Dielulula 32:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bu mudi nyunyu wa mukanku unyungisha disua diandi, udi uhahala ha mutu ha bana bandi; nunku yeye wakolola mahuahua andi, wakabangata, wakabatuala ha mahuahua andi.

MUKANDA WA MYIDI MUKULU

¹¹ Maweja-Nangila udi ukuba bena Izrayele, mudi nyunyi wa tshiminyi upapala pa mutu pa disua diende, wibidija bana bende bua kubuka mulu, nansha wolola mapuapua muinshi mua bana bua kabamatshi panshi.

Dielulula 32:11 교차 참조

Genese 1:2

Buloba kabuakadi busunguluka, buakadi butuhu, midima yakadihu, Nyuma wa Nzambi wakadi unyunguluka ha mutu ha mai.

Misambu 18:10

Wakenda mubande ha nyima ha mukeluba, wakahahala; e, wakaya lubilu ne mahuahua a luhehele.

Ekesode 19:4

Nuenu nuakutangila malu anakenzela Bena Ejipitu, ne bu munakanutuala ha mahuahua a nyunyu wa mukanku, bu munakalua nʼenu kundi meme.

Yeshaya 31:5

Bu mudi nyunyu ilembelela ha buihi ne masua ai, Yehowa wa misumba nealame Yelushalema; neamulame, neamuhandishe, neamushiye ne neanusungile.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Yeshaya 46:4

Tô ne ku bununu buenu meme ndi anu mundi emu; tô ne halua nsuki yenu mitoke, nakunufuka, nennutuale, nennutuale, nennusungile.

Yeshaya 63:9

Mu makenga abo onso yeye wakunvua dikenga, ne muanjelo utu wimana hehi nʼandi wakabasungila; mu dinanga diandi ne mu dibafuila diandi dia luse yeye wakabahikula; wakabambula ne wakabatuala mu matuku onso a kale.

Yirmeya 13:11

Bualu bua bu mudi mukaba ulamatangana ne tshifuka tshia muntu, nunku Yehowa udi wamba ne, Nakulamakasha Bena Isalele bonso ne Bena Yuda bonso kundi, bua bobo bikale kundi bu bantu banyi, bu dina dianyi, bu butumbi buanyi ne bu buneme buanyi; kadi bobo kabakunvua.

Osheya 11:3

Kadi meme nguakayisha Bena Efelayima mua kuendabo; nakabakuongoluela mu maboko anyi, ka dî kabakamanya ne nakabondaha.

Dielulula 33:12

Bua Benyamina yeye wakamba ne, Munangi wa Yehowa neashikame nʼandi talalâ, utu wamubuikila matuku onso, udi ushikama hankatshi ha makaya andi.

Ebrewu 11:3

Bua ditabusha tudi tujingulula ne buloba buakalongolodibua ku dî dia Nzambi, bua nunku bitudi tumona ku mesu kabiakufukibua ku bintu bidi bimueneka ku mesu.

Didimanyisha 12:14

Bakuhesha mukashi mahuahua abidi a nyunyu wa mukanku munene bua yeye ahahale mu tshihela ku muaba wandi, kudibo bamudisha tshikondo, ne bikondo, ne tshituha tshia hankatshi ha tshikondo bua kumukeye ku mpala kua nyoka.

Didimanyisha 12:4

Mukila wandi wakakoka tshituha tshisatu tshia mitoto ya mu diulu, ne wakayela ha buloba; ne dragon wakimana ku mpala kua mukashi wakadi wamba kulela, bua kudieye muana wandi hamuleleye.