Dielulula 20:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Ba ha mutu habo nebambile bantu ne, Nganyi wakuasa nsubu muhia-muhia, ne kena muanze kunjidila? Bimpe yeye ahingane ku nsubu kuandi; anyi bialueye mu nvita, muntu mukuabo neajidile nsubu wandi.

MUKANDA WA MYIDI MUKULU

⁵ Pashishe balombodi ba bena mvita, nebambile bena mvita ne: “Pikala muntu wa munkatshi muenu muase nzubu, kayi muanji kusombamu, apingane kuende. Bualu badi mua kumushipa mu mvita, muntu mukuabu kuvua kuangata nzubu awu.

Dielulula 20:5 교차 참조

Nehemya 12:27

Hakajidilabo lumbu lua Yelushalema, bakabikila Bena Lewi bakadi ku nseke yonso, bakalua nʼabo ku Yelushalema bua kubakuatshishabo mu disanka dia kujidila kua lumbu ne bua kusakidilabo Nzambi ne bua kumutumbishabo ne misambu ne makasa ne bisanji ne nzenze.

Misambu 30:1

Yehowa, nenkutumbishe, bualu bua wakutula, kuakuitabusha bua badi nʼanyi lukuna basanke ku mutu kuanyi.

Dibadika 31:14

Mose wakadi ne tshiji kudi ba ku mutu kua bena nvita, tuhita tua binunu binunu ne tuhita tua nkama nkama, bakahingana ku nvita.

Dibadika 31:48

Bakadi ku mutu kua binunu bia bena nvita ne tuhita tua binunu ne binunu ne tuhita tua nkama ne nkama, bakalua kudi Mose,

Dielulula 1:15

Nunku nakasungula balume ba lungenyi lule, banuakamanya, nakabateka ku mutu kuenu, tuhita tua binunu binunu, ne tuhita tua nkama nkama, ne tuhita tua makumi atanu makumi atanu, ne tuhita tua dikumi dikumi, ne miloho bungi bua bisamba bienu.

Dielulula 16:18

Nenudisunguluile balumbuluishi ne bafundi mu misoko yonso, idi Yehowa, Nzambi wenu, munuhe, ku tshisamba ne ku tshisamba; bobo nebalumbuluishe bantu bilumbu biabo ne dilumbuluisha didi diakane.

Dielulula 20:6

Nganyi wakukuna mitshi ya tumuma tukese kayi muanze kudia tumuma atu? Bimpe yeye ahingane ku nsubu kuandi; anyi biafileye mu nvita, muntu mukuabo neadie tumuma tuandi.

1 Samuele 17:18

uye ne fromage ei dikumi kudi kapitene kabo ka tshinunu; utangile bu mudi bana benu, uhingane ne dî diabo.