Dielulula 25:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bikala bantu babidi batandangane, ne haluabo bua kulumbuluishibua, balumbuluishi nebalumbulule tshilumbu tshiabo; ku nyima nebabingishe muntu muimpe ne nebahishe muntu mubi.

MUKANDA WA MYIDI MUKULU

¹ Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

Dielulula 25:1 교차 참조

2 Samuele 23:3

Nzambi wa Isalele wakamba, dibue dia Isalele diakangambila ne, Udi ukokesha bantu ne buimpe, udi ukokesha mu ditshina dia Nzambi,

1 Bakalenga 8:32

unvue biebe mu diulu bua kulumbuluila bantu bebe; uhishe muntu mubi bua kuhingisha bualu buandi ha mutu nʼandi; uhingishe muntu udi kayi ne bualu, bua kumuhita ku buimpe buandi.

Ekesode 22:9

Biafuilanganabo bua tshintu tshionso, nansha ngombe nansha mpunda nansha mukoko nansha bilulu nansha bintu bikuabo bidi bantu bamba ne, Ebu mbualu bua bantu baye kudi balumbuluishi, muntu udi balumbuluishi bahishe yeye neafute mukuandi bintu misangu ibidi.

Nsumuinu 17:15

Udi ubingisha muntu mubi ne udi uhisha muntu muakane, bubidi buabo badi batondesha Yehowa.

Yeshaya 1:17

nuyile mua kuenza malu makane; nukebe kulumbulula kuakane, nuenzeshe mukengeshi bua yeye kuenza biakane; nulumbulule bilumbu bia bana ba nshiya ne kulumbulula kuakane, nuakuile bakashi ba mu lufuila mu bilumbuluidi.

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Yeshaya 11:4

kadi nealumbuluishe bahele ne buakane, neakose bilumbu bia badi ne kalolo ha buloba ne kulumbulula kuakane; neakume buloba ne tshibonge tshia mukana muandi, neashihe bantu babi ku muhuya wa ku mishiku yandi.

Yeshaya 5:20

Mulau wikale kudi badi babikila bualu bubi ne, Mbualu buakane, ne bualu buakane ne, Mbubi; badi babala midima bu munya, badi babala munya bu midima; badi babala bintu bia bululu bu bintu bisheme ne bintu bidi bisheme bu bintu bia bululu!

Yeshaya 5:23

badi babingisha muntu muhila ku mbueshilu, badi bahisha muntu mubinga ku dikosa dibi dia tshilumbu tshiandi!

Yirmeya 21:12

nuenu ba mu nsubu wa Davidi! Yehowa udi wamba ne, Nulumbulule bilumbu ne kulumbulula kuakane ne lunkelu, nuhandishe muntu udi ne bintu biandi binyengibue mu bianza bia mumukengeshi, bua tshiji tshianyi katshihatuki bu kahia, kadi kosha kakuyi udi mua kutshijima, bualu bua bubi bua bienzedi bienu.

Muadi 3:35

hasesukabo ku kulumbulula kuakane kua muntu ku mesu kua Mutambe Bunene wa mu diulu,

Muadi 3:36

hanyangabo tshilumbu tshia muntu ne kulumbulula kubi, Mukelenge kena witabusha malu â.

Yezekiyele 44:24

Halua tshilumbu ku mpala kuabo, batshiunvue bua kutshilumbulula, batshikose bu mudi mikenji yanyi yamba; balonde mikenji yanyi ne batumikile mei anyi hua bikondo bianyi bia bidia bia disanka binakusungula; banemeke matuku anyi a Lumingu.

Abakuke 1:13

Wewe udi ne mesu mahite buakane adi kâyi mua kutangila malu mabi, ne kuena mua kutangila bienzedi biabo bibi tshianana. Nunku bualu kai udi utangila bantu aba hadi benza malu mabi abo a bunsonge, ne udi uhuwa talalâ halua muntu mubi kumina mukuabo udi umuhita buakane?

Abakuke 1:4

Bua malu â diyisha dia mikenji diakuteketa, ne kulumbulula kuakane kakuenaku. Bualu bua bantu babi badi basesuisha muntu muakane, nunku kulumbulula kua bilumbu kudi kunyanguka.

Malaki 3:18

Hashishe, nenujingulule ditahuluka didi hankatshi ha bantu bimpe ne bantu babi, hankatshi ha badi bakuatshila Nzambi mudimu ne badi kabayi bamukuatshila mudimu.

Matayi 3:10

Katataka tshisui tshidi tshiladika ha muji wa mutshi wonso; mutshi wonso udi kawi ukuama mamuma mimpe nebaushimbule, nebawele mu kahia.

Dielulula 17:11

nenuenze bu mudi mikenji idibo banuyisha, ne bu dilumbulula didibo banuambila; kanusesuki ku tshianza tshia balume anyi ku tshianza tshia bakashi mu dî didibo banuambila.

Dielulula 24:22

Nuenu nuvuluke ne nuakadi bahika mu buloba bua Ejipitu; bua bualu ebu nakunuelela mukenji eu.