Dielulula 2:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Ku Aloê udi ku muelelu wa tshibanda tshia Ânona ne ku musoko mukuabo udi mu tshibanda tô ne ku Gilada, katuakasangana musoko umue wakatuhita bukole bua kûnyenga; Yehowa, Nzambi wetu, wakafua misoko yonso mu tshianza tshietu;

MUKANDA WA MYIDI MUKULU

³⁶ Maweja-Nangila Mvidi Mukulu wetu, uvua mutuambuluishe bua kukuata bimenga bionsu bivua pankatshi pa tshimenga tshia Aroyere, tshidi pabuipi ne musulu wa Amone, ne tshimenga tshikuabu tshidi mu tshibandabanda tshine atshi, too ne ku ditunga dia Ngilaade. Tshimenga nansha tshimue tshia mu bimenga ebi, katshivua ne bukole bua kutuluisha.

Dielulula 2:36 교차 참조

2 Samuele 24:5

Bakasabuka Yadene, bakasa tshitudilu tshiabo ku Aloê, ku luseke lua tshianza tshia balume tshia musoko tshiakadi munkatshi mua tshibanda tshia Gada mu nshila wa ku Yasê.

2 Bakalenga 10:33

ku Yadene kua ku esete ne buloba buonso bua Gilada ne bua Bena Gada ne bua Bena Lubena ne bua Bena Manashe ne ku Aloê udi mu tshibanda tshia Ânona tô ne ku Gilada ne Bashana.

Misambu 44:3

Bualu bua kabakadinyengela buloba abu ku muele wabo wa nvita, ne diboko diabo kadiakabasungila mu nvita; kadi tshianza tshiebe tshia balume ne diboko diebe ne munya wa ha mpala hebe biakabasungila. Bualu bua wewe wakadi nʼabo luse.

Ekesode 23:31

Nenteke mikalu yenu ku Dishiba Dikunze tô ne ku mai manene a Bena Peleshete, ne ku tshihela tô ne ku musulu wa Pelata, bualu bua meme nenfile bena buloba mu bianza bienu, nuenu nenubihate ku mpala kuenu.

Yeshaya 17:2

Badi bashiya misoko ya mu Aloê hatuhu bua ishale bikulu; neyikale miaba ya kudishamu bimuna, nebilalemu kakuyi wa mua kuyitshinyisha.

Yirmeya 48:19

Wewe muana mukashi udi mushikame mu Aloê, imana kukala kua nshila, utentekeleku; konka muntu mulume udi unyema biandi ne muntu mukashi udi uhanduka ne, Bualu kai buakulua?

Dibadika 32:34

Bena Gada bakasa Dibona ne Atalota ne Aloe ne

Rome 8:31

Netuambe tshinyi bua malu â? Bikala Nzambi nʼetu, nganyi udi mumanye mua kutuhumbisha?

Dielulula 3:12

Tuakanyenga buloba ebu ku tshikondo atshi, ku Aloê mu tshibanda tshia Ânona, ne tshituha tshia mikuna ya Gilada ne misoko idimu, nakaha Bena Lubena ne Bena Gada:

Dielulula 4:48

ku Aloê udi ku butshika bua tshibanda tshia mai a Ânona tô ne ku mukuna wa Sileona (dina dikuabo ne Hêmona),

Yoshua 1:5

Kakuena muntu udi mua kuimana ku mpala kuebe tô matuku onso autshidi ne muoyo; nengikale nʼebe bu munakadi ne Mose; tshiena ukulekela, tshiena nkushiya nkayebe.

Yoshua 12:2

Sihona, mukelenge wa Bena Amole, wakadi mushikame mu Heshebona, ne wakadi mukokeshe ku Aloe udi ku muelele wa tshibanda tshia Ânona, ne musoko udi munkatshi mua tshibanda, ne tshituha tshia Gilada tô ne ku musulu wa Yaboka, mukalu wa Bena Amona;

Yoshua 13:16

Mukalu wabo wakadi ku Aloê udi ku muelelu wa tshibanda tshia Ânona ne musoko udi munkatshi mua tshibanda ne mpata mujima wa Medeba;

Yoshua 13:9

ku Aloê udi ku muelelu wa tshibanda tshia Ânona, ne musoko udi munkatshi mua tshibanda, ne mpata mujima wa Medeba tô ne ku Dibona;

Yoshua 21:44

Yehowa wakabaha dikisha ku nseke yonso bu muakalayeye bankambua babo; kakuakadi umue wa bena lukuna babo bonso wakamanya mua kubatantamena; Yehowa wakafua bena lukuna babo bonso mu bianza biabo.

Balombodi 11:22

Bakangata buloba buonso bua Bena Amole ku mikalu yabo yonso, ku Ânona tô ne ku Yaboka, ne ku tshihela tô ne ku Yadene.

Balombodi 11:26

Hakadi Bena Isalele bashikama mu Heshebona ne mu misoko yabo ne mu Aloê ne mu misoko yabo ne mu misoko yonso idi ku muelelu wa mai a Ânona bidimu nkama isatu, bualu kai kuakayangata musangu au?