Dielulula 32:43 - Mukanda wa Nzambi Dihungila Dikulukulu ne Dihungila Dihia-dihia 2003

⁴³ Nuenu ba bisamba bionso, sankai ne bantu bandi, bualu bua yeye nealombe mashi a bantu bandi, neasombuele badi nʼandi lukuna, udi umusha dihila dia buloba ne dia bantu bandi.

MUKANDA WA MYIDI MUKULU

⁴³ Bisamba bionsu bitumbishe bantu ba Maweja-Nangila. Maweja-Nangila neasombuele bua lufu lua bantu bende. Neanyoke baluishi ba bena Izrayele bonsu. Neafuile ditunga dia bena Izrayele luse, neasambe benadi.

Dielulula 32:43 교차 참조

Genese 12:3

Nensankishe bantu badi bakuvudishila wewe disanka, nengele muntu mulau udi ukuela wewe mulau Bisamba bionso bia ha buloba nebisanke bua bualu buebe.

1 Bakalenga 8:43

umunvuile mu diulu kûdi ushikama, wenzele muntu wa bende malu onso adiye ukulomba; bua bantu bonso ba ha buloba bamanye dina diebe, bua kukutshina bu mudi bantu bebe Bena Isalele benze; bamanye kabidi ne dina diebe didi dibikidibue ku nsubu eu unakukuashila.

2 Bakalenga 9:7

Bûdi nʼabu mbua kushiha ba mu nsubu wa Ahaba, mukelenge webe, bua kusombuela mashi a bantu banyi baprofete ne a bantu bonso ba Yehowa akamatshisha tshianza tshia Izebele hanshi.

Yobe 13:24

Bualu kai wewe udi usokoka mpala webe kundi, ne udi umbala bu muena lukuna webe?

Misambu 22:27

Ba mu kunfudilu kua buloba nebamuvuluke, nebakudimune mitshima yabo kudi Yehowa. Ba mu biota bionso bia bisamba bia bantu nebatendelele ku mpala kuebe.

Misambu 58:10

Muntu muakane neasanke hamoneye kudisombuela kuandi, neuvuwe makasa andi mu mashi a bantu babi.

Misambu 65:3

Malu a dihambuka dianyi adi antamba bukole; wewe udi umbuikidila matomboka etu.

Misambu 79:10

Bua tshinyi ba mu bisamba bia bantu badi batukonka ne, Nzambi wenu udi kudi kunyi? Disombuela dia mashi a bantu bebe akumatshishabo hanshi dimanyishibue ku mesu kuetu munkatshi mua ba mu bisamba bia bantu.

Misambu 79:9

Wewe Nzambi wa luhandu luetu, utukuatshishe bua butumbi bua dina diebe! Utuhandishe, Utubuikidile malu mabi etu, bua bualu bua dina diebe!

Misambu 85:1

Yehowa, wewe wakavuishila buloba buebe diakalengele; wakakudimuna buhika bua Yakoba, wakumuha diakalengele.

Misambu 85:3

Wakumusha njiya yebe yonso, wakadikudimuna bua wewe kuikadi ne tshiji tshiebe tshidi tshitema.

Yeshaya 1:24

Nunku Mukelenge, Yehowa wa misumba, Mukole wa Isalele, udi Wamba ne, Tangilai! Nendiholeshe bua badi bankina, nendisombuele kudi badi nʼanyi lukuna.

Yeshaya 1:25

Nempingishe tshianza tshianyi kabidi hamʼbidi hebe bua kukukengesha, nenkulengeshile ku tshikanganya tshiebe bu mudibo balengesha ne buanga bua nsabanga, nenkûmushile tshiamu tshiebe tshionso tshia hatuhu.

Yeshaya 11:10

Hashishe mu dituku adi Lutonga lua ku miji ya Yishai neluimane bialu bu dibendela dia kusangishaku bisamba bia bantu. Ba mu bisamba ebi nebaye kudiye bua kumulomba lungenyi, ne muaba udiye mushikame newikale wa butumbi.

Yeshaya 19:23

Mu dituku adi nshila munene neikaleku muhatuke mu Ejipitu ne muyile tô ne ku Ashû, ne muena Ashû neayilemu bua kufikeye mu Ejipitu, ne muena Ejipitu neayilemu bua kufikeye mu Ashû. Ne Bena Ejipitu nebatendelele Nzambi hohamue ne Bena Ashû.

Yeshaya 19:25

Bualu bua Yehowa wa misumba wakabavudishila disanka, wamba ne, Nuvudishibue disanka, ba mu Ejipitu, bantu banyi, ne Bena Ashû, mudimu wa bianza bianyi, ne Bena Isalele, buhianyi buanyi.

Yeshaya 44:22

Nakujimisha matomboka ebe bu mudi ditutu difike dijimina, ne malu mabi ebe bu mudi dibungi dijimina; uhingane kundi, bualu bua nakukubikila.

Yeshaya 60:6

Tshisumbu tshia tumelo netshikubuikile, bana balume ba tumelo ba ku Midiyana ne ba ku Efa nehalue, tumelo atu tuonso tua ku Sheba netulue; netulue ne or ne manananshi, netumanyishe bantu bua butumbi bua Yehowa.

Yeshaya 66:10

Buonso buenu badi bamunange, sankai bienu ne Yelushalema; nuikale ne disanka bua bualu buandi; buonso buenu badi badila bualu buandi, nusanke nʼandi ne disanka dienu;

Yirmeya 13:14

Yehowa udi wamba ne, Nembatutakashangane, batatu ne bana babo hohamue; tshiena mbafuila luse, tshiena mbasungila, luse kaluena lunkuata bua bualu buabo, kakuena tshintu tshidi mua kunkanda bua meme kubabutula.

Yirmeya 51:36

Nunku Yehowa udi wamba ne, Monai, nennuakuile tshilumbu tshienu, nennusombuele; nenkamishe mai andi manene, nengumishe mushimi wandi wa mai.

Muadi 2:5

Mukelenge wakulua bu muena lukuna, wakubutula buloba bua Isalele; wakûhula nsubu yandi yonso ya bakelenge, wakushimbula misoko yandi minyunguludibue ne ngumbu; wakuvudishila muana mukashi wa Yuda madilu ne muadi.

Yezekiyele 16:63

bua wewe uvuluke, ukuatshike bundu, bua wewe kubuludi mukana muebe kabidi kashidi, bualu bua bundu nebukukuate, hanashikisha kukubuikidila malu mabi onso awakuenza.

Yezekiyele 25:14

Nendisombuele kudi Bena Edome ku tshianza tshia bantu banyi Bena Isalele, ne bobo nebenzele Bena Edome bu mudi tshiji tshianyi ne bu mudi tshiji tshianyi tshikole; Mukelenge Yehowa udi wamba ne, Nebamanye kudisombuela kuanyi.

Luke 19:27

Kadi bantu aba badi nʼanyi lukuna, bakadi kabai basue meme ngikale mukelenge wabo, nulue nʼabo kunoko, nubashihe ku mesu kuanyi.

Luke 2:32

Munya wamueneka kudi bisamba bia bende Ne butumbi bua Isalele, bantu bebe.

Rome 12:19

Kanudisombuedi, bana betu banangibue, kadi nushile tshishi tshia Nzambi muaba; bualu bua bakafunda ne, Busombuedi mbuanyi, meme nenfute; mudi muamba Mukelenge.

Dielulula 32:35

Kusombuela kudi kuanyi, ne difutu kabidi, halua dituku didi dikasa diabo difinuka, bualu bua dituku dia dikenga diabo diakalua, ne malu akadi ha kulua kudibo nealue lubilu.

Didimanyisha 15:2

Nakatangila bu mai manene a ntalatala masangisha ne kahia; ne nakatangila badi bahita nyama wa luonji, ne tshifuanyikishi tshiandi, ne nomba wa dina diandi bukole, bimane biabo ha mai manene a ntalatala, bikale ne nkombe ya Nzambi.

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.

Didimanyisha 18:2

Wakela dî dikole, wamba ne, Babulona munene wakuhuka, wakuhuka, wakulua muaba wa bademon ne nsubu wa lukanu wa nyuma yonso wa bukoya, ne nsubu wa lukanu wa nyunyu yonso wa bukoya ne udi wa kukina.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.

Didimanyisha 19:2

bualu bua dilumbulula diandi didi dilelela ne diakane; bualu bua wakulumbuluisha mukashi wa masandi mimene, yeye wakanyanga buloba ne masandi andi, ne wakasombuela mashi a bahika bandi mualombe ku tshianza tshiandi.

Didimanyisha 6:10

ne bakadila ne dî dikole, bamba ne, O Mukelenge wa tshijila ne mulelela, udi windisha musangu bule munyi bua kulumbuluisha ne bua kutusombuela bua mashi etu kudi badi bikala ha buloba?