Dielulula 32:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bantu bakadinyangisha kudiye, kabena bu bana bandi, bakahambuka, malu abo akanyanguka, akalua manyongoboka.

MUKANDA WA MYIDI MUKULU

⁵ Kadi nuenu, bena Izrayele, nudi bantu babi, bapale. Nudi babenge Maweja-Nangila, batufuisha bundu. Kanutshiena bana bende kabidi to.

Dielulula 32:5 교차 참조

Genese 6:12

Nzambi wakatangila buloba ne monai, buakadi bunyanguka, bualu bua bantu bonso bakanyanguka mu bienzedi biabo bia ha buloba.

Misambu 78:8

Bua bana aba kabikadi bu muakadi batatu babo, bakadi mulongo wa bena tshitshu ne batomboki, mulongo wa bantu bakadi kabayi ne mitshima yabo nutantamane, ne bakadi ne nyuma yakadi kayiyi nueyemene Nzambi.

Ekesode 32:7

Yehowa wakambila Mose ne, Hueka mu tshibanda, bualu bua bantu bebe bawakaluhula mu buloba bua Ejipitu bakudiona.

Nsumuinu 8:8

Mei onso a mukana muanyi adi ambibua mu buakane; kakuena dî dia mashimi anyi dikonyangale munkatshi muau.

Yeshaya 1:4

Nuenu, tshisamba tshia bantu babi, tshia badi banema bujitu bua malu mabi, tunkanunuma tua benji ba malu mabi, bana badi banyanga bienzedi biabo! Bakulekela Yehowa, bakulengulula Wa Tshijila wa Isalele, bakulua bu benyi kudiye, bakumukoma nyima.

Yeshaya 63:8

Bualu bua yeye wakamba ne, Bulelela, badi bantu banyi, badi bana banyi badi kabayi bandinga; nunku yeye wakalua Musungidi wabo.

Osheya 9:9

Bakudinyanga ne tshinyangu tshikole, bu muakenzabo mu matuku a Gibea. Yeye neavuluke bubi buabo, neabakengeshe bua malu mabi abo.

Sefanya 3:7

Nakadiamba munda muanyi ne, Yeye kena uhanga kuntshina bulelela; neitabushe dikenga didi dimuyisha; ne kakuena bualu bumue bunakuteka hamʼbidi handi bua yeye kuenza buajimina ku mesu kuandi; kadi bakadiendesha lukasa bua kunyanga bienzedi biabo bionso.

Dibadika 23:21

Yeye kena mutangile malu mabi munkatshi mua bana ba Yakoba, yeye kena mutangile mitshima mikole munkatshi mua Isalele. Yehowa, Nzambi wandi udi nʼandi ne dî dia lubila dia bukelenge didi munkatshi muabo.

Matayi 16:4

Ba mu tshikondo tshibi ne tshia masandi badi bakeba tshimanyinu! kabena babaha tshimanyinu tshikuabo anu tshia Yona. Yeye wakahashîa, wakaya biandi.

Matayi 17:17

Yesu wakandamuna ne, Nuenu ba tshikondo etshi tshia buhidia ne tshitshu, nenshale nʼenu musangu bule munyi? Nentate nʼenu musangu bule munyi? Luai nʼandi kundi.

Matayi 3:7

Kadi hakamoneye Bafalese ba bungi ne Basadoke balua kubatijibua, yeye wakabakonka ne, Nuenu bana ba nyoka, wakunudimusha bua kunyema ku mulau ulualua nganyi?

Luke 9:41

Yesu wakandamuna ne, Nuenu ba tshikondo etshi tshia buhidia ne tshitshu, nenshale nʼenu musangu bule munyi? Nentate nʼenu musangu bule munyi? Lua ne muanʼebe.

Yowanane 8:41

Nutu nuenza bienzedi bia tatu wenu. Bakamuambila kabidi ne, Katuena baledibue mu masandi; tudi ne Tatu umue, Nzambi mene.

Bienzedi 2:40

Yeye wakabambila mei makuabo a bungi, wakabadimusha ne, Disungilai kudi ba mu tshikondo etshi tshia tshitshu.

Bienzedi 7:51

Nuenu bena tshishiku, badi kabai batengudibue mu mitshima ne mu matshu, matuku onso nudi nuhidia Nyuma Muimpe; nudi nuenza bu muakenza bankambua benu.

2 Korente 11:3

Kadi ndi ntshina ne, Bu muakadi nyoka udinga Eva ne budimu buandi, bumue meshi enu neahambuishibue ku dilamata diau ne butoke buau bidi kudi Kilisto.

Dielulula 31:29

Bualu bua ndi mumanye ne, Ku nyima kua lufu luanyi nenutambe kudisangisha ne kusesuka mu nshila unakunulesha; malu mabi neanukuate mu matuku atshidi ku mpala; bualu bua nuenu nenuenze malu mabi ku mesu kua Yehowa bua kumufikisha munda bua mudimu wa bianza bienu.

Dielulula 32:20

Yehowa wakamba ne, Nenkudimune mesu anyi kudibo, neutangile muikala nshikidilu wabo, bualu bua badi bena tshikondo tshia tshitshu, bu bana badi kabayi mua kueyemenyibua.

Dielulula 4:16

kanuonyi mitshima yenu, kanudisongidi luhingu ne tshifuanyikishi tshia muntu nansha mulume nansha mukashi,

Dielulula 4:25

Hanuadia bana, ne bana ba bana benu, hanuashala mu buloba musangu mule, hanuona mitshima yenu bua kudisongela luhingu ne tshifuanyikishi tshia tshintu, hanuenza malu mabi ku mesu kua Yehowa, Nzambi wenu, bua kumufuisha tshiji;

Dielulula 9:24

Nuenu nutu nuahidia Yehowa katshia ku dituku dinakanumanya.

Filipe 2:15

bua nuenu nulue bantu badi kabai ne bualu ne badi ne mitshima mitoke, bu bana ba Nzambi badi kabai ne tshilema munkatshi mua bena tshikondo tshikonyangala ne tshia tshishiku; banudi numueneka munkatshi muabo du minda ya ha buloba,

Balombodi 2:19

Kadi hakafua mulumbuluishi, hashishe bobo bakalukila ku nyima, bakatamba batatuʼabo kuenza bibi, hakalondabo nzambi mikuabo bua kuyenzela mudimu ne bua kuyinamina; kabakalekela bienzedi biabo bibi anyi tshitshu tshiabo.