamba bia bantu, wakubutula bantu babi; wakujimisha dina diabo tshiendelele.

Ekesode 17:14

Yehowa wakambila Mose ne, Ufunde bualu ebu mu mukauda bu tshivulukidi, ububadile mu matshu a Yoshua ne, Meme nenjimishe tshivulukidi tshia Amaleka muinshi mua diulu.

Nsumuinu 10:7

Tshivulukidi tshia muntu muakane tshidi tshivudisha disanka, kadi dina dia bantu babi nedibole.

Yeshaya 54:17

kakuena tshielelu tshia nvita tshidibo batula bua kukuluisha nʼatshi tshidi mua kuikala ne diakalengele; wewe neutuishe ludimi luonso ludibo babandisha bua kukubanda nʼalu mu tshilumbu. Ebu mbuhianyi bua badi bakuatshila Yehowa mudimu, ne eku nkubingishibua kuabo kudi kufuma kundi.

Yirmeya 10:11

Bualu bua nuenu kubambila budi nunku ne, Nzambi idi kayiyi mifuke diulu ne buloba neyijimine ha buloba ne muinshi mua diulu.

Sefanya 1:4

Nengolole tshianza tshianyi bua kukuma Bena Yuda ne bonso badi bashikame mu Yelushalema; nengumushe batendeledi ba Bâla ku muaba eu, tô ne ku difuka diabo dionso; nengumushe dina dia balama ba mpingu ne dia bakuidi babi diatshimue nʼabo;

Rome 8:37

Nasha; mu malu â onso tudi tutamba kuhita bualu bua bukole bua Yesu wakatunanga.

1 Korente 15:57

kadi tuasakidila kudi Nzambi, udi utuha kutamba kua lufu bualu bua Mukelenge wetu Yesu Kilisto.

Dielulula 11:25

Kakuena muntu udi mua kuimana ku mpala kuenu: Yehowa, Nzambi wenu, neateke buowa ne dishina kudi bena buloba buonso bunudi nudiata ku makasa, bu muakanuambileye.

Dielulula 25:19

Nunku hafila Yehowa, Nzambi wenu, bantu bonso badi nʼenu lukuna mu bianza bienu, ne hanuaheta dikisha mu buloba budi Yehowa, Nzambi wenu, unuha bua nuenu kubuhiana, hashishe nenujimishe tshivulukidi tshia Amaleka muinshi mua diulu; kanuhu muoyo bua bualu ebu nansha.

Dielulula 29:20

Yehowa kena umubuikidila bubi buandi, kadi tshiji tshia Yehowa ne mukau wandi nebimueneke kudi muntu eu ne milau yonso idi mifunda mu mukanda eu neyimukuate, ne Yehowa nenjimishe dina diandi muinshi mua diulu.

Dielulula 9:14

undekele, bua meme neashihe, nenjimishe dina diabo muinshi mua diulu; meme nenkuvuishe wewe tshisamba tshidi tshibahita bunene ne bukole.

Dielulula 9:3

Numanye bienu lelu ne, Yehowa, Nzambi wenu, udi uya ku mpala kuenu udi bu kahia kadi kabutula bionso; yeye nembashihe, neabahoneshe ku mpala kuenu: nunku nenubihate, nembajimishe lubilu, bu muakanuambila Yehowa.

Yoshua 1:5

Kakuena muntu udi mua kuimana ku mpala kuebe tô matuku onso autshidi ne muoyo; nengikale nʼebe bu munakadi ne Mose; tshiena ukulekela, tshiena nkushiya nkayebe.

Yoshua 10:23

Bakenza nunku, bakahatula bakelenge aba batanu mu lubuebue, bakalua nʼabo kudiye, ne mukelenge wa Yelushalema ne mukelenge wa Hebelone ne mukelenge wa Yâmuta ne mukelenge wa Lakisha ne mukelenge wa Egelona.

Yoshua 10:40

Nunku Yoshua wakalekesha buloba bujima, ne bua ku mikuna, ne bua ku Sude, ne bua mu bibanda, ne bua ku tukunakuna, ne bakelenge babu bonso: kakashiya nansha umue, wakabutula bonso bakadi ne muoyo, bu muakamba Yehowa, Nzambi wa Isalele.

Yoshua 10:42

Bakelenge aba bonso ne buloba buabo buonso Yoshua wakanyenga musangu umue, bualu bua Yehowa, Nzambi wa Isalele, wakadila Bena Isalele nvita.

Yoshua 10:8

Yehowa wakambila Yoshua ne, Kubatshinyi nansha, bualu bua nakubafila mu tshianza tshiebe; kakuena muntu wa kudibo udi mua kuimana ku mpala kuebe.

Yoshua 11:17

ku mukuna wa Halaka wa ku nshila wa ku Sei tô ne ku Bâla-gada wa mu tshibanda tshia Lebanona kuinshi kua mukuna wa Hêmona; wakakuata bakelenge hai bonso, wakabataha, wakabashiha.

Yoshua 12:24

mukelenge umue wa mu Tîsa: bakelenge bonso makumi asatu ne umue.

Yoshua 21:44

Yehowa wakabaha dikisha ku nseke yonso bu muakalayeye bankambua babo; kakuakadi umue wa bena lukuna babo bonso wakamanya mua kubatantamena; Yehowa wakafua bena lukuna babo bonso mu bianza biabo.

Yoshua 23:3

nuenu nuakatangila malu onso akenzela Yehowa, Nzambi wenu, bisamba ebi bionso bua bualu buenu; bualu bua Yehowa, Nzambi wenu, yeye mene wakanuluila nvita.

Yoshua 23:9

Yehowa wakanuihatshila bisamba binene ne bikole; kakuakadi muntu wakanutantamena tô ne ku dituku edi.

Yoshua 6:2

Yehowa wakambila Yoshua ne, Mona, nakulala Yeleko ne mukelenge wa musoko ne bena nvita bonso ba dikima mu tshianza tshiebe.