Dielulula 32:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yehowa wakatangila bualu ebu, wakadi nʼabo tshiji, bualu bua mateta a bana bandi balume ne a bana bandi bakashi.

MUKANDA WA MYIDI MUKULU

¹⁹ Maweja-Nangila umona muvua bana bende bamuseka, uvua ne kanyinganyinga kakole.

Dielulula 32:19 교차 참조

Misambu 10:3

Bualu bua muntu mubi udi ufunafuna bua malu adi mutshima wandi musue, munyengi wa bintu udi uhenda Yehowa ne udi umuhetula.

Misambu 106:40

Bua malu â tshiji tshia Yehowa tshiakatemena bantu bandi bua kuba kengesha, yeye wakakenuka ba mu buhianyi buandi.

Misambu 5:4

Bualu bua wewe kuena Nzambi udi usanka mu malu mabi; malu mabi kaena mamanye mua kushala nʼebe kaba kamue.

Misambu 78:59

Hakunvua Nzambi muanda eu, wakadi ne tshiji, wakatamba kuhidia Bena Isalele.

Misambu 89:38

Kadi mpindiu wewe wakumubenga, wakumuhetula, wewe udi nukuatshile ne muntu webe uwakuela manyi ha mutu handi tshiji.

Yeshaya 1:2

Diulu, unvua biebe, ne wewe buloba, teleja matshu ebe, bualu bua Yehowa wakuamba dî ne, Nakudisha, nakukolesha bana, ne bakuntombokela.

Yirmeya 11:15

Wanyi munanga udi mua kuenza bualu kai mu nsubu muanyi, yeye mumane kuenza malu a bundu? Mitshihu yebe ne munyinyi wa tshijila nebimanye mua kukûmushila mulau ne mua kukuhandisha ku bintu ebi, anyi? Ha wenza malu mabi, ke haudi usanka.

Yirmeya 40:2

Kapitene ka bansentedi kakakuata Yelemiya, kakamuambila ne, Yehowa Nzambi webe wakahisha bena musoko eu ne mulau eu.

Muadi 2:6

Wakusasula tshitendelelu tshiandi ku bukole, tshitandatanda tshia mu budimi; wakubutula tshisangishilu tshiandi. Yehowa wakuenzesha bantu tshihua muoyo bua masangisha abo masungula bua kudia bidia ne bua dituku dia Lumingu, mu Siona; bua tshiji tshiandi tshikole wakuhetula mukelenge ne muakuidi.

Lewitiki 26:11

Nenshimike nsubu wanyi wa tshitendelelu munkatshi muenu, mutshima wanyi kawena wikala ne tshiji kunudi.

Lewitiki 26:30

Meme nenshimbule bitendelelu bienu bidi ku mutu kua mikuna, nenkose mpingu inudi nutendelela nʼai diba, nengele bitalu bienu ha mutu ha mpingu yenu, mutshima wanyi neunulengulule.

Amosa 6:8

Mukelenge Yehowa wakuditshiha, yeye muine; Yehowa, Nzambi wa misumba, udi wamba ne, Dihetu dia Yakoba didi dintonda, ndi nkina nsubu yandi ya bunfumu; nunku nenfile musoko ne bintu bionso bidimu kudi badi nʼau lukuna.

Zekâya 11:8

Nakashiha balami basatu mu ngondo umue bualu bua mutshima wanyi wakabanga kuikala nʼabo lutulu, ne mitshima yabo yakandengulula.

Didimanyisha 3:16

Nunku, bualu bua udi tshiuyuya, kui nasha ku mashika nasha ku kahia, nenkutuile mukana muanyi.

Balombodi 2:14

Tshiji tshia Yehowa tshiakadi kudi Bena Isalele, ne yeye wakabafila mu bianza bia bahandi, bakabahaula; yeye wakabahana kudi bena lukuna bakadi ha buihi nʼabo; kabakamanya mua kuimana ku mpala kua bena lukuna babo kabidi.