Dielulula 12:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi muaba udi Yehowa, Nzambi wenu, musungule munkatshi mua bisamba bienu bionso, bua kujadikamu dina diandi: nenukebe muaba kudiye mushikame, nenudisangisheku;

MUKANDA WA MYIDI MUKULU

⁵ Mu buloba bua bisamba bienu, Maweja-Nangila neasungule muaba anu umue, muaba udiye musue kusomba bua numonangane nende, numutendelelemu.

Dielulula 12:5 교차 참조

1 Bakalenga 12:27

biaya bantu aba bua kufilabo milambu mu nsubu wa Yehowa wa mu Yelushalema, nebakudimune mitshima yabo kudi Lehabama, mukelenge wabo wa mu Yuda kabidi; nebanshihe meme, nebahingane kudi Lehabama, mukelenge wa Yuda.

1 Bakalenga 14:21

Lehabama, muana wa Solomo, wakakokesha mu Yuda. Lehabama wakadi ne bidimu makumi anai ne tshimue hakabangeye kukokesha, yeye wakakokesha bidimu dikumi ne muanda mutekete mu Yelushalema, musoko wakasungula Yehowa munkatshi mua bisamba bionso bia Bena Isalele bua kutekamu dina diandi; dina dia mamu wandi diakadi Nâma, Muena Amona.

1 Bakalenga 8:16

Katshia ngumuka ne bantu banyi Bena Isalele mu Ejipitu, tshiakasungula musoko munkatshi mua bisamba bia Bena Isalele wa kuasamu nsubu, bua dina dianyi dikalemu; kadi nakasungula Davidi bua kuikaleye ku mutu kua bantu banyi Bena Isalele.

1 Bakalenga 8:20

Yehowa wakamana kujadika dî diandi diakambeye: bualu bua meme nakahingana mu muaba wa tatu wanyi Davidi bua kushikama mu nkuasa wa bukelenge wa Isalele bu muakatulaya Yehowa; nakamana kuashila dina dia Yehowa, Nzambi wa Isalele, nsubu.

1 Bakalenga 8:27

Kadi Nzambi neitabushe bua kuikaleye ha buloba, anyi? Monai, diulu ne diulu ditamba mulu kaena makukumbane, ka nsubu eu unakukuashila neikale muhite bukese!

1 Bakalenga 8:29

bua mesu ebe ikale matabale ku nsubu eu munya ne butuku ku muaba eu uwakamba ne, Dina dianyi nedikaleku; bua kunvua kulomba kua muntu webe kudiye ulomba mu muaba eu.

2 Bakalenga 18:22

Binuangambila ne, Netueyemene Yehowa, Nzambi wetu; kanyeye mene wakumusha Hezikiya bitendelelu biandi ku mikuna ne bioshelu biandi, wakambila Bena Yuda ne Bena Yelushalema ne, Bunudi nʼabu mbua kutendelela ku mpala kua tshioshelu etshi mu Yelushalema, anyi?

1 Kulondolola 22:1

Hashishe Davidi wakamba ne, Eu udi nsubu wa Yehowa Nzambi, etshi ntshioshelu tshia Bena Isalele.

2 Kulondolola 7:12

Yehowa wakamueneka kudi Solomo butuku, wakamuambila ne, Nakunvua kulomba kuebe, nakadisunguila muaba eu bu nsubu wanyi wa milambu.

Ezela 3:2

Hashishe Yeshua, muana wa Yozadaka, wakimana ne bakuidi bakuabo, ne Zelubabela, muana wa Shaletiele, ne bana babo bakajuka, bakasa tshioshelu tshia Nzambi wa Isalele, bua kufilahu milambu ya kuosha bu muakafundabo mu mukanda wa mikenji ya Mose, muntu wa Nzambi.

Ezela 6:12

Nzambi nguakajadikishaku dina diandi abutule hakelenge bonso ne bantu bonso badi bolola bianza biabo bua kukudimunabo bualu ebu ne bua kuhaulabo nsubu eu wa Nzambi udi mu Yelushalema. Meme Dayawesha, nakela mukenji eu; batumikile mukenji eu ne mitshima yabo yonso.

Ezela 7:17

nunku bûdi nʼabu mbua kusumba ne argent ei ngombe ne bimpanga ne bana ba mikoko ne milambu yabi ya bukula ne ya bintu bia kunua, biudi ufila ha tshioshelu tshidi mu nsubu wa Nzambi webe udi mu Yelushalema.

Nehemya 1:9

kadi binuakudimuna mitshima yenu kundi, binuatumikila mikenji yanyi bua kuyenza, binuikala bamuangalashibue kunfudilu kua diulu, nennusangisheku, nennuhingashe ku muaba unakusungula bua kujadikaku dina dianyi.

Misambu 78:68

Kadi wakasungula tshisamba tshia Yuda, Mukuna wa Siona mene udiye munange.

Ekesode 15:2

Yehowa udi bukole buanyi ne musambu wanyi, yeye wakulua luhandu luanyi, Yeye udi Nzambi wanyi, nemmutumbishe, udi Nzambi wa tatuʼanyi, nemmunemeke.

Ekesode 20:24

Nungashile tshishihelu tshia buloba, nufile ha mutu hatshi milambu ya kuosha, ne milambu ya kuvuisha nʼai ditalala, ne mikoko yenu ne ngombe yenu, ku miaba yonso kundi nnuvuluisha dina dianyi, nendue kunudi, nennusankishe.

Ekesode 25:22

Meme ne nsangakene nʼebe aha, nensombe nʼebe ha mutu ha tshibuikilu tshia mushete, hankatshi ha bakeluba badi ha mutu ha mushete, nenkumanyishe malu onso andi nkuhesha bu mikenji kudi Bena Isalele.

Yirmeya 26:2

Yehowa udi wamba ne, Imana biebe mu tshiendelu tshia mu nsubu wa Yehowa, wambile ba mu misoko yonso ya mu Yuda badi balua kutendelela mu nsubu wa Yehowa mei onso andi nkuambila; kukosolodi dî dimue nansha.

Yirmeya 7:12

Kadi nuye bienu ku tshitendelelu tshianyi tshiakadi ku Shilo, kunakajadika dina dianyi diambedi, numone malu anakenzela muaba eu bua malu mabi a bantu banyi Bena Isalele.

Yirmeya 7:14

nunku nengenzele nsubu eu udibo bambikila dina dianyi, unudi nueyemena, ne muaba eu unakanuha nuenu ne batatu benu, bu munakenzela Shilo.

Lewitiki 17:4

kayi nulue n andi ku mbelu kua ntenta wa kusangakena bua kumufila bu mulambu wa Yehowa ku mpala kua nsubu wa Yehowa, nebamubale bu muhite bua mashi akamatshisheye hanshi, yeye wakamatshisha mashi hanshi, nebumushe mundi au munkatshi mua bana babo.

Dibadika 7:89

Hakaya Mose mu ntenta wa kusambakena bua kusomba ne Yehowa, hashishe yeye wakunvua Di diakadi diakula nʼandi ha mutu ha tshibuikidi tshia ha mutu ha mushete wa Nzambi hankatshi ha bakeluba babidi ne yeye wakasomba ne Yehowa.

Dielulula 12:11

Hashishe nenulue ne bintu binakanuambila ku muaba udi Yehowa, Nzambi wenu, Usungula bua kujadikamu dina diandi; milambu yenu ya kuosha ne nyama yenu mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu kunudi nuditshiha nʼaku kudi Yehowa.

Dielulula 12:13

Nudimuke, kanufidi milambu ya kuosha mu miaba yonso mudi nutangila;

Dielulula 12:18

kadi nubidie ku mpala kua Yehowa, Nzambi wenu, mu muaba udi Yehowa, Nzambi wenu, musungule, ne wewe ne muana webe mulume ne muana webe mukashi ne muhika webe mulume ne muhika webe mukashi, ne Muena Lewi udi ku mbelu kuenu: nuikale ne disanka ku mpala kua Yehowa, Nzambi wenu, mu malu onso anudi nuenza ne bianza bienu.

Dielulula 12:4

Kadi kanuenji Yehowa, Nzambi wenu, nunku.

Dielulula 14:23

Nudie tshintu tshia dikumi tshia manvua enu ne tshia nvinyo yenu mihia-mihia ne tshia manyi enu ne tshia banʼa bute ba ngombe yenu ne tshia ba mikoko yenu ku mpala kua Yehowa, Nzambi wenu, mu muaba udiye Usungula bua kujadikamu dina diandi; nunku nenubale bualu bua kutshina Yehowa, Nzambi wenu, matuku onso.

Dielulula 14:24

Hakuvudishila Yehowa, Nzambi webe, disanka, bikala nshila mutambe kule, ne wewe kuena mua kutuala bintu biebe bualu bua muaba udi Yehowa neusungule bua kujadikamu dina diandi udi utamba kule,

Dielulula 15:20

Wewe ne ba mu nsubu webe nenubadie ku mpala kua Yehowa, Nzambi wenu, ku tshidimu ku tshidimu mu muaba udi Yehowa musungule.

Dielulula 16:11

Nenusanke ku mesu kua Yehowa, Nzambi wenu, ne wewe ne muana webe mulume ne muana webe mukashi ne muntu webe mulume ne muntu webe mukashi ne Muena Lewi udi mu musoko webe ne muenyi ne bana ba nshiya ne bakashi ba mu lufuila badi munkatshi muenu, mu muaba udi Yehowa, Nzambi wenu, Usungula bua kujadikamu dina diandi.

Dielulula 16:15

Nenudie bidia ebi ku mesu kua Yehowa, Nzambi wenu, tô matuku muanda mutekete, mu muaba udi Yehowa Usungula; bualu bua Yehowa, Nzambi wenu, neanuvudishile disanka ne bintu bienu bionso biakakumbana, ne mudimu wonso unuakenza ne bianza bienu: nenuikale ne disanka dingi.

Dielulula 16:2

Nenushihele Yehowa, Nzambi wenu, mulambu wa kuhita kua Yehowa, wa mikoko ne wa ngombe, mu muaba udi Yehowa Usungula bua kujadikamu dina diandi.

Dielulula 16:6

anu mu muaba udi Yehowa, Nzambi wenu, Usungula bua kujadikamu dina diandi, nenushihe milambu ya kuhita kua Yehowa dilolo habuela diba, ha diba mene dinuakahatuka mu Ejipitu.

Dielulula 16:7

Nenuanyike milambu ha kahia, nenuyidie mu muaba udi Yehowa, Nzambi wenu, Usungula; nenualukile dinda, nuhingane mu ntenta yenu.

Dielulula 17:8

Bikala tshilumbu tshinuhite bukole, nansha hankatshi ha bashihianganyi, nansha hankatshi ha muntu ne muntu badi badiakuilangana, nansha hankatshi ha muntu ne muntu badi batutangana, mmalu adibo batandangana nʼau mu misoko yenu; hashishe nenubike, nenuye ku muaba udi Yehowa, Nzambi wenu, usungula;

Dielulula 18:6

Biumuka Muena Lewi ku umue wa misoko ya mu Isalele, muakadiye ushikama, bua kubuela ne mutshima wandi wonso mu muaba udi Yehowa Usungula,

Dielulula 26:2

hashishe nenuangate bintu bionso bidi biboba diambedi mu buloba budi Yehowa, Nzambi wenu, unuha, nubiteke mu tshisaka, nulue nʼabi mu muaba udi Yehowa, Nzambi wenu, usungula, bua kujadikamu dina diandi.

Dielulula 31:11

halua Bena Isalele bonso ku mpala kua Yehowa, Nzambi wenu, mu muaba udiye usungula, hashishe nenubadile Bena Isalele bonso mikenji ei mu matshu abo.

Kolose 2:9

Bualu bua munda mua Kilisto nkayandi mudi muikale tshiuwidi tshijima tshia Bunzambi mu tshikadilu tshia mubidi.

Ebrewu 12:22

Kadi nuenu nuakulua ku mukuna wa Siona ne ku musoko wa Nzambi udi ne muoyo, Yelushalema wa mu diulu, ne ku misumba ya banjelo idi kayi mua kubadibua,

Yoshua 18:1

Bena Isalele bonso bakadisangisha ku Shilo, bakashimikaku ntenta wa kusambakena; buloba buonso buakadi talalâ ku mpala kuabo.

Yoshua 22:11

Bena Isalele bakuabo bakunvua lumu ne, Bena Lubena ne Bena Gada ne tshituha tshia tshisamba tshia Manashe bakasa tshioshelu ku mukalu wa buloba bua Kanâna hehi ne Yadene ku luseke lua Bena Isalele aba.

Yoshua 9:27

Yoshua wakabayuisha dituku adi bu bahandi ba nkunyi ne basunyi ba mai ba Bena Isalele ne ba tshioshelu tshia Yehowa mu muaba wakadiye musungule tô ne ku dituku edi.

Didimanyisha 14:1

Nakatangila, ne mona, Muana wa Mukoko muimane ha Mukuna wa Siona, ne bantu tshishikula tshimue ne mbombo inai ne binunu binai bakadi ngandi, bikale ne dina diandi, ne dina dia Tatu wandi, mafunda ha mpala habo.