Dielulula 28:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nenuikale ne disanka bua bana banudi nulela, ne bua bintu bidi bidiunda mu buloba, ne bua kukumbasha kua nyama yenu ne bimuna bienu ne mikoko yenu.

MUKANDA WA MYIDI MUKULU

⁴ Maweja-Nangila neanupe bana ba bungi, biakudia bipite bungi pa madimi enu; neavudije ngombe yenu, mikoku ne mbuji.

Dielulula 28:4 교차 참조

Genese 22:17

ne hanasankisha bakuabo nenkuyudíshile disanka, ne hanakumbasha bakuabo nenkumbashe tunkanunuma tuebe bu mitoto ya mu diulu ne bu nsenga ya kukala kua mai manene tunkanunuma tuebe netuhiane bibi bia bantu badi nʼatu lukuna,

Genese 39:5

Mu dituku diakamutekeye mulami wa nsubu wandi ne wa bintu biandi bionso biaka diye nʼabi, Yehowa wakavudishila bonso bakadi mu nsubu wa Muena Ejipitu masanka, bualu bua Yosefe Disanka dia Yehowa diakadi ku bintu bionso biakadiye nʼabi mu nsubu muandi ne bia mu madimi andi kabidi.

Genese 49:25

Nzambi wa tatuʼebe udi ukukuatshisha, Nzambi wa Bukole Buonso udi ukusankisha ne masanka adi afuma mu diulu, ne masanka adi afuma muinshi mua buloba, ne masanka adi afuma ku mabele ne mafu.

Misambu 107:38

Udi ubavudishila disanka, badi bavulangana ba bungi; kena witabusha bua bungi bua bimuna biabo bukehe.

Misambu 127:3

Monai, bana badi buhianyi bufume kudi Yehowa, bana badi bahatuka munda mua mamu wabo badi difutu diandi.

Misambu 128:3

Mukashi webe neikale bu muonshi wa tumuma udi ukuama bimpe munda mua nsubu muebe. Bana bebe baledibue nebikale bu ntonga ya mitshi ya olive, banyunguluke mesa ebe.

Nsumuinu 10:22

Disankisha didi difuma kudi Yehowa didi divuisha bubanji, ne kena utenteka kanyinganyinga ha mutu hadi.

Nsumuinu 13:22

Muntu muimpe udi ushila bana ba bana bandi buhianyi, kadi biuma bia muenji wa malu mabimbitekela bantu bakane.

Nsumuinu 20:7

Muntu muakane udi wenda mu buakane bua mutshima wandi,— bana bandi badi bamulonda badi bavudishibue disanka!

Lewitiki 26:9

Nengikale nʼenu luse, nennuleleshe bana ba bungi, nennuvudishangane, nenjadike tshihungidi tshianyi munkatshi muenu.

Dielulula 28:11

Yehowa neanuhe bintu bia bungi bia disanka, ne bia kukumbasha kua bana, ne bia kukumbasha kua bimuna ne bintu bidi bidiunda mu buloba buakalaya Yehowa bankambua benu bua kunuhabu.

Dielulula 28:18

Nenuikale ne milau mu kukumbasha kua bana ne mu bintu bidi bidiunda mu buloba ne mu kukumbasha kua bimuna ne kua mikoko.

Dielulula 28:3

Nenuikale ne disanka mu misoko yenu, nenuikale ne disanka mu madimi enu.

Dielulula 28:5

Nenuikale ne disanka mu bisaka bienu ne mu malonga anudi nuenzelamu mampa.

Dielulula 7:13

yeye neanusue, neanusankishe, neanuvudishe, yeye neasankishe bana benu kabidi, ne bintu bidi bidiunda mu buloba buebe, midioko yenu, ne nvinyo yenu mihia-mihia, ne manyi enu ne bana ba ngombe yenu ne bana ba mikoko yenu, mu buloba buakalayeye batatu benu bua kunuhabu.

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.