Dielulula 6:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Unvuai Isalele, Yehowa, Nzambi wetu, udi biandi Yehowa umue;

MUKANDA WA MYIDI MUKULU

⁴ “Nuenu bena Izrayele, telejayi: Maweja-Nangila, Maweja-Nangila nkayende, ke Mvidi Mukulu wetu. Kakuena mukuabu to.

Dielulula 6:4 교차 참조

1 Bakalenga 18:21

Eliya wakasemena ha buihi ne bantu bonso, wakabakonka ne, Nudi nuenda nuzobela hankatshi ha nseke ibidi musangu bule munyi? Bikala Yehowa Nzambi, numulonde; kadi bikala Bâla Nzambi, numulonde. Bantu kabakamukudimuna.

2 Bakalenga 19:5

Nunku bantu ba mukelenge Hezikiya bakafika kudi Yeshaya.

1 Kulondolola 29:10

Nunku Davidi wakavudishila Yehowa disanka ku mpala kua bantu bonso; Davidi wakamba ne, Yehowa, Nzambi wa Isalele tatu wetu, wikale ne disanka tshiendelele.

2 Kulondolola 17:9

Bakayisha mu Yuda; bakadi ne mutanda wa mikenji ya Yehowa; bakaya ku misoko yonso ya Bena Yuda, bayisha bantu.

Nehemya 9:6

Wewe udi Yehowa, wewe nkayebe mene; wewe wakafuka diulu ne diulu dia mu diulu ne misumba yau yonso ne buloba ne bintu bionso bidimu ne mai manene ne bionso bidimu, wewe utu wabilama buonso buabi; misumba ya mu diulu idi ikutendelela.

Misambu 78:5

Bualu bua yeye wakajadika tshimanyishilu tshia Yakoba, wakasungula diyisha dia mikenji mu Isalele, biakeleleye batatu betu mukenji bualu buabi ne, Nubiyishe kudi bana benu baledibue.

Misambu 86:10

Bualu bua wewe udi munene, ne udi wenza malu a kukema; anu wewe nkayebe udi Nzambi.

Yeshaya 42:8

Meme ndi Yehowa, adi ndina dianyi; tshiena mpa mukuabo butumbi buanyi, anyi kutendelela kuanyi kudi mpingu misonga.

Yeshaya 44:6

Yehowa, Mukelenge wa Isalele, Muhikudi wandi, Yehowa wa misumba, udi wamba ne, Ndi wa kumudilu, ndi wa kunshikidilu; kakuena nzambi mukuabo, anu meme nkayanyi.

Yeshaya 44:8

Kanutshinyi, kanuikadi ne buowa. Tshiakukuambila bualu ebu kale, tshiakukuleshabu, anyi? Nuenu nudi bamanyi bianyi. Nzambi mukuabo udiku muomumue nʼanyi, anyi? Nansha dibue dikuabo kadienaku; tshiena mumanye dikuabo nansha.

Zekâya 14:9

Yehowa neikale Mukelenge wa buloba bujima. Mu dituku adi Yehowa neikale anu umue, ne dina diandi nedikale dimue.

Matayi 22:37

Yesu wakamuambila ne, Sua Mukelenge Nzambi webe ne mutshima webe wonso ne muoyo webe wonso ne lungenyi luebe luonso.

Luke 10:27

Yeye wakakudimuna dî ne, Sua Mukelenge Nzambi webe ne mutshima webe wonso ne muoyo webe wonso ne bukole buebe buonso ne lungenyi luebe luonso; ne sua mukuenu bu mûdi mudisue.

Yowanane 10:30

Meme ne Tatu tudi bamue.

Yowanane 17:3

Eu udi muoyo wa tshiendelele, bua bobo bakumanye wewe, Nzambi umuehele mulelela, ne yeye uwakatuma, Yesu Kilisto mene.

Rome 3:30

hikala Nzambi umue, ne yeye neabingishe mutengula ku ditabusha ne udi kai mutengula bua ditabusha.

Efeze 4:6

Nzambi umue, Tatu wa bonso, udi ku mutu kua bonso, udi wenzesha bonso, udi munda mua bonso.

Dielulula 4:39

Numanye bienu lelu, nubueshe bualu ebu mu mitshima yenu ne, Yehowa udi Nzambi wa mu diulu ne hanshi ha buloba kabidi: kakuena mukuabo.

Dielulula 5:6

Meme ndi Yehowa, Nzambi wenu, wakanuhatula mu buloba bua Ejipitu ne mu nsubu wa lukanu.

1 Timote 2:5

Bualu bua Nzambi udi umue, ne mutuanganyi umue udiku hankatshi ha Nzambi ne bantu, nyeye muntu mene, Kilisto Yesu;

Yakobe 2:19

Wewe udi witabusha ne, Nzambi udi umue; udi wenza bimpe; bademon badi bitabusha kabidi, badi bazakala.