Dielulula 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nuenu nudi ne bualu bua kujimisha miaba yonso yakadi bisamba binudi nuihata bitendelelaku nzambi yabo ku mutu kua mikuna mile, ne ku mutu kua tukuna tukese ne muinshi mua mitshi mibishi.

MUKANDA WA MYIDI MUKULU

² Nunyangakaje miaba ya tshijila yonsu, idibu base pa nsongu ya mikuna minene ne mikese, munkathi mua mitshi ya dileji, muaba udibu batendelela mvidie kudi bisamba binuanyenga matunga abi.

Dielulula 12:2 교차 참조

1 Bakalenga 14:23

Bualu bua bobo bakenza bitendelelu ne makunshi a kutendelela ne Bashela ha mutu ha mikuna yonso ne muinshi mua mitshi mibishi yonso;

1 Bakalenga 3:2

Anu bualu bumue, bantu bakatshidi bashihela Nzambi nyama ha mutu ha mikuna, bualu bua nsubu wa dina dia Yehowa kakanza kubakibua matuku au.

2 Bakalenga 11:18

Bantu bonso ba mu ditunga bakaya ku nsubu wa Bala, bakamushimbula; bakabutula bioshelu biandi ne mpingu yandi bituha bituha; bakashiha Matana, muakuidi wa Bâla, ku mpala kua tshioshelu. Muakuidi wa Nzambi wakasungula balami ba nsubu wa Yehowa.

2 Bakalenga 16:4

Wakafila milambu ya kuosha ha kahia ne musenga wa manananshi ha mutu ha mikuna ne ha tukuna ne muinshi mua mitshi mibishi yonso.

2 Bakalenga 23:13

Mukelenge wakanyanga bitendelelu bia ku mikuna biakadi ku mpala kua Yelushalema, biakadi ku tshianza tshia balume tshia ku mukuna wa dibutuka wakashila mukelenge Solomo Bashatolete, nzambi wa bundu wa Bena Sidona, ne wa Kemoshe, nzambi wa bundu wa Bena Moaba, ne wa Milekoma, nzambi wa bundu wa Bena Amona.

Misambu 78:58

Bualu bua bakamufikisha munda ne bitendelelu biabo bia ha mikuna, bakasonsola mukau munda muandi ne mpingu yabo misonga.

Ekesode 23:24

Kuinaminyi nzambi yabo, kuyitendeledi, kuenji mudibo benza, kadi ubiele hanshi, ushihe bibumba biabo.

Yeshaya 36:7

Kadi biwangambila ne, Tudi tueyemena Yehowa Nzambi wetu, eu kanyeye mene udi Hezikiya mumushile bitendelelu biandi ku mikuna ne bioshelu biandi, muambile ba mu Yuda ne ba mu Yelushalema ne, Bunudi nʼabu mbua kutendelela ku mpala kua tshioshelu etshi, anyi?

Yirmeya 17:2

Bana bakalelabo kabidi badi bavuluka bioshelu biabo ne Bashela babo badi hehi ne mitshi mibishi idi ha mikuna mile.

Yirmeya 2:20

Bua kale kale wewe wakatshibula mutshi wa tshikokedi wa ha nshingu hebe, wakakosa nkanu yebe, wakamba kabidi ne, Tshiena nkukuatshila mudimu. Wakinamina mpingu mutu ha mutu ha mukuna wonso mule ne muinshi mua mutshi wonso mubishi, wenda nʼai masandi.

Yirmeya 3:13

Yehowa udi wamba ne, Anji kutonda bubi buebe, bu muwakatombokela Yehowa Nzambi webe; wakaya eku ne eku bua kudinyanga ne nzambi ya bantu ba bende muinshi mua mutshi wonso mubishi, ne kuakatumikila dî dianyi.

Yirmeya 3:2

Banduluka, umone miaba idi ha mutu ha mukuna idi kayiyi ne mitshi. Ha muaba kai hadibo kabayi banze kulala nʼebe? Wewe wakushikama kukala kua nshila ubalamina bu mudi Muena Alaba wenza mu tshihela; wakunyanga buloba ne masandi ebe ne malu mabi ebe.

Yirmeya 3:6

Yehowa wakangambila dî dikuabo mu matuku a mukelenge Yoshiya ne, Wakumona malu akuenza Isalele hakunkomeye nyima, anyi? Wakubanda ha mutu ha mukuna mule wonso, wakulala muinshi mua mutshi mubishi wonso, wakuendaku masandi.

Osheya 4:13

Badi bashihela mpingu milambu ha mitu ha mikuna mile, badi bayoshela musenga wa manananshi ha mikuna mikese, muinshi mua mitshi ya chêne, ya peuplier ne ya térébinthe, bualu bua dileshi diai didi dimpe. Nunku bana benu ba bakashi badi balonda malu a masandi, ne bakashi ba bana benu ba balume badi benda masandi.

Dibadika 22:41

Dinda Balaka wakaya ne Belâma ku mutu kua mikuna ya Bâla; yeye wakatangila tô ne ku matshika onso a tshitudilu tshia bantu.

Dielulula 7:5

Kadi nenubenzele nunku: nushihe bishihelu biabo, nuele mabue abo hanshi adibo batendelela, nutahe Bashela babo, nuoshe mpingu yabo ne kahia.

Balombodi 2:2

nuenu kanuhungi tshihungidi ne bena buloba ebu; nutonkole bioshelu biabo. Kadi nuenu kanuakatumikila dî dianyi; nuakuenza nunku bua tshinyi?