Dielulula 17:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kadi yeye kena ne bualu bua kudikumbashila tubalu tua bungi, anyi bua kuhingisha bantu mu Ejipitu bua kuheteye tubalu tua bungi; bualu bua Yehowa wakamana kunuambila ne, Kanuhinganyi mu nshila au kabidi.

MUKANDA WA MYIDI MUKULU

¹⁶ Mukalenga awu, kikadi ne tubalu tua bungi. Kena mua kutuma bantu mu Ejipitu bua kutusumba to. Bualu Maweja-Nangila uvua munukandike bua kupingana mu ditunga edi.

Dielulula 17:16 교차 참조

2 Samuele 8:4

Davidi wakamunyenga bantu bakadi benda ha nyima ha tubalu tshinunu tshimue ne nkama muanda mutekete, ne bakadi benda hanshi binunu makumi abidi; Davidi wakakosa tubalu tuonso mifungu yatu, kadi wakasungula tukuabo bua makalu lukama.

1 Bakalenga 1:5

Hashishe Adoniya, muana wa Hagita, wakadibandisha, wamba ne, Meme nengikale mukelenge: yeye wakadilongoluela makalu ne badi benda ha tubalu ne bantu makumi atanu bua kunyemabo ku mpala kuandi.

1 Bakalenga 4:26

Solomo wakadi ne nsubu ya tubalu tua makalu andi binunu makumi anai, ne bantu bakenda ha nyima ha tubalu binunu dikumi ne bibidi.

1 Bakalenga 5:6

Nunku wewe wambile bantu bebe mukenji bua bobo bankosele mitshi ya cèdre ya mu Lebanona; bantu banyi nebakuatshile bantu bebe, nenfile bantu bebe difutu diudi wamba, bualu bua wewe udi mumanye ne, Kakuena bantu munkatshi muetu badi bamanye mua kukosa mitshi bu Bena Sidona.

2 Kulondolola 1:16

Tubalu tuakadi nʼatu Solomo tuakafuma mu Ejipitu; bendi ba mushinga ba mukelenge bakatusumba mu bisumbu, tshisumbu ku mushinga watshi, tshisumbu ku mushinga watshi.

2 Kulondolola 9:25

Solomo wakadi ne nsubu ya tubalu ne ya makalu binunu binai, ne bantu bakadi benda ha nyima ha tubalu binunu dikumi ne bibidi bakatekeye mu misoko yakadi ne makalu andi ne mu Yelushalema muakadi mukelenge.

Misambu 20:7

Bakuabo badi beyemena makalu a nvita, bakuabo badi beyemena tubalu; kadi tuetu netutele dina dia Yehowa Nzambi wetu.

Ekesode 13:17

Bakalekela Palô bantu, Nzambi kakabalombola mu nshila wa ku buloba bua Bena Peleshete, nshila au wakatamba buihi, Nzambi wakamba ne, Bamue bantu nebakudimune mitshima yabo hatangilabo nvita, nebahingane mu Ejipitu.

Ekesode 13:18

Kadi Nzambi wakabalombola mu nshila wa ku tshihela hehi ne Dishiba Dikunze Bena Isalele bakahatuka mu buloba bua Ejipitu ne bintu bia nvita.

Ekesode 14:13

Mose wakambila bantu ne, Kanutshinyi, imanai, numone luhandu lua Yehowa lualueye kunuha lelu, bua Bena Ejipitu banuakumona lelu kanuena nubamona kabidi tshiendelele.

Yeshaya 2:7

Buloba buabo budi bûle tente ne argent ne or, ne kakuena kunfudilu kua biuma biabo; buloba buabo budi bule tente ne tubalu, ne kakuena kunfudilu kua makalu abo.

Yirmeya 42:19

Yehowa wakungambila dî edi bua bualu buenu, nuenu ba mu Yuda badi bashala ne muoyo, ne, Kanuyi mu Ejipitu! Numanye bienu bimpe ne, Nakunudimusha lelu eu.

Yezekiyele 17:15

Kadi muntu wakasunguleye wakatombokela mukelenge, hakatumeye miloho yandi mu Ejipitu, bua bamuhe tubalu ne masalayi a bungi. Neikale ne diakalengele, anyi? Udi wenza malu bu nunku neahanduke, anyi? Neahanduke hashiheye tshihungidi tshiakahungeye, anyi?

Osheya 11:5

Kabena bahingana mu buloba bua Ejipitu; kadi Muena Ashû neikale nfumu wabo, bualu bua bakabenga kualukila kundi.

Osheya 14:3

Bena Ashû kabena batusungila; katuena tubanda ha nyima ha tubalu tua nvita bua kuenda; katuena tuambila bintu bituakufula ku bianza bietu ne, Nudi nzambi yetu; bualu bua bana ba nshiya badi baheta luse kûdi.

Mika 5:10

Yehowa udi wamba ne, Mu dituku adi nembutule tubalu tuenu tudi munkatshi muenu, nentshibule makalu enu a nvita kabidi.

Dielulula 28:68

Yehowa neanuhingashe mu Ejipitu kabidi mu matu mu nshila unakanuambila ne, Kanuena numutangila kabidi. Nenukebeku mua kudihana kudi badi nʼenu lukuna bu bahika balume ne bahika bakashi, kadi kakuena muntu udi unusumba.

1 Samuele 8:11

Wakamba ne, Eu newikale mushindu wa mukelenge udi unukokesha: neangate bana benu ba balume, neabateke bu bena makalu andi ne badi benda ha nyima ha nyama yandi ya tubalu; bobo nebalumbile lubilu ku mpala kua dikalu diandi;