Dielulula 4:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Anyi Nzambi wakamba kuya bua kudisunguila tshisamba munkatshi mua tshisamba tshikuabo, kudi mateta ne kudi bimanyinu ne kudi malu a kukema ne kudi nvita ne ku tshianza tshikole ne diboko diandi diolola ne kudi malu manene adi atshinyisha bantu bu muakanuenzela Yehowa, Nzambi wenu, mu Ejipitu ku mesu kuenu, anyi?

MUKANDA WA MYIDI MUKULU

³⁴ Kudi mvidie ukadi mupatule tshisamba tshia bantu bende mu bupika, muleje bumfumu buende, ne bukole buende, bu munuvua nuenu badimuene anyi? Kudi mvidie uvua mukengeshe bantu, mutshimune mvita, muenze bishima ne malu a kukema, muenze kabidi ne malu adi akuatshisha bantu bowa, bu muvua Maweja-Nangila Mvidi Mukulu wenu munuenzele mu Ejipitu anyi?

Dielulula 4:34 교차 참조

Misambu 136:12

Wakabaluhula ne tshianza tshikole ne diboko diandi diolola, bua luse luandi ludi lujalame tshiendelele.

Misambu 24:8

Mukelenge wa butumbi nganyi? NYehowa, udi ne dikanda ne bukole buhite, Yehowa udi mukole mu nvita!

Misambu 78:12

Yeye wakenza malu a kukema ku mesu kua batatu babo, mu buloba bua Ejipitu, mu madimi a mu Soana.

Ekesode 1:9

Yeye wakambila bantu bandi ne, Tangilai, Bena Isalele badi batuhita bungi ne bukole.

Ekesode 10:21

Yehowa wakambila Mose ne, Olola tshianza tshiebe mulu, midima ikale mu buloba bua Ejipitu, bantu babubute mu midima.

Ekesode 10:7

Bantu ba Palô bakamukonka ne, Muntu eu neikale buteyi kutudi musangu bule munyi? Ulekele bantu baye kutendelela Yehowa Nzambi wabo, wewe kuena mumanye ne, Buloba bua Ejipitu buakushihibua, anyi?

Ekesode 13:3

Mose wakambila bantu ne, Vulukai dituku edi dinuakuhatuka mu Ejipitu, mu nsubu wa lukanu, bualu bua Yehowa wakanuhatula mu muaba eu ne bukole bua tshianza tshiandi, kanudi bidia bidi ne luevene.

Ekesode 14:30

Nunku Yehowa wakasungila Bena Isalele mu bianza bia Bena Ejipitu dituku adi Bena Isalele bakatangila Bena Ejipitu bafue kukala kua mai manene.

Ekesode 15:11

Nganyi udi bu wewe Yehowa, munkatshi mua nzambi mikuabo? Nganyi udi bu wewe, udi ne butumbi bua tshijila, udi utshinyisha bantu ne bienzedi bia butumbi, udi wenza malu a kukema?

Ekesode 19:4

Nuenu nuakutangila malu anakenzela Bena Ejipitu, ne bu munakanutuala ha mahuahua a nyunyu wa mukanku, bu munakalua nʼenu kundi meme.

Ekesode 3:10

Lua biebe, nenkutume kudi Palo, Ulue biebe ne bantu banyi, bana ba Isalele, badi mu Ejipitu.

Ekesode 6:6

Nunku wambile Bena Isalele ne, Ndi Yehowa, ne meme nennuhatule muinshi mua majitu a Bena Ejipitu, nennusungile ku buhika buabo, nennuhikule ne diboko diolola ne dilumbulula dikole.

Ekesode 7:3

Nenkoleshe mutshima wa Palô, nennudishe bimanyinu bianyi ne malu anyi a kukema mu buloba bua Ejipitu.

Yeshaya 51:9

Tabala, tabala, udiluatshishe bukole, wewe, diboko dia Yehowa! Tabala bu muwakenza mu matuku a kale, mu bikondo biakamana kuhita kale. Kenguewe wakakosa Lahaba bituha bituha, wakatubula nyama munene ne muele, anyi?

Yirmeya 21:5

Meme hanyi nenduangane nʼenu ne tshianza tshiolola kunudi ne diboko dianyi dikole, ne tshiji, ne tshifikʼa munda, ne tshiji tshikole.

Yirmeya 32:21

Wakaluhula bantu bebe Bena Isalele mu buloba bua Ejipitu ku bimanyinu ne ku malu a kukema, ku tshianza tshikole, ku diboko diolola ne ku ditshinyisha dikole dia bantu.

Dibadika 20:16

ne hatuakadila kudi Yehowa, yeye wakumpa dî dietu, wakatuma muanjelo wakatuhatula mu Ejipitu, ne tangila, tudi mu Kadesha, musoko udi ku butshika bua buloba buenu mene.

Dielulula 1:30

Yehowa, Nzambi wenu, udi uya ku mpala kuenu, yeye neanuluile nvita yenu, bu muakenzeye ku mesu kuenu mu Ejipitu,

Dielulula 10:21

Yeye udi butumbi buenu, yeye udi Nzambi wenu, wakanuenzela malu manene ne a kukema anuakatangila ku mesu.

Dielulula 11:2

Numanye bienu lelu, bualu bua tshiena ngakula ne bana benu badi kabayi bamanye, badi kabayi banze kutangila malu akanuyishabo kudi Yehowa, Nzambi wenu. Kabakanji kutangila bunene buandi ne tshianza tshiandi tshia bukole, ne diboko diandi diolola,

Dielulula 26:8

Yehowa wakatuhatula mu Ejipitu ne tshianza tshikole ne diboko diandi diolola ne malu makole ne bimanyinu ne malu a dikema;

Dielulula 29:3

mateta makole anuakatangila ne mesu, ne bimanyinu ne malu a kukema.

Dielulula 33:29

Bena Isalele, nuenu nudi ne disanka, banganyi badi bu nuenu basungidibue kudi Yehowa! Yeye udi bu ngabu wa dikuatshisha dienu; udi bu muele wa nvita unudi nutamba nʼau bakuabo! Bantu badi nʼenu lukuna nebanukokele, nuenu nenudiate mikuna yabo mu makasa enu.

Dielulula 34:12

ne mu tshianza tshikole, ne mu buowa bunene biakenza Mose ku mesu kua Bena Isalele bonso.

Dielulula 5:15

Uvuluke ne wewe wakadi muhika mu buloba bua Ejipitu, ne Yehowa, Nzambi webe, wakakuhatulamu ne tshianza tshia bukole ne diboko diandi diolola: nunku Yehowa, Nzambi webe, wakalelela mukenji bua wewe uvuluke dituku dia Lumingu.

Dielulula 6:21

Hashishe newambile muanʼebe mulume ne, Tuakadi bahika ba Palo mu Ejipitu, ne Yehowa wakatuhatula mu Ejipitu ne tshianza tshikole;

Dielulula 7:19

mateta makole anuakatangila ku mesu, ne bimanyinu, ne malu a kukema, ne tshianza tshikole ne diboko diolola wakanuhatula nʼabi Yehowa, Nzambi wenu; ne Yehowa, Nzambi wenu, nênzele bantu bonso banudi nutshina nunku.

Dielulula 9:29

Bobo batshidi bantu bebe ne buhianyi buebe, bawakahatula ne bukole buebe bunene ne diboko diebe diolola.

Yoshua 24:7

Hakadilabo kudi Yehowa, yeye wakateka midima hankatshi habo ne Bena Ejipitu; wakatuma mai manene ha mutu habo, wakababuikila; mesu enu akatangila malu anakenza mu Ejipitu; nuakashikama mu tshihela matuku a bungi.

1 Petro 5:6

Nunku nudihuekeshe kunshi kua tshianza tshikole tshia Nzambi, bua yeye anubandishe mu tshikondo tshiasunguleye;