Dielulula 16:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nenudisunguluile balumbuluishi ne bafundi mu misoko yonso, idi Yehowa, Nzambi wenu, munuhe, ku tshisamba ne ku tshisamba; bobo nebalumbuluishe bantu bilumbu biabo ne dilumbuluisha didi diakane.

MUKANDA WA MYIDI MUKULU

¹⁸ Mu bimenga bionsu bikale Maweja-Nangila Mvidi Mukulu wenu munupe bua kusomba, nusungule balumbuluishi ne bulombodi, badi mua kulumbuluisha bantu bonsu ba mu bisamba bienu, kakuyi kansungansunga.

Dielulula 16:18 교차 참조

1 Kulondolola 23:4

Bakasungula binunu makumi abidi ne binai bua kuikalabo tuhita tua bena mudimu ba mu nsubu wa Yehowa; bantu binunu bisambombo biabo bakadi balami ne balumbuluishi;

1 Kulondolola 26:29

Ba Bena Yisehâ; Kenanya ne bana bandi balume bakadi ne mudimu wabo ha mbelu ha ntempelo mu Isalele bu bakokeshi ne balumbuluishi.

Ezela 7:25

Wewe, Ezela, bu mudi lungenyi lua Nzambi webe lûdi nʼalu mu tshianza tshiebe, sungula balumbuluishi banene ne ba-juge bua bobo balumbuluile bantu bonso badi dishiya dia musulu wa Pelata, bonso badi bamanye mikenji ya Nzambi webe; uyishe yonso udi kayi muyimanye.

Ekesode 18:21

Bualu bukuabo, usungule munkatshi mua bantu bonso balume badi ne lungenyi lule, badi batshina Nzambi, bena bulelela, badi bakina mbueshilu, ubateke ku mutu kua bantu bu bakokeshi ba bantu tshinunu ne ba bantu lukama ne ba bantu makumi atanu ne ba bantu dikumi.

Ekesode 21:22

Bialuangana balume ne badi bakulua mukashi udi ne difu, ne yeye udi utula difu, kadi dikenga dikuabo kadiena dilonda ku nyima, yeye wakamukuma neafutie mulume wandi bintu bidiye musue, yeye neamufute bintu bidi balumbuluishi bamba.

Ekesode 21:6

nunku mukelenge wandi nealue handi kudi balumbuluishi, nealue handi ku tshibi anyi ku tshibanda tshia tshibi ne mukelenge wandi neatubuishe ditshu diandi ne tshiamu ne yeye neamukuatshile mudimu tshiendelele.

Nsumuinu 31:23

Bayandi udi mumanyibue ku bibuelelu bia ku musoko, hashikameye munkatshi mua bakulu ba ditunga.

Matayi 5:21

Nuenu nuakunvua dî diakane Habo bantu ba kale ne, Kushihi muntu mukuabo; washiha muntu mukuabo nebamubande ku tshilumbuluidi;

Matayi 5:22

kadi meme ndi nuambila ne, Muntu yonso udi ne muanʼabo tshishi nebamubande ku tshilumbuluidi; muntu yonso wamhila muanʼabo ne, Laka, nebamubande kudi balumbuludi banene; muntu yonso wambila munga muntu ne, Wewe udi muhote, udi mua kukengeshibua mu Ngena wa kahia.

Dielulula 16:17

kadi muntu yonso neafile bintu bidiye nʼabi bu muakanuvudishila Yehowa, Nzambi wenu, disanka.

Dielulula 16:19

Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.

Dielulula 17:12

Muntu udi ne tshitshu, udi uhidia kunvua dî dia muakuidi udi muimane ku mesu kua Yehowa, Nzambi wenu, bua kumukuatshia mudimu, anyi dî dia mulumbuluishi, nebashihe muntu eu: nunku nenumushe malu mabi munkatshi mua Bena Isalele.

Dielulula 17:9

nenulue kudi bakuidi, Bena Lewi, ne kudi mulumbuluishi munene wa mu matuku au; nenubakonke, ne bobo nebanukosele tshilumbu.

Dielulula 21:2

hashishe bakulu ne balumbuluishi nebaluhuke, nebahime mutantshi kubangila ku muaba udi tshitalu tô ne ku misoko idi ha buihi ne muntu mufue;

Dielulula 25:1

Bikala bantu babidi batandangane, ne haluabo bua kulumbuluishibua, balumbuluishi nebalumbulule tshilumbu tshiabo; ku nyima nebabingishe muntu muimpe ne nebahishe muntu mubi.

1 Samuele 8:1

Hakalua Samuele muntu mununu, yeye wakasungula Bena Isalele bana bandi ba balume bu balumbuluishi babo.