Dielulula 17:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Muntu udi ne tshitshu, udi uhidia kunvua dî dia muakuidi udi muimane ku mesu kua Yehowa, Nzambi wenu, bua kumukuatshia mudimu, anyi dî dia mulumbuluishi, nebashihe muntu eu: nunku nenumushe malu mabi munkatshi mua Bena Isalele.

MUKANDA WA MYIDI MUKULU

¹² Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.

Dielulula 17:12 교차 참조

Ezela 10:8

ne yonso wahidia kulua mu matuku â asatu bu mudi mukenji wa bantu banene ne bakulu, nebamunyenge bintu biandi bionso, nebamutahulule munkatshi mua bantu bakumuka mu buhika.

Misambu 19:13

Ukande muntu webe kabidi bua kenji malu mabi mu tshitshu tshiandi; malu â mabi kânkokeshi nansha! Nunku nengikale tshiyi ne bualu bua kumbandabo nʼabu, nembingishibue ku malu mabi manene.

Nsumuinu 21:11

Hakengeshabo mubuidi, mutshimbakanyi udi uheta meji; hayishaho muena meji, yeye udi uheta lungenyi.

Osheya 4:4

Kadi muntu kabambakashi mei ne mukuabo, kabandi mukuabo; bualu bua bana benu badi benza bu bantu badi batanda ne muakuidi.

Zekâya 3:7

Yehowa wa misumba udi wamba ne, Biwenda mu nshila yanyi, ne biwenza mudimu wanyi bimpe, nunku neukokeshe nsubu wanyi ne neulame mbanza yanyi; neakuhe miaba ya kuendela munkatshi mua badi bimana kunoku.

Dibadika 15:30

Kadi muntu udi wenza bualu bubi ne mutshima mukole nansha muntu mulela munkatshi muenu nansha muenyi, muntu au udi uhenda Yehowa, nebamumushe munkatshi muabo.

Dibadika 15:31

Bualu bua yeye wakalengulula dî dia Yehowa, wakashiha mukenji wandi, nebamûmushilemu bulelela, neadituadile bubi buandi.

Matayi 10:14

Muntu udi kai unuitabusha, udi kai unvua mei enu, hantshidi nuluhuka mu nsubu au anyi mu musoko au, nututule nsenga idi mu makasa enu.

Luke 10:16

Wanunvuila udi ungunvuila meme, wanuhidia udi umpidia meme; wampidia meme udi uhidia wakuntuma.

Yowanane 12:48

Wampidia meme ne wahidia mei anyi udi ne mumulumbuluishi; dî diakamba nedimulumbuluishe dituku dia kunshikidilu.

Yowanane 20:23

muetu yonso unuajimishila mibi yandi, neijimishibue; muntu yonso unudi kanui nujimishila, neashale kudiye,

1 Korente 5:13

Kadi badi kabai mu ekelesia, Nzambi nkayandi udi ubalumbuluisha. Umushai muntu mubi au munkatshi muenu.

Dielulula 1:43

Nakanuambila nunku, kanuakangunvuila; kadi nuakadi ne budisu, nuakahidia dî dia Yehowa, nuakadiyila ku mikuna.

Dielulula 10:8

Ku tshikondo atshi Yehowa wakajidila tshisamba tshia Lewi, bua kutualabo mushete wa tshihungidi tshia mei a Nzambi, ne bua kuimana ku mpala kua Yehowa bua kamuenzela mudimu, ne bua kuvudishila bantu disanka mu dina diandi, bu mudibo benza lelu.

Dielulula 13:11

Bena Isalele bonso nebunvue lumu elu, nebatshine, kabena benza bualu ebu bubi kabidi munkatshi muenu.

Dielulula 13:5

Nebashihe muprofete au anyi mulotshi au wa bilota, bualu bua yeye wakamba mei adi anutombuesha kudi Yehowa, Nzambi wenu, wakanu; hatula mu buloba bua Ejipitu, wakanuhikula mu nsubu wa lukanu; udi musue kunusesuisha mu nshila wakanuambila Yehowa, Nzambi wenubua nuenu kuendamu. Nunku nenumushe malu mabi â munkatshi muenu.

Dielulula 13:6

Bikala muanʼenu mulume, muana mulume wa mamu webe mene, anyi muanʼebe mulume anyi muanʼebe mukashi, anyi mukashi webe ûdi unanga, anyi mulunda webe wa ha mutshima webe, mukusesuishe mu musokoko ne, Tuye bietu, tuenzele nzambi mikuabo mudimu, inudi kanuyi bamanye, nansha wewe nansha batatu benu;

Dielulula 17:13

Bantu bonso nebunvue mei abo, nebatshine, kabena benza malu a tshitshu kabidi.

Dielulula 17:7

Bamonyi ba bualu nebolole bianza kudiye diambedi bua kumushiha, ne ku nyima bantu bonso nebolole bianza biabo. Nunku nenumushe malu mabi munkatshi muenu.

Dielulula 18:20

Muprofete udi udiambila mei mu dina dianyi ne dikamakama andi tshiyi mumuambile anyi udi wamba mei mu dina dia nzambi mukuabo, muprofete au neafue biandi.

Dielulula 18:5

Bualu bua Yehowa wakasungula Bena Lewi munkatshi mua bisamba bienu bionso, bua kunuenzela mudimu mu dina dia Yehowa, ne yeye ne bana bandi balume tshiendelele.

Dielulula 18:7

hashishe yeye neanuenzele mudimu mu dina dia Yehowa, Nzambi wandi; bu mudi bana babo, Bena Lewi, batu bimana ku mesu kua Yehowa, benza.

1 Tesalonike 4:2

Bualu bua nudi bamanye mei â atuakanudimusha nʼau mu Mukelenge Yesu.

1 Tesalonike 4:8

Nunku wahetula kena uhetula muntu kadi udi uhetula Nzambi udi unuha Nyuma Muimpe wandi.

1 Timote 5:20

Bobo badi benza bualu bubi, ubabele ku mesu kua bonso, bila bakuabo badi bashale bikale ne ditshina.

Yoshua 1:18

Muntu yonso udi uhidia dî diebe, kayi unvua mei audi umuambila, nebamushihe; anji kuikala ne bukole ne mutshima wa dikima.

Balombodi 20:13

Nunku nufile balume, bantu balembakane, ba mu Gibea kutudi, bua tuetu tubashihe, neamushe bubi ebu mu Isalele. Kadi Bena Benyamina kabakunvua dî dia bana babo, Bena Isalele.

1 Samuele 3:13

Bualu bua nakamana kumuambila ne, Nendumbuluishe ba mu nsubu webe tshiendelele, bua malu mabi abo akadiye mumanye: bualu bua bana bandi balume bakadiela mulau, ne yeye kakabakanyina.