Dielulula 4:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bualu bua Yehowa, Nzambi wenu, udi bu kahia kadi kashidisha bionso, udi Nzambi wa mukau.

MUKANDA WA MYIDI MUKULU

²⁴ Bualu Maweja-Nangila Mvidi Mukulu wenu udi wosha, ubutula bu kapia. Yeye nkayende mmusue kuikala Mvidi Mukulu wenu.

Dielulula 4:24 교차 참조

2 Bakalenga 24:20

Tshiji tshia Yehowa tshiakakumbana kudi Bena Yelushalema ne kudi Bena Yuda tô ne hakumusheye bonso ku mesu kuandi. Sedekiya wakatombokela mukelenge wa Babulona.

Misambu 21:9

Neubavuishe bu tshikutu tshidi tshitema ne kahia mu tshikondo tshiwamueneka. Yehowa neabamine mu tshiji tshiandi, ne kahia nekabashidishe.

Misambu 78:58

Bualu bua bakamufikisha munda ne bitendelelu biabo bia ha mikuna, bakasonsola mukau munda muandi ne mpingu yabo misonga.

Ekesode 15:7

Mu bunene bua buakane buebe, wewe utu wahita bantu bukole badi badilesha ku mesu kuebe, wewe udi ubatumina tshiji tshiebe, tshidi tshibosha bu bilu.

Ekesode 20:5

Kubinaminyi, kubitendeledi, bua meme Yehowa, Nzambi webe, ndi bianyi Nzambi wa mukau, ntu ngatumina bana ba tshihungu tshisatu anyi tshinai badi hanyi lukuna mibi ya batatuʼabo.

Ekesode 24:17

Dimueneka dia butumbi bua Yehowa diakadi bu kahia kakole ha mutu ha mukuna ku mesu kua Bena Isalele.

Ekesode 33:3

ku bu loba budi ne mabele ne buitshi bia bungi; bualu bua meme tshiena nya munkatshi muenu bualu bua nudi bantu ba buhidia bukole, bua tshinushihi mu nshila.

Ekesode 34:14

Kutendeledi nzambi mukuabo nansha; bualu bua Yehowa udi ne dina diandi dia Mukau, udi Nzambi wa mukau.

Yeshaya 10:17

Munya wa Bena Isalele newandamuke kahia, ne wandi wa Tshijila neandamuke ludimi lua kahia; neluoshe, nelumane meba andi ne mingonge yandi mu dituku dimue.

Yeshaya 30:27

Monai, dina dia Yehowa didi difuma kule, didi ditema ne tshiji tshiandi, didi mu mulanjilanji wa muishi mufike udi ubanda. Mishiku yandi idi miule tente ne tshiji, ne ludimi luandi ludi bu kahia kadi kashidisha.

Yeshaya 30:33

Bualu bua bakumana kulongolola tshioshelu tshia kuoshelahu bitalu; e, bakutshilongoluela mukelenge; bakutshivuisha tshile ne tshinene; bakutentekashaku makala ne nkunyi ya bungi; muhuya wa Yehowa, udi bu musulu wa soufre, udi ubitemesha.

Yeshaya 33:14

Bantu babi ba mu Siona badi batshina; lukanku luakukuata badi kabayi bitabusha Nzambi. Muntu kai wa munkatshi muetu udi mua kushikama hehi ne kadilu kadi kashidisha? Muntu kai udi mua kushikama hehi ne kahia kadi kosha tshiendelele?

Yeshaya 42:8

Meme ndi Yehowa, adi ndina dianyi; tshiena mpa mukuabo butumbi buanyi, anyi kutendelela kuanyi kudi mpingu misonga.

Amosa 5:6

Kebai Yehowa, nenuikale ne muoyo; bua yeye katemeshi kahia mu tshiota tshia Yosefe, bua koko kakabashidishi, kakuyi muntu mu Betele udi mua kukajima;

Nahume 1:2

Yehowa udi Nzambi wa mukau ne udi udisombuela, Yehowa udi udisombuela, udi mûle tente ne tshiji, Yehowa udi udisombuela kudi badi nʼandi lukuna, udi ulamina bena lukuna bandi tshiji

Nahume 1:6

Udi mua kuimana ku mpala kua tshiji tshiandi nganyi? Udi mua kukolela njiya yandi nganyi? Tshiji tshiandi tshikole tshidi tshitema bu kahia, ne yeye udi uhanda mabue.

Sefanya 1:18

Biamu biabo, nansha bia argent, nansha bia or, kabiena mua kubahandisha mu dituku dia njiya ya Yehowa; kadi buloba buonso nebuhie ku kahia ka mukau wandi. Bualu bua neabutule bantu bonso badi bashikame ha buloba ne dibutula didi dikuatshisha bantu buowa.

Sefanya 3:8

Nunku Yehowa udi wamba ne, Nungindile, tô ne ku dituku dindi mbika bua kunyenga bintu; hualu bua nakuhangidisha bua kusangisha bisamba bia bantu, bua kukungisha makelenge, bua meme kuhumuna tshiji tshianyi hamʼbidi habo, kahia konso ka tshiji tshianyi mene; bualu bua buloba buonso nebulue mu kahia ka lukunukunu luanyi.

Dibadika 25:11

Pinehasa, muana mulume wa Eleazâ, muana mulume wa Alona muakuidi, wakalekesha tshiji tshianyi kudi Bena Isalele, bualu bua yeye wakadi ne mukau bu mukau wanyi munkatshi muabo, nunku tshiakashiha Bena Isalele bonso ne mukau wanyi.

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?

Dielulula 29:20

Yehowa kena umubuikidila bubi buandi, kadi tshiji tshia Yehowa ne mukau wandi nebimueneke kudi muntu eu ne milau yonso idi mifunda mu mukanda eu neyimukuate, ne Yehowa nenjimishe dina diandi muinshi mua diulu.

Dielulula 32:16

Bakamufuisha mukau ne nzambi ya bende; bakamufikisha munda ne malu mabi.

Dielulula 5:9

kubmamina, kubitendeledi; bua meme Yehowa, Nzambi webe, ndi bianyi Nzambi wa mukau; ntu ngatumina bana ba tshihungu tshisatu anyi tshinai badi nʼanyi lukuna mibi ya batatuʼabo;

Dielulula 6:15

bualu bua Yehowa, Nzambi wenu, udi munkatshi muenu, udi Nzambi wa mukau, bua tshiji tshia Yehowa, Nzambi wenu, katshikadi kunudi, ne bua yeye kanujimishi ha mutu ha buloba.

Dielulula 9:3

Numanye bienu lelu ne, Yehowa, Nzambi wenu, udi uya ku mpala kuenu udi bu kahia kadi kabutula bionso; yeye nembashihe, neabahoneshe ku mpala kuenu: nunku nenubihate, nembajimishe lubilu, bu muakanuambila Yehowa.

Ebrewu 12:29

bualu bua Nzambi wetu udi kahia kadi kashidisha.