Dielulula 23:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kanulu ne difutu dia mukashi wa masandi anji dia muntu udi bu mbua, mu nsubu wa Yehowa, Nzambi wenu, bua kushikisha diditshiha dienu; bualu bua bubidi buabo badi bu tshintu tshibi ku mesu kua Yehowa, Nzambi wenu.

MUKANDA WA MYIDI MUKULU

¹⁸ Muena Izrayele yonsu, mulume nansha mukaji, kena mua kuenda tshiendenda mu nzubu ya mvidie ya bena ditunga.

Dielulula 23:18 교차 참조

1 Bakalenga 14:24

bena Sodoma kabidi bakadi mu buloba; bobo bakenza malu onso a bundu akenza bisamba abi biakadi Yehowa muihate ku mesu kua Bena Isalele.

Misambu 22:16

Bualu bua mbua yakunnyunguluka, tshisumbu tshia benji ba malu mabi tshidi tshingela munkatshi; bakuntaha mputa misompoke mu bianza ne mu makasa.

Nsumuinu 26:11

Bu mudi mbua uhingana ku bilushi biandi, mbu mudi muhote uhingana ku buhote buandi.

Yeshaya 61:8

Bualu bua meme Yehowa ndi musue kulumbulula kuakane, ndi nkina kunyenga kua bina ne kuenza kua malu mabi; nembahe difutu diabo mu lulamatu luanyi lua bushuwa, nempunge nʼabo tshihungidi tshia tshiendelele.

Yezekiyele 16:33

Bobo badi bahesha bakashi ba ndumba difutu; kadi wewe udi ufila difutu kudi balunda bebe bonso, ne udi ubabueshila bua kuluabo ku nseke yonso bua kuenda nʼebe masandi.

Lewitiki 18:22

Kuladi ne mulume bu mudibo balala ne mukashi, bualu ebu budi bubi.

Lewitiki 19:29

Kuendeshi muanʼebe mukashi masandi, malu a masandi neikale mu buloba, ne buloba nebukale ne malu mabi tente.

Lewitiki 20:13

Bialala mulume ne mulume mu kuabo bu mudiye ulala ne mukashi, bubidi buabo bakenza bualu bubi nebabashihe, ne mashi abo neikale hamʼbidi habo.

Lewitiki 7:16

Kadi bikala mulambu wandi wa kuditshiha nʼau anyi mulambu udiye ufila ku disua diandi, yeye neaudie mu dituku didiye ûfila ne tshituha tshidi tshishale yeye neatshidie makelela,

Mika 1:7

Nebatshibule mpingu yabo yonso misonga bituha, neboshe bintu biabo bionso biakafilabo kudi mpingu mu kahia, ne nembutule mpingu yabo yonso yakafulabo. Bualu bua bakabiheta ku difutu dia mukashi wa masandi, nebihingane kudi mukashi wa masandi bu difutu diandi.

Abakuke 1:13

Wewe udi ne mesu mahite buakane adi kâyi mua kutangila malu mabi, ne kuena mua kutangila bienzedi biabo bibi tshianana. Nunku bualu kai udi utangila bantu aba hadi benza malu mabi abo a bunsonge, ne udi uhuwa talalâ halua muntu mubi kumina mukuabo udi umuhita buakane?

Malaki 1:14

Kadi mulau wikale kudi udi udinga, udi ne mulume wa mikoko mu bimuna biandi, udi ulaya bua kumufila, hashishe, udi ufila mukuabo udi mulema kudi Yehowa. Yehowa wa misumba udi wamba ne, Meme ndi Mukelenge mimene, dina dianyi didi ditshinyisha ha mu bisamba bia bantu.

Matayi 7:6

Kanuhi mbua tshintu tshia tshijila; kanuedi mabue enu a mushinga mukole hanshi hadi ngulube yendela, kayadiatshi munshi mua bikono, kayandamuki bua kunutuanyakanya.

Dielulula 12:6

nenulueku ne milambu yenu ya kuosha, ne nyama mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu, ne bintu bidi mitshima yenu misue kufila, ne banʼa bute ba ngombe yenu ne ba mikoko yenu.

Dielulula 22:21

hashishe nebalue ne mushikankunde eu ku tshibi tshia nsubu wa tatu wandi, ne balume ba mu musoko nebamukume ne mabue tô ne hafileye, bualu bua yeye wakuenza bualu bua tshikama mu Isalele, wakuenza bu mukashi wa masandi mu nsubu wa tatu wandi: nunku nenûmushe malu mabi munkatshi muenu.

Dielulula 23:21

Hanuaditshiha ku mesu kua Yehowa, Nzambi wenu, kanuhangi kushikisha mitshihu yenu; bualu bua Yehowa, Nzambi wenu, nealombe bua nuyishikishe; ne bualu ebu nebuikale bubi kunudi binuahanga kuyisbikisha.

Filipe 3:2

Nudimuke kudi mbua, nudimuke kudi benji babi ba mudimu, nudimuke kudi baditahi ba mubidi.

2 Petro 2:22

Bualu buakulua kudibo bu mudi lusumuinu lulelela luamba ne, Mbua muhingane ku bilushi biandi kabidi, ne ngulube mumane kuowa wakahingana kudibonda mu bitahikidi.

Didimanyisha 22:15

Ha bule hau hadi mbua, ne bena muhongo, ne bena masandi, ne bashihianganyi, ne batendeledi ba mpingu, ne muntu yonso udi musue ne udi ushima mashimi.