Dielulula 32:47 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ Ebu kambualu bua hatuhu kunudi; kadi budi muoyo wenu, budi buvudisha matuku enu mu buloba bunuyaya kuhiana dishiya dia Yadene.

MUKANDA WA MYIDI MUKULU

⁴⁷ Mikenji eyi kayena anu meyi patupu, kadi idi inupetesha muoyi. Nuenu bayikumbaje, nenushale ne muoyi matuku a bungi mu ditunga dinuyaya kubuela dishiya dia Yardene.

Dielulula 32:47 교차 참조

Nsumuinu 3:18

Adi mutshi wa muoyo kudi badi bâkuata mu bianza; bonso badi bâkuata bikole badi ne disanka.

Nsumuinu 3:22

Nunku nebikale muoyo ku mutshima webe ne tshilenga mu nshingu muebe.

Nsumuinu 4:13

Kuata diyisha bikole, kudilekedi nansha; udilame, bualu bua didi muoyo webe.

Nsumuinu 4:22

Bualu bua adi muoyo kudi badi bâheta, adi asangasha mibidi yabo yonso.

Yeshaya 45:19

Tshiakuamba dî mu musokoko, mu muaba wa mu buloba bua mîdima: tshiakuambila tunkanunuma tua Yakoba ne, Nunkebe mu muaba udi mutuhu. Meme Yehowa ndi ngamba mei a bushuwa, ndi ngamba mei adi majalame.

Lewitiki 18:5

Nuenu nutumikile mei anyi ne mikenji yanyi, bienza muntu nunku, neikale ne muoyo. Meme ndi Yehowa.

Amosa 5:4

Bua Yehowa udi wambila Bena Isalele dî edi ne, Nkeba! meme ne nenuikale ne muoyo;

Matayi 6:33

Kadi diambedi kebai bukelenge buandi ne buakane buandi, nunku nebanuhe bintu ebi bionso.

Bienzedi 7:38

Yeye nguakadi mu ekelesia wa mu tshihela ne muanjelo wakadi wakula nʼandi ku mukuna wa Sinai, wakadi kabidi ne bankambua betu; yeye wakangata mei a muoyo a kutuha bietu;

Dielulula 30:16

mukenji unakunuelela lelu bua kunanga Yehowa, Nzambi wenu, ne bua kuenda mu nshila yandi ne bua kutumikila mikenji yandi ne mei andi ne mikandu yandi: nunku nenuikale ne muoyo, nenukumbane ba bungi, ne Yehowa, Nzambi wenu, neanuvudishile disanka mu buloba bunuyaya kubuhiana.

Dielulula 31:13

nunku bana babo badi kabayi banze kumanya nebunvue, nebamanye mua kutshina Yehowa, Nzambi wenu, tô matuku onso anudi nushikama mu buloba bunudi nuya dishiya dia Yadene bua kubuhiana.

Dielulula 33:25

Milonda yebe ya bibi bia musoko neyikale ya tshiamu tshifike ne tshiamu tshia mitaku, bukole buebe nebuikale bule bua matuku ebe onso.

Dielulula 4:40

Nuenu nutumikile mei andi ne mikenji yandi, bu munakunuambila lelu, bua nuenu nuikale ne disanka ne bana benu badi banulonda ku nyima, ne bua nuenu nuvudishangane matuku enu ha buloba budi Yehowa, Nzambi wenu, unuha tshiendelele.

Dielulula 4:6

Nubivuluke, nubienze; bualu ebu budi lungenyi luenu ne budimu buenu ku mesu kua bantu badi bunvua mikenji ei yonso, badi bamba ne, Bulelela, bantu aba banene badi ne lungenyi ne budimu.

Dielulula 8:3

Yeye wakanuhuekesha, wakanufuisha nzala ne wakanudisha ne mana a mu diulu, anudi kanuyi bamanye, ne akadi batatu benu kabayi bamanye; bua kunumanyisha ne, Muntu kena wikala ne muoyo bualu bua bidia nkayabo kadi utu wikala ne muoyo bualu bua mei onso adi ahatuka mukana mua Yehowa.

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.

2 Petro 1:16

Bualu bua tuetu katuakalonda nsumuinu yakambabo ku budimu bua bantu hatuakanumanyisha bua bukole ne bua dilua bia Mukelenge wetu Yesu Kilisto, kadi tuetu tuakadi bamonyi ba butumbi buandi ku mesu etu.

2 Petro 1:3

Mbu mudi bukole bua bunzambi buandi, buakatuha bintu bionso bidi bua muoyo ne bua buimpe bua Nzambi, bualu bua kumanya kuetu kua yeye wakambikila bua butumbi buandi buine ne bua buimpe buandi.

Didimanyisha 22:14

Disanka didi kudi badi buvua mayeka abo, bua bobo bikale ne bukokeshi bua kuluabo ku mutshi wa muoyo, ne bua kubuela ku bibi munda mua musoko.