Dielulula 26:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Katataka, Yehowa, tuakulua ne bintu biakaboba diambedi mu buloba buwakutuha. Nenuteke bintu ebi hanshi ku mpala kua Yehowa, Nzambi wenu, nenutendelele ku mpala kua Yehowa, Nzambi wenu;

MUKANDA WA MYIDI MUKULU

¹⁰ Ke pandi ndambula Maweja-Nangila biakudia bia tshianyi bia mu ditunga didiye mumpe.” Pashishe muntu awu neateke tshisaka tshia biakudia atshi panshi kumpala kua nzubu wa Mvidi Mukulu, adiele panshi bua kukukuila Maweja-Nangila Mvidi Mukulu wenu.

Dielulula 26:10 교차 참조

1 Kulondolola 29:14

Kadi meme nganyi ne bantu banyi mbanganyi, bua tuetu tuakadifidila bintu bietu nunku? Bualu bua bintu bionso bidi bifuma kûdi, tuakafila anu bintu biebe kûdi.

Misambu 22:27

Ba mu kunfudilu kua buloba nebamuvuluke, nebakudimune mitshima yabo kudi Yehowa. Ba mu biota bionso bia bisamba bia bantu nebatendelele ku mpala kuebe.

Misambu 22:29

Bulelela, bonso badi badibandisha ha buloba nebamuinamine; bonso badi bahueka tô ne mu dinfuenkenya nebamukukuile, yeye mene udi kayi mumanye mua kudisungila muoyo wandi nênze nunku.

Misambu 86:9

Ba mu bisamba bionso bia bantu biwakufuka nebalue kukukuila ku mesu kuebe, Mukelenge, nebatumbishe dina diebe.

Misambu 95:6

Luai bienu, tumutendelele ne tumukukuile; tutue binu bietu hanshi ku mpala kua Yehowa Mufuki wetu.

Ekesode 22:29

Kunengi bua kufila bintu bia kunowa kudi Nzambi, ne nvinyo ûdi ukama. Nufile banʼa bute ba balume kundi.

Ekesode 23:19

Bintu bia kumudilu binudi nu huola mu madimi, nulue nʼabi mu nsubu wa Yehowa, Nzambi wenu. Kulambi muana wa mukoko ne mabele a mamu wandi.

Nsumuinu 10:22

Disankisha didi difuma kudi Yehowa didi divuisha bubanji, ne kena utenteka kanyinganyinga ha mutu hadi.

Nsumuinu 3:9

Tumbisha Yehowa ne biuma biebe ne mamuma a kumudilu a mu madimi ebe.

Yeshaya 66:23

Ku ngondo mutekete tô ne ku ngondo mutekete mukuabo, ne ku dituku dia Lumingu dimue tô ne ku dituku dia Lumingu dikuabo, bantu bonso nebalue kutendelela ku mpala kuanyi, mmudi Yehowa wamba.

Rome 2:1

Nunku, wewe kampanda, utu walumbuluisha bakuabo, kuena ne tshia kudibingisha nʼatshi; udi udihisha biebe ne dilumbulula diudi ulumbuluisha nʼadi mukuabo; bualu bua hawalumbuluisha mukuabo, wewe utu wenza malu momumue.

1 Korente 10:31

Nunku binuadia anyi binuanua, anyi malu onso anudi nuenza, nuenze malu onso bua kutumbisha Nzambi.

Dielulula 18:4

Nenubahe kabidi bintu binudi nuhuola diambedi, ne tshia nvinyo muhia-muhia, ne tshia manyi enu, ne miosa ya mikoko.

Dielulula 26:17

Nuenu nuakuitabusha Yehowa bu Nzambi wenu lelu, nuakuamba ne, Tuetu netuende mu nshila yandi, netutumikile mei andi ne mikenji yandi ne mikandu yandi, netunvue dî diandi;

Dielulula 26:2

hashishe nenuangate bintu bionso bidi biboba diambedi mu buloba budi Yehowa, Nzambi wenu, unuha, nubiteke mu tshisaka, nulue nʼabi mu muaba udi Yehowa, Nzambi wenu, usungula, bua kujadikamu dina diandi.

Dielulula 26:4

Muakuidi neangate tshisaka mu bianza bienu, neatshiteke hanshi ku mpala kua tshioshelu tshia Yehowa, Nzambi wenu.

Dielulula 8:18

Kadi nuvuiuke Yehowa, Nzambi wenu, bua yeye utu wanuha bukole bua kuangata nʼabu biuma; bua yeye akashe nʼenu tshihungidi tshiandi tshiakahungeye ne batatu benu: bu bualu buakuenjibua lelu.

Didimanyisha 22:9

Yeye wakangambila ne, Tangila bua wewe kuenji nunku; meme ndi muhika nʼebe ne wa bana benu baprofete, ne wa badi balama mei a mu mukanda eu; ukukuile Nzambi.