Dielulula 2:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ bu muakatuenzela bana ba Esau ne Bena Moaba badi bashikama mu Ala, tô ne hatuasabuka Yadene mu buloba buakatuha Yehowa, Nzambi wetu.

MUKANDA WA MYIDI MUKULU

²⁹ Ndelanganyi ya Esawu, idi misombe mu mikuna ya Seyire, ne bena Mowabe, badi basombe mu Are, mbamane kuitaba bua tupitshile muabu. Pashishe netusabuke musulu wa Yardene, bua tufike mu ditunga, didibu batupe kudi Maweja-Nangila Mvidi Mukulu wetu.”

Dielulula 2:29 교차 참조

Genese 19:37

Muanʼa bute wakalela muana mulume, wakamulelela dina ne, Moaba, yeye wakadi nkambua wa Bena Moaba to ne lelu.

Ekesode 20:12

Unemeke tatuʼebe ne mamuʼebe, bua matuku ebe ikale a bungi mu buloba budi Yehowa, Nzambi webe, ukuha.

Dibadika 20:18

Mukelenge wa Edome wakamuambila ne, Nansha, kanuena nuhita, nendue kusangana nʼebe ne muele wa nvita.

Dielulula 1:8

Monai, nakuteka buloba ebu buonso ku mpala kuenu: nubuelemu, nuhiane buloba buakalaya Yehowa batatuʼetu Abalahama ne Isaka ne Yakoba, bua kubahabu ne tunkanunuina tuabo tudi tubalonda ku nyima.

Dielulula 2:9

Yehowa wakangambila ne, Kanutatshishi Bena Moaba, kanuluanganyi nʼabo nvita; bualu bua tshiena munuhe buloba buabo bu buhianyi buenu; bualu bua nakamana kuha bana ba Lota buloba bua Ala bu buhianyi buabo.

Dielulula 23:5

Kadi Yehowa, Nzambi wenu, kakunyua mei a Belâma; kadi Yehowa, Nzambi wenu, wakakudimuna mulau ulua disanka dienu, bualu bua Yehowa, Nzambi wenu, wakanusua.

Dielulula 25:15

Nuikale anu ne tshiamu tshimue tshidi tshiakane, ne tshihiminu tshimue tshidi tshiakane; nunku matuku enu neikale a bungi mu buloba budi Yehowa, Nzambi wenu, unuha.

Dielulula 4:1

Katataka, nuenu Bena Isalele, unvuai mei ne mikenji bindi musue kunuyisha, bua nuenu kubienza bua nuikale ne muoyo, nubuelemu, nuhiane buloba budi Yehowa, Nzambi wa batatu benu, unuha.

Dielulula 4:21

Bualu bukuabo, Yehowa wakadi nʼanyi tshiji bua bualu buenu, wakaditshiha ne, Wewe kuena mua kusabuka Yadene ne kubuela mu buloba abu buimpe budi Yehowa, Nzambi wenu, unuha bu buhianyi buenu;

Dielulula 4:40

Nuenu nutumikile mei andi ne mikenji yandi, bu munakunuambila lelu, bua nuenu nuikale ne disanka ne bana benu badi banulonda ku nyima, ne bua nuenu nuvudishangane matuku enu ha buloba budi Yehowa, Nzambi wenu, unuha tshiendelele.

Dielulula 5:16

Unemeke tatuʼebe ne mamuʼebe bu muakanuambila Yehowa, Nzambi webe, bua matuku ebe ikale a bungi, ne bua wewe ukume dikasa dimpe mu buloba budi Yehowa, Nzambi webe, ukuha.

Dielulula 9:6

Numanye bienu ne, Yehowa kena munuhe buloba ebu buimpe bu buhianyi bualu bua buakane buenu; bualu bua nudi bantu ba tshitshu.