Dielulula 12:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ kadi nubidie ku mpala kua Yehowa, Nzambi wenu, mu muaba udi Yehowa, Nzambi wenu, musungule, ne wewe ne muana webe mulume ne muana webe mukashi ne muhika webe mulume ne muhika webe mukashi, ne Muena Lewi udi ku mbelu kuenu: nuikale ne disanka ku mpala kua Yehowa, Nzambi wenu, mu malu onso anudi nuenza ne bianza bienu.

MUKANDA WA MYIDI MUKULU

¹⁸ Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 12:18 교차 참조

Misambu 32:11

Nuikale ne disanka mu Yehowa, nusanke bikole, nuenu bantu bakane; elai mbila bua disanka dienu, buonso buenu badi bakane mu mitshima yenu!

Misambu 68:3

Kadi bantu bakane bikale ne disanka, balumbile ku mpala kua Nzambi; e, basanke bikole mu disanka diabo.

Nsumuinu 3:17

Nshila yau idi nshila ya disanka, nshila yau yonso idi nshila ya ditalala.

Muambi 3:12

Ndi mumanye ne, Kakuena bualu buimpe bu kusanka ne kuenza malu mimpe matuku onso hatshidi muntu ne muoyo.

Muambi 5:18

Monai, bualu bundi mmona buimpe ne bukumbanyine muntu: adie biandi, anue biandi ne asanke mu midimu yandi yonso idiye wenza muinshi mua diba, matuku onso a muoyo wandi adi Nzambi mumuhe; edi ndifutu diandi.

Yeshaya 12:3

Nunku nenuhatule mai ne disanka mu bina bia mai bia luhandu.

Bienzedi 16:34

Wakabanda nʼabo mu nsubu muandi, wakabalongoluela mesa, wakatamba kusanka ne nsubu wandi yonso, bamane kuitabusha Nzambi.

Bienzedi 2:46

Ku dituku ku dituku bakadi bananukila kudisangisha mu ntempelo, ne mutshima umue, ku nsubu yabo bakadi batshibula bidia, bakadi badia bidia biabo ne disanka ne mitshima ya kanemu,

1 Korente 10:31

Nunku binuadia anyi binuanua, anyi malu onso anudi nuenza, nuenze malu onso bua kutumbisha Nzambi.

Ngalate 5:22

Kadi mamuma a Nyuma adi dinanga, disanka, ditalala, lutulu, luse, buimpe, bunanukidi bua lulamatu,

Dielulula 12:14

kadi muaba udi Yehowa Usungula munkatshi mua bisamba bienu, nenufileku milambu yenu ya kuosha, nenuenzeku mei onso anakunuambila.

Dielulula 12:19

Nudimuke, kanulekedi Muena Lewi tô matuku onso anudi nushala mu buloba buenu.

Dielulula 12:5

Kadi muaba udi Yehowa, Nzambi wenu, musungule munkatshi mua bisamba bienu bionso, bua kujadikamu dina diandi: nenukebe muaba kudiye mushikame, nenudisangisheku;

Dielulula 12:7

Nenudieku bidia ku mpala kua Yehowa, Nzambi wenu, nenusanke mu malu onso anudi nuenza ne bianza bienu, ne nuenu ne ba mu nsubu yenu mu malu onso akanusankisha nʼau Yehowa, Nzambi wenu.

Dielulula 14:23

Nudie tshintu tshia dikumi tshia manvua enu ne tshia nvinyo yenu mihia-mihia ne tshia manyi enu ne tshia banʼa bute ba ngombe yenu ne tshia ba mikoko yenu ku mpala kua Yehowa, Nzambi wenu, mu muaba udiye Usungula bua kujadikamu dina diandi; nunku nenubale bualu bua kutshina Yehowa, Nzambi wenu, matuku onso.

Dielulula 15:20

Wewe ne ba mu nsubu webe nenubadie ku mpala kua Yehowa, Nzambi wenu, ku tshidimu ku tshidimu mu muaba udi Yehowa musungule.

1 Samuele 1:4

Hakalua dituku dia Elekana kufileye milambu, diambedi yeye wakaha Penina, mukashi wandi, ne bana bandi ba balume bonso ne bana bandi ba bakashi, bintu biabo: