Dielulula 6:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ bualu bua Yehowa, Nzambi wenu, udi munkatshi muenu, udi Nzambi wa mukau, bua tshiji tshia Yehowa, Nzambi wenu, katshikadi kunudi, ne bua yeye kanujimishi ha mutu ha buloba.

MUKANDA WA MYIDI MUKULU

¹⁵ Bualu Maweja-Nangila, Mvidi Mukulu wenu, udi munkatshi muenu. Mmusue kuikala amu Mvidi Mukulu nkayende. Kanumufikishi munda to, bualu udi mua kunubutula, kunumusha panu.

Dielulula 6:15 교차 참조

Genese 7:4

Haleha matuku muanda mutekete nendokeshe nvula ha buloba munya ne bufuku to matuku makumi anai, nenjimishe bintu bionso binakafuka ha buloba.

1 Bakalenga 13:34

Bualu ebu buakalua bubi kudi ba mu nsubu wa Yalobama, bua kubahidiabo ne bua kubajimishabo ha buloba.

2 Kulondolola 36:16

kadi bobo bakaseka bambi ba Nzambi; bakahetula mei andi, bakahenda baprofete bandi tô ne hakamueneka tshiji tshia Yehowa kudi bantu bandi tshidi katshiyi tshishika.

Misambu 90:11

Udi mumanye bukole bua tshiji tshiebe nganyi? Udi mumanye njiya yebe idi itshinyisha bantu nganyi?

Misambu 90:7

Bualu bua tuakushidishibua mu tshiji tshiebe, bua njiya yebe tuakukuatshika buowa.

Ekesode 20:5

Kubinaminyi, kubitendeledi, bua meme Yehowa, Nzambi webe, ndi bianyi Nzambi wa mukau, ntu ngatumina bana ba tshihungu tshisatu anyi tshinai badi hanyi lukuna mibi ya batatuʼabo.

Ekesode 32:12

Munyi mudi Bena Ejipitu mua kuamba ne, Yeye wakabaluhula bua kubenzela bibi, ne bua kubashiha ku mikuna, ne bua kubajimisha ha buloba? Lekela tshiji tshiebe tshikole, ukudimune mutshima bua malu audi musue kuenzela bantu bebe.

Yirmeya 28:16

Nunku Yehowa udi wamba ne Mona, nenkûmushe ha buloba; tshidimu etshi neufue biebe, bualu bua wakuamba mei a kutombokela nʼau Yehowa.

Yirmeya 7:6

binuikala kanuyi nukengesha benyi ne bana ba nshiya ne bakashi ba mu lufuila, binuikala kanuyi numatshisha mashi a badi kabayi ne bualu hanshi mu muaba eu, binuikala kanuyi nulonda nzambi ya hatuhu bua kudikengesha nʼai,

Amosa 3:2

Nuenu nkayenu mbanakumanya munkatshi mua bisamba bionso bia hanshi ha buloba; nunku nennukengeshe bua malu mabi enu onso.

Amosa 9:8

Monai, mesu a Yehowa Nzambi adi matangishe ku bukelenge budi ne malu mabi; nembubutule ne nembûmushe hanshi ha buloba; kadi tshiena mbutula tshisamba tshia Yakoba kabutu nansha. Yehowa udi wamba nunku.

Dibadika 35:34

Kanuonyi buloba bunudi nushikamamu, kundi mushikame kabidi, bualu bua meme Yehowa ndi mushikame munkatshi mua Bena Isalele.

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?

Dielulula 11:17

bualu bua Yehowa neanukuatshile tshiji, yeye neabuikile diulu ne nvula kayena iloka, ne buloba kabuena bukuama bintu; nunku nenujimishibue lubilu mu buloba buimpe buakamba Yehowa.

Dielulula 4:24

Bualu bua Yehowa, Nzambi wenu, udi bu kahia kadi kashidisha bionso, udi Nzambi wa mukau.

Dielulula 5:9

kubmamina, kubitendeledi; bua meme Yehowa, Nzambi webe, ndi bianyi Nzambi wa mukau; ntu ngatumina bana ba tshihungu tshisatu anyi tshinai badi nʼanyi lukuna mibi ya batatuʼabo;

Dielulula 7:4

Bualu bua bobo nebakudimune mutshima wa muanʼenu mulume, bua yeye kandondi meme bua kukuatshileye nzambi mikuabo mudimu: nunku Yehowa neanukuatshile tshiji, neanujimishe lubilu.

Yoshua 23:12

Kadi binuahingana bua kulamata bisamba ebi bidi bishala munkatshi muenu, ne bua kubakangana nʼabo, ne bua kubuelakana nʼabo,

Yoshua 23:16

Binuashiha tshihungidi tshia Yehowa, Nzambi wenu, tshinuakahunga nʼandi, ne binuaya bua kukuatshila nzambi mikuabo mudimu ne bua kuyikukuila, hashishe Yehowa neikale nʼenu tshiji, nenujimine lubilu mu buloba buimpe buakanuheye.