Dielulula 7:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Kadi Yehowa, Nzambi wenu, neabafile mu bianza bienu, neabakengeshe ne makenga makole, tô ne hajiminabo.

MUKANDA WA MYIDI MUKULU

²³ Maweja-Nangila Mvidi Mukulu wenu neanuambuluishe bua nutekeshe bisamba ebi. Nebikale ne bowa bunene, babutuke.

Dielulula 7:23 교차 참조

Ekesode 23:27

Nentume dishina dianyi ku mpala kuebe, nentshinyishe bantu bonso baudi ufika kudibo, nenkobamishe bantu bonso badi nʼebe lukuna nyima yabo.

Yeshaya 13:6

Asai muadi! Bualu bua dituku dia Yehowa didi ha buihi; nedilue bu kubutuka kudi kufuma kudi Nzambi wa Bukole Buonso!

Yirmeya 17:18

Bantu badi bankengesha bafuishibue bundu kadi kuitabushi bua meme kufuishibua bundu; bobo batshinyishibue, kadi kuitabushi bua meme kutshinyishibua; ubavuishile dituku dia dikenga, ne ubabutule ne kubutuka kua misangu ibidi.

Yowele 1:15

Aka! Bua difuku adi! Bua dituku dia Yehowa didi ha buihi, ne didi dilua bu kubutuka kufume kudi Nzambi wa Bukole Buonso.

Dielulula 2:15

Tshianza tshia Yehowa tshiakadi kudibo, bua kubashiha munkatshi mua tshitudilu, tô ne hakafuabo buonso buabo.

Dielulula 31:5

Yehowa neabafile mu bianza bienu, nuenu ne nubenzele bu mudi mikenji yonso inakanuambila.

Dielulula 8:20

Bu muakajimisha Yehowa bisamba bikuabo ku mpala kuenu, nunku nuenu nenujimine, bualu bua nuenu nuakahidia kunvua dî dia Yehowa, Nzambi wenu.

Dielulula 9:3

Numanye bienu lelu ne, Yehowa, Nzambi wenu, udi uya ku mpala kuenu udi bu kahia kadi kabutula bionso; yeye nembashihe, neabahoneshe ku mpala kuenu: nunku nenubihate, nembajimishe lubilu, bu muakanuambila Yehowa.

2 Tesalonike 1:9

bobo aba nebahete dikenga, dibutuka dia tshiendelele mene, dia ku mesu kua Mukelenge ne ku butumbi bua bukole buandi,

Yoshua 10:10

Yehowa wakabalubakasha ku mpala kua Bena Isalele, wakabashiha ne dishiha dikole ku Gibeona; bakabihata mu nshila wa kubanda ku Bete-holona tô ne ku Azeka ne Makeda.

Balombodi 4:15

Yehowa wakatatshisha Sisela ne makalu andi onso ne bantu bandi bonso ku miele ya nvita ya Balaka; ne Sisela wakumuka ku dikalu diandi, wakanyema ku makasa andi.