Dielulula 6:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne nsubu miule tente ne bintu bimpe mudi kanuyi bûshe, ne mena a mai akumbulabo, anudi kanuyi bumbule, ne madimi a tumuma tukese ne mitshi ya olive, binudi kanuyi bakune; nuenu nenudie, nenukute mafu tente;

MUKANDA WA MYIDI MUKULU

¹¹ Nenusangane kabidi nzubu miuwule tente ne bintu bia bubanji binuvua kanuyi bunguije, biina bia mayi binuvua kanuyi bumbule, mitshi ya mvinyo ne ya olive inuvua kanuyi bakune. Nenuikale ne biakudia bipite bungi.

Dielulula 6:11 교차 참조

Nehemya 9:25

Bakanyenga misoko ya ngumbu ne buloba buimpe ne nsubu miule tente ne bintu biakane ne mena a mai akumbulabo ne madimi a tumuma tukese ne madimi a olive ne mitshi ya mamuma ya bungi; nunku bakadia, bakukuta, bakalonda, bakasenena, bakasanka bua buimpe buebe bunene.

Misambu 105:44

Wakabaha maloba a bisamba bia bantu ba bende; bakadiangatshila bintu biakaheta bantu ba bende ku mudimu wabo mukole.

Dielulula 11:15

Nendiundishe mashinde mu madimi enu bua nuenu kudisha bimuna bienu; nenudie, nenukute.

Dielulula 14:29

ne Bena Lewi, bualu bua bobo kabena ne tshituha anyi buhianyi kunudi, ne benyi ne bana ba nshiya ne bakashi ba mu lufuila badi ku mbelu kuenu nebalue, nebadie, nebukute; nunku Yehowa, Nzambi wenu, neanuvudishile disanka mu mudimu wonso unudi nuenza ne bianza bienu.

Dielulula 19:1

Hashiha Yehowa, Nzambi wenu, bisamba abi bia mu buloba budi Yehowa, Nzambi wenu, unuha, hanuabihata, hanuaslukama mu misoko yabo ne mu nsubu yabo,

Dielulula 32:15

Kadi Yeshuluna wakavunda, wakatua mikumu: nuenu nuakuvunda, nudi ne mafuta a bungi, nuakusenena; hashishe yeye wakalekela Nzambi wakamufuka, wakahetula Dibue dia luhandu luandi.

Yoshua 24:13

Nakanuha buloba bunudi kanuyi badima, ne bimenga bia kushikamamu binuakadi kanuyi base, ne nuenu nuakashikamamu; nuakadia tumuma tua nvinyo ne tua olive tunuakadi kanuyi bakune.

Balombodi 3:7

Bena Isalele bakenza malu mabi ku mesu kua Yehowa, bakahua Yehowa, Nzambi wabo, muoyo, bakakuatshila Bâla ne Ashelota mudimu.