Dielulula 30:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa, Nzambi wenu, neanuvudishile disanka mu mudimu wonso unudi nuenza ne bianza, ne mu kukumbasha kua bana ne mu kukumbasha kua bimuna bienu ne mu bintu bionso bidi bidiunda mu buloba; bualu bua Yehowa neikale ne disanka bualu buenu, bu muakasankeye bualu bua batatu benu;

MUKANDA WA MYIDI MUKULU

⁹ Maweja-Nangila Mvidi Mukulu wenu neatungunuke midimu yenu; ne anupe bana bavule. Nyama yenu neivulangane, biakudia bitshiompoka. Bualu bivua Maweja-Nangila muenzele bankambua benu, neanuenzelebi nuenu.

Dielulula 30:9 교차 참조

Yeshaya 62:4

Kabena bakubikila kabidi ne, Mushiya hatuhu; kabena babikila buloba buebe kabidi ne, Bubutuke; kadi nebakubikile ne, Disanka-dianyi-didi-kudiye, nebabikile buloba buebe ne, Mubakibue; bualu bua Yehowa udi nʼebe disanka, ne buloba buebe nebuikale bu mukashi mubakibue kudi mulume.

Yeshaya 62:5

Bu mudi nsongalume ubaka mukashi utshidi kamama, muibaki webe neikale bayebe, ne bu mudi mubaki wa mukashi usanka bua mukashi udiye ubaka, nunku Nzambi webe neasanke bua bualu buebe.

Yeshaya 65:19

Nensanke bua Yelushalema, nensanke bua bantu banyi; kabena bunvua dî dia madilu anyi dia muadi wa dikenga munkatshi muandi kabidi.

Yirmeya 31:27

Yehowa udi wamba ne, Monai, mu matuku alualua, Nemmiamine maminu mu tshisamba tshia Bena Isalele ne mu tshisamba tshia Bena Yuda adi amenesha bana ba bantu ne bana ba bimuna.

Yirmeya 31:28

Yehowa udi wamba ne, Mu diba adi bu munakateka mesu anyi kudibo bua kubajula ne bua kubasasula, bua kushimbula ne kubabutula ne kubakengesha, nunku nenteke mesu anyi kudibo bua kubasa ne bua kubakuna kabidi.

Yirmeya 32:41

Bulelela, nensanke bua kubenzela bimpe, ne nembakune mu buloba ebu mu bushuwa ne mutshima wanyi mujima ne muoyo wanyi mujima.

Yirmeya 33:9

Musoko eu newikale kundi bu dina dia disanka, bu dianyisha ne bu butumbi, munkatshi mua ba mu bisamba bionso bia ha buloba balualua kunvua lumu lua malu mimpe andi ngenzela; nebatshine ne nebazakale bua diakalengele ne ditalala binauhesha.

Lewitiki 26:4

nennuhe nvula mu tshidimu tshia nvula, ne buloba nebukuame bintu bia bungi, ne mitshi ya mu madimi neyikuame mamuma a bungi.

Lewitiki 26:6

Nennuhe ditalala mu buloba, nenulale tulu, ne bantu kabena banutshinyisha, nengihate nyama mibi mu buloba buenu, ne kabena balue ne muele wa nvita mu buloba buenu.

Sefanya 3:17

Yehowa Nzambi webe udi munkatshi muenu, muena bukitu bukole udi ukusungila. Yeye neasanke bua bualu buebe ne disanka dinene, neakusangashe mu dinanga diandi, neasanke bua bualu buebe ne kuimba kua misambu.

Luke 15:32

Biakadi bimpe bia kusaba ne kusanka, bualu bua muanʼenu eu wakadi mufue, udi ne muoyo kabidi; wakadi mujimine, wakumueneka.

Yowanane 15:11

Nakunuambila malu â bua disanka dianyi kuikaladi munda muenu, ne bua disanka dienu kukumbanadi.

Dielulula 28:4

Nenuikale ne disanka bua bana banudi nulela, ne bua bintu bidi bidiunda mu buloba, ne bua kukumbasha kua nyama yenu ne bimuna bienu ne mikoko yenu.

Dielulula 28:63

Bu muakadi Yehowa ne disanka bua kunuenzela bimpe ne bua kunukumbasha ba bungi, mbu mudiye mua kuikala ne disanka bua kunujimisha ne bua kunushiha; nebanûmushe mu buloba bunudi nuya bua kubuhiana.

Dielulula 30:8

Nuenu nenuhingane, nenutumikile dî dia Yehowa, nenuenze mikenji yonso inakunuambila lelu.

Dielulula 7:14

Nuenu nenusankishibue ku mutu kua bantu bonso: nansha mulume nansha mukashi munkatshi muenu anyi munkatshi mua bimuna bienu nebikale nkumba.