Dielulula 28:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa nea-nuvudishile disanka mu bisasa bienu, ne mu malu onso anudi nuenza ne bianza bienu; neanuvudishile disanka mu buloba budi Yehowa, Nzambi wenu, nnuha.

MUKANDA WA MYIDI MUKULU

⁸ Maweja-Nangila Mvidi Mukulu wenu nealame biakudia bionsu binudi bateke mu mayeba enu. Neanuendeshe diakalenga ku midimu yenu yonsu. Nanku neanusankishe bulelela, mu ditunga didiye munupe.

Dielulula 28:8 교차 참조

2 Bakalenga 6:27

Yeye wakamuebesha ne, Biabenga Yehowa kukukuatshisha, ndi mua kukukuatshisha kudi kunyi? Nenkukuatshishe ne bintu bia ku tshihehudi anyi bia ku tshikaminu tshia tumuma, anyi?

Misambu 1:3

Yeye udi bu mutshi wakukunabo kukala kua misulu ya mai, udi ukuama mamuma au mu tshidimu tshiau; dibeshi diau kadiena difubidila. Malu onso adiye wenza adi atuta diakalengele.

Misambu 128:2

Bua wewe neudie bia kudia biwakukuatshila mudimu ku bianza biebe; newikale ne disanka, newikale ne diakalengele.

Misambu 133:3

Bidi bu mume wa ku mukuna wa Hêmona, udi uhuekela ha mikuna ya Siona. Bualu bua Yehowa wakavudishilaku bantu disanka, disanka mene dia muoyo tshiendelele.

Misambu 144:13

Mayeba etu ûle tente, atuheshe bia kudia bia mushindu ne mushindu. Mikoko yetu ilele binunu ne binunu bia bana mu madimi etu;

Misambu 42:8

Mu munya Yehowa neantumine luse luandi lujalame ku dî diandi, ne butuku musambu undi mmuimbila nengikale nʼau, mutendelelu mene undi utendelela nʼau Nzambi wa muoyo wanyi.

Misambu 44:4

Nzambi, wewe udi Mukelenge wanyi; wele dî diebe bua Yakoba ahite bukole mu nvita.

Lewitiki 25:21

nennuvudishile disanka dianyi tshidimu tshisambombo, ne buloba nebukuame bintu bia bidimu bisatu.

Lewitiki 26:10

Nenudie bintu binuakahuola kale, nenumushe bia kale bua kushila bihia-bihia muaba.

Agayi 2:19

Maminu akuanji kulua mu diyeba, anyi? E, muonshi wa tumuma tua nyinyo, mutshi wa nfigi, mutshi wa grenade ne mutshi wa olive kayena nuanji kukuama mamuma; kadi ku dituku edi tô ne ku mpala nennusankishe.

Matayi 13:30

Bubidi buabi bidiunde hohamue tô ne halua dia kunowa; halua dia kunowa, nengambile banowi ne, Diambedi nusungulule luhela nulusuike mu bisumbu bua kuluosha; hadi nusangishe mponda mu diyeba dianyi.

Matayi 6:26

Monai nyunyu ya mu diulu, kaitu yakuna maminu, kaitu yahuola, kaitu yasangisha bintu mu mayeba, kadi Tatu wenu udi mu diulu utu waidisha. Nuenu kanuena baitambe, anyi?

Luke 12:18

Wakamba ne, Nengenze nunku, nensasule mayeba anyi, nengase makuabo matambe a diambedi bunene, nensangishilemu maminu anyi onso ne biuma bianyi.

Dielulula 14:29

ne Bena Lewi, bualu bua bobo kabena ne tshituha anyi buhianyi kunudi, ne benyi ne bana ba nshiya ne bakashi ba mu lufuila badi ku mbelu kuenu nebalue, nebadie, nebukute; nunku Yehowa, Nzambi wenu, neanuvudishile disanka mu mudimu wonso unudi nuenza ne bianza bienu.

Dielulula 15:10

Numuke bintu bulelela; mitshima yenu kayinyingaladi, hanuamuhabi; bua bualu ebu Yehowa, Nzambi wenu, neanuvudishile disanka mu mudimu wonso unudi nuenza ne bianza bienu.

Dielulula 15:4

Kadi bantu bahele kabena bikala munkatshi muenu; (bualu bua Yehowa neanusankishe mu buloba budi Yehowa, Nzambi wenu, munuhe bu buhianyi buenu;)

Dielulula 28:20

Yehowa neanutumine milau ne makenga ne mahumbisha mu malu anudi nuenza ne bianza bienu, tô ne hanuajimishibua ne hanûmushibua lubilu ha buloba; bualu bua bubi bua bienzedi bienu, bua nuakundekela.

Dielulula 28:7

Yehowa neanuihatshile bena lukuna badi bahika ku mesu kuenu; nebalue kunudi mu nshila umue, nebanyeme ku mesu kuenu mu nshila muanda mutekete.