Dielulula 12:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Nenudieku bidia ku mpala kua Yehowa, Nzambi wenu, nenusanke mu malu onso anudi nuenza ne bianza bienu, ne nuenu ne ba mu nsubu yenu mu malu onso akanusankisha nʼau Yehowa, Nzambi wenu.

MUKANDA WA MYIDI MUKULU

⁷ Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Dielulula 12:7 교차 참조

1 Kulondolola 29:22

bakadia, bakanua ku mpala kua Yehowa dituku adi ne disanka dinene. Bakahingishila Solomo, muana wa Davidi, mu bukelenge tshiakabidi, bakamuela manyi ha mutu bua kuikaleye mukokeshi, ne ha mutu ha Sadoka bua kuikaleye muakuidi.

Nehemya 8:9

Nehemiya gouverneur wakadi ne Ezela muakuidi ne mufundi ne Bena Lewi, bakadi bayisha bantu, bakambila bantu bonso ne, Dituku edi didi dia tshijila kudi Yehowa Nzambi wenu, kanujingi, kanutedi mua dî. Bualu bua bantu bonso bakadi badila hakunvuabo mei a mu mikenji.

Muambi 3:12

Ndi mumanye ne, Kakuena bualu buimpe bu kusanka ne kuenza malu mimpe matuku onso hatshidi muntu ne muoyo.

Muambi 3:13

Muntu yonso adie biandi, anue biandi, asanke biandi mu midimu yandi yonso, bua eku nkuha kua Nzambi.

Muambi 5:18

Monai, bualu bundi mmona buimpe ne bukumbanyine muntu: adie biandi, anue biandi ne asanke mu midimu yandi yonso idiye wenza muinshi mua diba, matuku onso a muoyo wandi adi Nzambi mumuhe; edi ndifutu diandi.

Yeshaya 23:18

Kadi luhetu luau ne ditutu diau bua bundumba nebijidibue kudi Yehowa; kabiena bibutshidibua ne kabiena bitekedibua. Bualu bua luhetu luau lua ku kuendulula kua mushinga neluikale bintu bia kukuatshisha nʼabi bantu badi bashikame ku mpala kua Yehowa, bua bobo bikale ne bia kudia bikumbane ne bivualu bimpe.

Yeshaya 62:9

Kadi badi babihuola nebabidie ne nebatumbishe Yehowa; badi basangisha tumuma nebanue nvinyo yatu mu biendelu bia tshitendelelu tshianyi.

Yezekiyele 44:3

Mukokekeshi nkayandi udi mua kushikamamu bua kudia bidia ku mpala kua Yehowa; yeye abuele mu nshila wa mu mbalanda wa tshibuelelu, ne ahatukile mu nshila eu muomumue.

Yowele 1:16

Bia kudia kabiena biumushibue ku mesu kuetu, anyi? Disanka ne musangelu kabiena biumushibue mu nsubu wa Nzambi wetu, anyi?

Yowele 2:26

Nenudie bintu bikumbane, nenukute; nenutumbishe dina dia Yehowa Nzambi wenu, wakunuenzela malu a kukema; ne bantu banyi kabena bafuishibua bundu kabidi kashidi.

Lewitiki 23:40

Dituku dia kumudilu nenuangate mamuma a mitshi mimpe ne bikola bia mabue ne matamba a mitshi ne ntuhu ya mu mai, nenusanke ku mesu kua Yehowa, Nzambi wenu, matuku muanda mutekete.

Malaki 2:13

Eu mmunga muanda unudi nuenza kabidi: Nudi nubuikila tshioshelu tshia Yehowa ne binsonshi ne kudila ne kuhumuna kuenu, bualu bua yeye katshiena utangisha mesu andi ku mulambu ne katshiena uwitabusha ne disanka ku bianza bienu.

Bienzedi 2:46

Ku dituku ku dituku bakadi bananukila kudisangisha mu ntempelo, ne mutshima umue, ku nsubu yabo bakadi batshibula bidia, bakadi badia bidia biabo ne disanka ne mitshima ya kanemu,

Dielulula 12:12

Nenuikale ne disanka dia Yehowa, Nzambi wenu, ne nuenu ne bana benu balume ne bana benu bakashi, ne bahika benu balume ne bahika benu bakashi, ne Bena Lewi badi ku mbelu kuenu badi kabayi ne buhianyi kunudi.

Dielulula 12:18

kadi nubidie ku mpala kua Yehowa, Nzambi wenu, mu muaba udi Yehowa, Nzambi wenu, musungule, ne wewe ne muana webe mulume ne muana webe mukashi ne muhika webe mulume ne muhika webe mukashi, ne Muena Lewi udi ku mbelu kuenu: nuikale ne disanka ku mpala kua Yehowa, Nzambi wenu, mu malu onso anudi nuenza ne bianza bienu.

Dielulula 12:8

Kanuenji bu munudi nuenza kunoko lelu, benza muntu yonso anu malu adi mimpe ku mesu kuandi;

Dielulula 14:23

Nudie tshintu tshia dikumi tshia manvua enu ne tshia nvinyo yenu mihia-mihia ne tshia manyi enu ne tshia banʼa bute ba ngombe yenu ne tshia ba mikoko yenu ku mpala kua Yehowa, Nzambi wenu, mu muaba udiye Usungula bua kujadikamu dina diandi; nunku nenubale bualu bua kutshina Yehowa, Nzambi wenu, matuku onso.

Dielulula 14:26

neudisumbile bintu bidi mutshima webe musue, nansha ngombe nansha mikoko nansha mioyo nansha maluvu makole nansha bintu bionso biudi musue; neubidie ku mpala kua Yehowa, Nzambi webe, neusanke, wewe ne ba mu nsubu webe.

Dielulula 15:20

Wewe ne ba mu nsubu webe nenubadie ku mpala kua Yehowa, Nzambi wenu, ku tshidimu ku tshidimu mu muaba udi Yehowa musungule.

Dielulula 26:11

nenusanke mu malu mimpe onso akanuha Yehowa, Nzambi wenu, ne nuenu ne ba mu nsubu yenu, ne Muena Lewi ne benyi badi munkatshi muenu.

Dielulula 27:7

nenufile kabidi milambu yenu ya kuvuisha nʼai ditalala, nenudieku; nenusanke ku mpala kua Yehowa, Nzambi wenu.

Dielulula 28:47

Bualu bua nuenu kanuakakuatshila Yehowa, Nzambi wenu, mudimu ne disanka mu mitshima yenu bua bintu bionso biakanuheye,

Filipe 4:4

Nusanke mu Mukelenge misangu yonso, nengambe tshiakabidi ne, Nusanke.