Dielulula 19:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Balumbuluishi nebalondolole tshilumbu tô; ne bikala mumonyi eu muena mashimi mutumpile mukuabo tshianana,

MUKANDA WA MYIDI MUKULU

¹⁸ Balumbuluishi nebalondeshilule tshilumbu atshi bimpe. Pikalabu bajadike ne: mujadiki wa tshilumbu uvua mushiminyine mukuabu malu,

Dielulula 19:18 교차 참조

Yobe 19:16

Binabikila muena mudimu wanyi, kena witaba kundi nansha; bundi nʼabu mbua kumusengelela ne mukana muanyi.

Misambu 27:12

Kunfidi mu bianza bia bena lukuna banyi bua bangenzele bu mudibo basue; bualu bua bantemu badi ne mashimi badi bajuka bua kumbanda, badi bafunyina ne bukole.

Danyele 6:24

Hashishe, mukelenge wakela dî diandi ne, Balue ne bantu aba bakabanda Danyele, babele mu buina bua ntambue, bobo bine, bana babo baledibue ne bakashi babo. Diambedi kabayi banze kufika hanshi ha buina mene, ntambue yakabahita bukole, yakatshibula mifuba yabo yonso bituha bituha.

Dielulula 13:14

hashishe nenuebeshangane, nenukebe, nenukonkangane bimpe; bikala bualu bulelela, bakuenza bualu bua tshikamakama munkatshi muenu,

Dielulula 17:4

bikalabo banuambile dî edi anyi binuikala bunvue lumu lua bualu ebu ku matshu, nenukebakebe tô ne bikala bualu ebu bua bundu buenjibue bulelela mu Isalele,

Dielulula 25:1

Bikala bantu babidi batandangane, ne haluabo bua kulumbuluishibua, balumbuluishi nebalumbulule tshilumbu tshiabo; ku nyima nebabingishe muntu muimpe ne nebahishe muntu mubi.