Dielulula 32:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kadi Yeshuluna wakavunda, wakatua mikumu: nuenu nuakuvunda, nudi ne mafuta a bungi, nuakusenena; hashishe yeye wakalekela Nzambi wakamufuka, wakahetula Dibue dia luhandu luandi.

MUKANDA WA MYIDI MUKULU

¹⁵ Yeshurune mumane kudia mukute, mumane kudiunda, kusenena, kulengulula Mvidi Mukulu uvua mumufuke, kupetula mulami wende ne mupandishi.

Dielulula 32:15 교차 참조

2 Samuele 22:47

Yehowa udi ne muoyo; dibue dianyi disankishibue, Nzambi atumbishibue, dibue dia luhandu luanyi.

1 Kulondolola 5:25

Bobo bakenzela Nzambi wa batatuʼabo bibi, bakalonda malu a masandi ne nzambi ya bantu ba mu buloba abu bakashihibua kudi Nzambi ku mpala kuabo.

2 Kulondolola 12:1

Hakadi bukelenge hua Lehabama bujadikibue bimpe, ne hakakoleye biakane, yeye wakasesuka ku mikenji ya Yehowa, ne Bena Isalele bakamulonda.

2 Kulondolola 26:16

Kadi hakalueye muena bukole bua bungi yeye wakadisua mu mutshima wandi, wakenza malu mabi, wakatombokela Yehowa Nzambi wandi; bualu bua yeye wakabuela mu ntempelo wa Yehowa bua kuosheleye Yehowa musenga wa manananshi ku tshioshelu tshia manananshi.

Nehemya 9:25

Bakanyenga misoko ya ngumbu ne buloba buimpe ne nsubu miule tente ne bintu biakane ne mena a mai akumbulabo ne madimi a tumuma tukese ne madimi a olive ne mitshi ya mamuma ya bungi; nunku bakadia, bakukuta, bakalonda, bakasenena, bakasanka bua buimpe buebe bunene.

Nehemya 9:26

Kadi kabakatumikila dî diebe, bakakutombokela, bakakema mikenji yebe nyima, bakashiha baprofete bebe bakasua kubabela bua kukudimusha mitshima yabo kûdi kabidi; bakakutatshisha ne ntatu mikole.

Yobe 15:27

Bualu bua matama andi akulua mafuta, ne milemba yandi yakudiunda ne mafuta hamʼbidi hai.

Misambu 100:3

Numanye bienu ne, Yehowa udi Nzambi! Nyeye mene wakatufuka, tudi bantu bandi; tudi bantu bandi ne mikoko ya mu mpata wandi.

Misambu 119:70

Mitshima yabo yakuvunda ne manyi, kadi ndi nsanka mu mikenji yebe.

Misambu 17:10

Bakukanda mitshima yabo bua kabikadi ne luse, badi bamba mei a diambu mukana muabo.

Misambu 18:46

Yehowa udi ne muoyo; dibue dianyi divudishibue disanka, ne Nzambi wa luhandu luanyi atumbishibue,

Misambu 73:7

Mesu abo adi atuntumuka bualu bua mafuta abo, bintu bidibo nʼabi bidi bihita bidi mitshima yabo misue.

Misambu 81:11

Kadi bantu banyi kabakunvua dî dianyi; Bena Isalele kabakasua kungitabusha, nansha kakese.

Misambu 89:26

Yeye neangele dî ne, Wewe udi Tatu wanyi, Nzambi wanyi, ne Dibue dia luhandu luanyi.

Misambu 89:27

Nemmuvuishe muanʼa bute wanyi, mukelenge udi muhite bakelenge ba ha buloba kutumba.

Misambu 95:1

Luai bienu, tuimbile Yehowa musambu; tuelele dibue dia luhandu luetu mbila ya disanka!

Yeshaya 1:4

Nuenu, tshisamba tshia bantu babi, tshia badi banema bujitu bua malu mabi, tunkanunuma tua benji ba malu mabi, bana badi banyanga bienzedi biabo! Bakulekela Yehowa, bakulengulula Wa Tshijila wa Isalele, bakulua bu benyi kudiye, bakumukoma nyima.

Yeshaya 43:1

Kadi mpindiu, Yehowa, wakakufuka wewe, Yakoba, wakakufuanyikisha wewe, Isalele, udi wamba ne, Kutshinyi, bualu bua nakukuhikula, nakukubikila ku dina diebe, wewe nguanyi.

Yeshaya 44:2

Yehowa, wakakufuka, wakakufuanyikisha munda mua mamu webe, udi ukukuatshisha, udi wamba ne, Kutshinyi, Yakoba, mutu wanyi, Yeshuluna unakusungula.

Yeshaya 6:10

Vuisha mitshima ya bantu aba mitshima idi ne manyi, vuisha matshu abo mpudimatshu, ne buikila mesu abo; bua kabamonyi ne mesu abo, kabunvu ne matshu abo, kabajinguludi malu ne mitshima yabo, kabakudimunyi mitshima yabo bua kusangashibua.

Yirmeya 2:31

Nuenu ba mu tshikondo etshi, unvuai dî dia Yehowa. Nakadi bu tshihela kudi Isalele, anyi? Nakadi bu buloba budi ne mîdima mikole, anyi? Bua tshinyi bantu banyi badi bamba ne, Tudi bakelenge nkayetu; katuena tulua kûdi kabidi?

Yirmeya 2:32

Mushikankunde utshidi kamama udi mua kuhua bilenga biau muoyo, anyi mukashi uyaya ku dibaka udi mua kuhua bilulu biandi bia dibaka muoyo, anyi? Kadi bantu banyi bakumpua muoyo matuku adi kâyi mua kubadibua.

Yirmeya 2:5

Yehowa udi ukonka ne, Batatu benu bakasangana dihanga kai munda muanyi bua bobo bakandekela, bakaya kule, bakalonda tshintu tshia hatuhu, ne bobo bine bakalua ba hatuhu?

Yirmeya 5:28

Badi ne mafuta a bungi hamʼbidi habo, dikoba diabo didi dinuna; badi batamba kuenza malu mabi; kabena bakuila bana ba nshiya bilumbu biabo bua bana bikale ne diakalengele, kabena bakuatshisha bakengi bua kuhetabo bintu bidibo nʼabi bualu.

Yirmeya 5:7

Ndi mumanye mua kukubuikidila mihi yebe munyi? Bana bebe bakundekela ne bakaditshiha ku mena a bintu bidi kabiyi nzambi; hanakabadisha tô ne hakukutabo, bakenda masandi, bakadisangisha bisumbu ne bisumbu mu nsubu ya bakashi ba masandi.

Yezekiyele 14:5

bua meme mmanye mua kukuata ba mu tshisamba tshia Bena Isalele mu nkuka ya mu mitshima yabo, bualu bua buonso buabo bakalua kundi bu bantu ba bende bualu bua mpingu yabo.

Osheya 13:6

Hakadibo mu buloba bua mashinde, bakukuta; bakukuta, ne mitshima yabo yakadibandisha; nunku bakumpua meme muoyo.

Osheya 4:7

Bu muakakumbanabo ba bungi, mbu muakangenzelabo bibi; nenkudimune butumbi buabo bulue bundu.

Bienzedi 28:27

Bua mitshima ya bantu aba yakulua manyi a bungi. Badi mpudi matshu, Bakubuikila mesu abo; Nunku kabamonyi ne mesu abo, Kabunvu ne matshu abo, Kabamanyi ne mitshima yabo, Kabakudimunyi mitshima yabo Bua meme neondahe.

Bienzedi 9:5

Yeye wakakonka ne, Mukelenge, wewe udi nganyi? Wakamukudimuna ne, Ndi bianyi Yesu ûdi ukengesha;

Dielulula 31:16

Yehowa wakambila Mose ne, Tangila, wewe neulale tulu ne bankambua bebe; ne bantu aba nebabike, nebalonde malu a masandi a nzambi ya bende ya mu buloba buyayabo, nebandekele, nebashihe tshihungidi tshituakahunga nʼabo.

Dielulula 31:20

Bualu bua hanakamana kulua nʼabo mu buloba bunakalaya batatuʼabo, budi bûle tente ne mabele ne buitshi, ne hakamanabo kudia, kukuta ne kuvunda, hashishe nebakudimune mitshima yabo bua kutendelela nzambi mikuabo, nebayikuatshile mudimu, nebampetule, nebashihe tshihungidi tshianyi.

Dielulula 32:4

Yeye udi Dibue; mudimu wandi wonso udi muakane, bualu bua nshila yandi yonso idi milulame: Nzambi wa kalolo udi kayi ne bubi, udi ne malu makane a bushuwa.

Dielulula 32:6

Nuenu bantu bahote badi kabayi ne meji, nudi nuhingishila Yehowa malu mabi nunku, anyi? Yeye kena tatu wenu wakanuafuka, wakanuenza, wakanujadika, anyi?

Dielulula 33:26

Yeshuluna, kakuena mukuabo bu Nzambi, udi ushikama biandi mu diulu bua kukukuatshisha: bulengele buandi budi ku mutu kua matutu.

Dielulula 33:5

Yeye wakadi mukelenge wa mu Yeshuluna, hakasangishabo bakadi ku mutu kua bantu ba bisamba bionso bia Bena Isalele.

Balombodi 10:6

Bena Isalele bakenza malu mabi ku mesu kua Yehowa, bakatendelela Babala ne Bashatelota ne nzambi ya Bena Sulia ne nzambi ya Bena Sidona ne nzambi ya Bena Moaba ne nzambi ya Bena Amona ne nzambi ya Bena Peleshete; bakalekela Yehowa, ka bakamuenzela mudimu.

1 Samuele 2:29

Nudi nudiata milambu yanyi ya kuosha ne bintu bidibo bafila kundi binakanuelela mikenji yanyi bua bualu buabi, ne udi utumbishe bana bebe ba balume ku mutu kuanyi bua kudidiundishabo ne bintu bidi bitamba bulengele bia milambu yonso ya bantu banyi Bena Isalele bualu kai?