Dielulula 32:40 - Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Bualu bua ndi mbandisha tshianza tshianyi kulu bua kuditshiha ne, Bu mundi muikale ne muoyo tshiendelele.

MUKANDA WA MYIDI MUKULU

⁴⁰ Meme Maweja-Nangila ndi nditshipa, ngela tshianza mulu, ngamba ne: ‘Ndi ne muoyi kashidi ne kashidi.

Dielulula 32:40 교차 참조

Genese 14:22

Abalama wakambila mukelenge wa Sodoma ne, Nakamana kubisha tshianza tshianyi bua kuditshiha kudi Yehowa, Nzambi Mutambe Bunene wa mu Diulu, mufuki wa diulu ne buloba,

Genese 21:33

Abalahama wakakuna mutshi ku Be-sheba, wakabikilaku dina dia Yehowa, Nzambi wa Kashidi.

2 Samuele 22:47

Yehowa udi ne muoyo; dibue dianyi disankishibue, Nzambi atumbishibue, dibue dia luhandu luanyi.

Misambu 144:11

Unsungile, umpandishe mu tshianza tshia bantu ba bende, badi bena mukana mudi muamba mei a mashimi, badi bena tshianza tshia balume tshidi tshidinga.

Misambu 144:8

Mukana muabo mudi muamba mei a mashimi, tshianza tshiabo tshia balume tshidi tshidinga.

Ekesode 6:8

Meme nendue nʼenu mu buloba bunakalaya Abalahama ne Isaka ne Yakoba, nennuhebu bu buhianyi ndi Yehowa.

Yirmeya 4:2

Biwaditshiha ne, Bu mudi Yehowa ne muoyo, uditshihe nunku mu bushuwa, mu kulumbulula kuakane ne mu buakane; mu diba adi bisamba bia bantu nebivuishibue disanka kudiye, nebitumbile mudiye.

Yirmeya 44:26

Nunku unvuai dî dia Yehowa, nuenu ba mu Yuda badi bashikame mu buloba bua Ejipitu! Yehowa udi wamba ne, Monai, meme nakuditshiha mu dina dianyi dinene ne, Kabena batela dina dianyi kabidi mukana mua muntu munkatshi mua Bena Yuda badi mu buloba buonso bua Ejipitu, wamba ne, Bu mudi Mukelenge Yehowa ne muoyo.

Yezekiyele 20:5

Ubambile ne, Mukelenge Yehowa udi wamba ne, Mu dituku dinakasungula Isalele, ne dinakabisha tshianza tshianyi bua kuditshiha kudi tunkanunuma tua Yakoba, ne dinakadimuenesha kudibo mu buloba bua Ejipitu, hanakaditshiha kudibo mutshihu eu ne, Meme ndi Yehowa, Nzambi wenu;

Yezekiyele 20:6

mu dituku adi nakabisha tshianza tshianyi bua kuditshiha kudibo bua kubahatula mu buloba bua Ejipitu ne kubateka mu buloba bunakamana kubatentekelela, buloba budi bûle tente ne mabele ne buitshi, budi ne butumbi ku mpala kua maloba onso.

Yezekiyele 21:4

Bualu bua ndi mbutula bantu bakane ne bantu babi ba munkatshi muebe, nunku muele wanyi wa nvita neuhatuke mu tshimanga tshiau bua kutaha bantu bonso ba ku luseke lua sude tô ne ku luseke lua node.

Yezekiyele 21:5

Bantu bonso nebamanye ne, Meme Yehowa nakuhatula muele wanyi wa nvita mu tshimanga tshiau; kawena uhinganamu kabidi.

Danyele 12:7

Nakunvua dî dia muntu wakadi muluate bilulu bia lin, ne wakadi umueneka ku mutu kua mai a musulu, hakabisheye tshianza tshiandi tshia balume ne tshia bakashi mulu, wakaditshiha mu dina dia udi ne muoyo tshiendelele ne, Malu â neashike hahita tshikondo tshimue, bikondo bibidi ne tshituha tshia tshikondo, hamanabo kutekesha bukole bua bantu ba tshijila.

Dibadika 14:21

kadi bulelela, bu mundi ne muoyo, ne bu mudi buloba bûle tente ne butumbi bua Yehowa,

Didimanyisha 4:10

bakulu makumi abidi ne banai nebahone ku mpala kua yeye udi ushikama ha nkuasa wa butumbi, nebatendelele yeye udi ne muoyo tshiendelele, nebele bifulu biabo bia butumbi ku mpala kua nkuasa wa butumbi, bamba ne

Didimanyisha 4:9

Ne hafila bifukibue bidi ne muoyo butumbi ne buneme ne disakidila kudi yeye udi ushikama ba nkuasa wa butumbi, kudi yeye udi ne muoyo tshiendelele,