Dielulula 14:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Ngulube kena muakane kunudi bualu bua yeye udi ne mikono mihanduluke kadi kena uhingishilula bintu mukana; kanudi munyinyi wa nyama ei, kanulengi tshianza hamʼbidi ha bitalu biai.

MUKANDA WA MYIDI MUKULU

⁸ Udi ne mikiya kabidi ke ngulube, bualu udi ne mikonu mipanduluke, kadi kena upingaja bintu mukana, ibidia kabidi. Nanku kanuena mua kudia munyinyi wa nyama eyi. Kanuena mua kuyilenga, padiyi mifue.

Dielulula 14:8 교차 참조

Yeshaya 65:4

Badi bashikame munda mua majambu, badi balala butuku mu miaba idi misokoke; badi badia munyinyi wa ngulube, ne mukelekele wa munyinyi wa tshianana udi mu ngesu yabo;

Yeshaya 66:17

Yehowa udi wamba ne, Badi badidila ne badi badilengesha bua kubuelabo mu bibidi bua kutendelela, balonda muntu wa munkatshi muabo, badia munyinyi wa ngulube, wa tshintu tshibi ne wa kahuku, nebalue ku nshikidilu wabo hohamue.

Yeshaya 66:3

Udi ushiha ngombe udi muomumue ne muntu udi ushiha munga muntu; udi ulambula mukoko udi muomumue ne muntu udi utshibula nshingu wa mbua; udi ulambula mulambu wa bia kudia mmuomumue ne muntu udi ufila mashi a ngulube bu mulambu; udi wosha musenga wa manananshi bu tshivulukidi udi muomumue ne mu ntu udi uvudishila luhingu disanka. Bulelela, bantu aba bakudisunguila nshila yabo, ne mitshima yabo idi isanka mu bienzedi bia tshinyangu tshiabo.

Lewitiki 11:3

Nyama yonso idi ne mikono mihanduluke ne idi ihingishilula bintu mukana ibidia kabidi, nudi mua kudia nyama ei.

Lewitiki 5:2

Bialenga muntu tshianza tshiandi ha tshintu tshibi, nansha mifuba ya nyama udi kayi muakane, nansha mifuba ya ngombe udi kayi muakane, nansha mifuba ya tshintu tshidi tshidikoka hanshi tshidi katshiyi tshiakane, ne bikala bualu ebu busokoka ku mesu kuandi, yeye udi muntu wa bukoya, neahile.

Dielulula 14:7

Kadi kanudi nyama mikuabo idi mihingishilula bintu mukana anyi idi ne mikono mihanduluke: kamelo, ne nsenji, ne kabundi ka ku mputu; bualu bua nyama ei idi mihingishilula bintu mukana, kadi kayena ne mikono mihanduluke, kayena miakane kunudi.

Dielulula 14:9

Ebi mbintu bionso bia mu mai binudi mua kudia: bintu bionso bidi ne mialala ne mabamba nudi mua kudia;

2 Petro 2:22

Bualu buakulua kudibo bu mudi lusumuinu lulelela luamba ne, Mbua muhingane ku bilushi biandi kabidi, ne ngulube mumane kuowa wakahingana kudibonda mu bitahikidi.