Dielulula 30:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ ne Yehowa, Nzambi wenu, nealue nʼenu mu buloba bua batatu benu, ne nuenu nenubuhiane; yeye neanuenzele bimpe, neanuvudishe ha mutu ha hatatu benu.

MUKANDA WA MYIDI MUKULU

⁵ bua kunupingaja mu ditunga dia bankambua benu. Nenusombemu. Maweja-Nangila neanuenzele bimpe bipite bivuaye muenzele bankambua benu. Nenubapite ku bungi.

Dielulula 30:5 교차 참조

Misambu 119:68

Wewe udi muimpe, utu wenza bimpe; unyishe mikenji yebe mifunda.

Yirmeya 29:14

Yehowa udi wamba ne, Nengitabushe bua nuenu nunsangane, nenkudimune buhika buenu, nennusangishe bua kunûmusha mu bisamba bionso ne mu miaba yonso inakunuihata; nendue nʼenu kabidi mu muaba unakanuangata hanakanutuma mu buhika.

Yirmeya 30:3

Bualu bua Yehowa udi wamba ne, Mu matuku alualua nenkudimune buhika bua bantu banyi Bena Isalele ne Bena Yuda, nembahingashe mu buloba bunakaha batatu babo, ne bobo nebikale nʼabu.

Yirmeya 33:9

Musoko eu newikale kundi bu dina dia disanka, bu dianyisha ne bu butumbi, munkatshi mua ba mu bisamba bionso bia ha buloba balualua kunvua lumu lua malu mimpe andi ngenzela; nebatshine ne nebazakale bua diakalengele ne ditalala binauhesha.

Yezekiyele 36:11

Nenvudishe bantu ne bimuna bia bungi; nebivulangane, nebilele bana ba bungi; nenjadike ba bungi munkatshi muenu bu muakadi bualu buenu diambedi, nennuenzele bienzedi bimpe bihite bia mu matuku enu a ku tshibangidilu; nunku nenumanye ne, Meme ndi Yehowa.

Yezekiyele 36:37

Mukelenge Yehowa udi wamba ne, Nengitabushe kabidi bua Bena Isalele bandombe bua mbenzele muanda eu wa kubakumbashila bantu bua bikale ba bungi bu tshisumbu tshia mikoko,

Dibadika 10:29

Mose wakambila Hobaba, muana mulume wa Luele, Muena Midiyana, tatuʼandi-muenu wa Mose ne, Tutshidi tuya ku muaba wakamba Yehowa ne, Nennuheu, uye nʼetu, netukuenzele bimpe, bualu bua Yehowa wakalaya Bena Isalele bualu buimpe.

Dielulula 13:17

Ka nudiangatshidi tshintu tshimue tshia mulau tshia musoko au mu tshianza tshienu; nunku Yehowa nealekele tshiji tshiandi tshikole, neanuleshe luse, neanusankishe, neanukumbashe bu muakalayeye batatu benu;

Dielulula 7:13

yeye neanusue, neanusankishe, neanuvudishe, yeye neasankishe bana benu kabidi, ne bintu bidi bidiunda mu buloba buebe, midioko yenu, ne nvinyo yenu mihia-mihia, ne manyi enu ne bana ba ngombe yenu ne bana ba mikoko yenu, mu buloba buakalayeye batatu benu bua kunuhabu.