Dielulula 15:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nudimuke, kanuedianganyi meji mabi mu mitshima yenu ne, Tshidimu tshia muanda mutekete, tshidibo balekelelangana bintu tshikadi ha kulua, ne kanuenzedi muanʼenu muhele bibi, bua kubenga kumuha tshintu; bua kadidi kudi Yehowa bualu buebe, ne bua wewe kushadi ne bubi.

MUKANDA WA MYIDI MUKULU

⁹ Nudimuke. Kanuikadi ne meji mabi a ne: tshidimu tshia muanda mutekete tshia kulekelangana mabanza tshidi pabuipi. Kanutatshishi muanenu mupele bua bualu abu. Kanumupadi tshintu tshidiye ulomba. Bualu yeye mudidile Maweja-Nangila, nenuikale bena tshibawu.

Dielulula 15:9 교차 참조

Yobe 34:28

Bua bualu ebu bakafikisha muadi wa bahele kudiye, ne yeye wakunvua muadi wa bakengi.

Misambu 101:3

Tshiena nteka tshintu tshibi ku mesu kuanyi. Ndi nkina bienzedi bia badi basesuka mu nshila webe; kabiena bindamata.

Misambu 12:5

Bualu bua badi bakengesha bahele, bualu bua badi bakengela bintu badi balua mikemu, Yehowa udi Wamba ne, Nembike bianyi; nemmushikike mu muaba wa luhandu udiye ukebakeba.

Misambu 9:12

Bualu bua yeye udi usombuela mashi abo udi ubavuluka; kena uhua muadi wa bahele muoyo.

Ekesode 22:22

Kanukengeshi bakashi ba mu lufuila anyi bana ba nshiya.

Ekesode 22:23

Biwabakengesha ne biadilabo kundi, meme nengunvuile muadi wabo,

Ekesode 3:7

Yehowa wakamba ne, Nakutangila dikenga dia bantu banyi badi mu Ejipitu bulelela, nakunvua muadi wabo bualu bua tuhita tuabo, bualu bua ndi mumanye kanyinganyinga kabo.

Nsumuinu 14:21

Udi uhetula muena mutumba nʼandi udi wenza bualu bubi, kadi udi ufuila bena dikenga luse udi ne disanka.

Nsumuinu 21:13

Udi ujibika mu matshu andi bua kaunvu muadi wa muhele nêle biandi dî bikole, kabena bamunvuila nansha.

Nsumuinu 23:6

Kudi bidia bia muena tshitu; kusaminyi muoyo ku bidia biandi bishemakane.

Nsumuinu 24:9

Kuhangidisha buhote kudi bualu bubi; mubuidi udi utondesha bantu.

Nsumuinu 28:22

Muena lukuka udi wenda lukasa bua kuheta biuma, kena mumanye ne, Buhele nebunkuate.

Nsumuinu 4:23

Ulame mutshima webe ne dilama dionso, bualu bua munda muau mudi muhatuka mishimi yonso ya muoyo.

Yirmeya 17:10

Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

Yirmeya 34:14

Hakumbana bidimu muanda mutekete, bunudi habu mbua kulekela, muntu ne muntu, muanʼenu wa Bena Ebelu wakudihana kunudi, ne wakunukuatshila mudimu bidimu bisambombo; nudi ne bualu bua kumulekela ne umuke kunudi hatuhu. Kadi batatu benu kabakangunvuila, kabakateleja matshu abo kundi.

Matayi 15:19

Bualu bua meshi mabi ne kushiha kua bantu ne masandi ne tshiendenda ne buibi ne mashimi ne kuhenda Nzambi bidi biluhuka mu mutshima;

Matayi 20:15

Tshiena mumanye mua kuenza ne bintu bianyi bu mundi musue, anyi? Disu diebe didi dibi bualu bua meme ndi muimpe, anyi?

Dielulula 15:1

Hahita bidimu muanda mutekete nenulekelelangane bintu.

Dielulula 24:15

nubafute difutu diabo buatshia-buatshia diambedi diba kadiyi dianze kubuela; bualu bua bobo badi bahele ne badi bakuma mitshima yabo ku difutu; bobo kabadidi kudi Yehowa bualu buenu, ne bualu ebu kabuikadi bubi kunudi.

Dielulula 31:10

Mose wakabambila ne, Hafika bidimu muanda mutekete, mu tshikondo tshidibo bahingashangana bintu, hadiabo bidia bia disanka dia bitandatanda,

Yakobe 4:17

Nunku muntu udi mumanye mua kuenza bualu buimpe ne udi kai ubuenza, bualu ebu budi bubi kudiye.

Yakobe 4:5

Nudi nuela meshi ne, Mukanda wa Nzambi udi wamba hatuhu ne, Nyuma wakatutekeleye munda muetu udi ujinga tô ne ku mukau, anyi?

Yakobe 5:4

Monai, difutu dia bena mudimu bakanunowela madimi enu, dinutshidi nushala nʼadi ku buibi, didi diela dî dikole; ne muadi wa bahuodi wakubuela mu matshu a Mukelenge wa Misumba Yonso.

Yakobe 5:9

Bana betu, kanutontolodianganyi, bua nuenu kanulumbuluishibu; tangilai, mulumbuluishi udi muimane ku mpala kua tshibi.

1 Petro 4:9

nusankidilangane ne benyi kanui ne kutontolola;