Dielulula 12:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kadi hanuasabuka Yadene, hanuashikama mu buloba budi Yehowa, Nzambi wenu, unuhianyisha, udi unuha dikisha kudi bena lukuna bonso badi banunyunguluka, ne nenushikame talalâ.

MUKANDA WA MYIDI MUKULU

¹⁰ Kadi nenusabuke musulu wa Yardene, bua kusomba mu ditunga adi ne ditalala. Yeye neanulame bimpe. Baluishi benu bonsu, bena mutumba, kabakunuenzela bualu.

Dielulula 12:10 교차 참조

1 Bakalenga 4:25

Bena Yuda ne Bena Isalele bonso bakashikama talalâ, muntu ne muntu muinshi mua muonshi wandi wa tumuma tukese ne mua mutshi wandi wa nfigi, ku Dana tô ne ku Bê-sheba, matuku onso a Solomo.

1 Bakalenga 8:56

Yehowa wakaha bantu bandi Bena Isalele dikisha bu muakabalayeye atumbishibue; nansha dî dimue dia milayi yandi mimpe yonso yakalayeye muntu wandi Mose kadiakahona hanshi hatuhu.

1 Kulondolola 22:18

Yehowa Nzambi wenu kena nʼenu, anyi? Yeye kakanuha ditalala mu nseke yonso, anyi? Bualu bua yeye wakafila bena buloba ebu mu bianza bienu; bena buloba bakateketa ku mpala kua Yehowa ne ku mpala kua bantu bandi.

Misambu 4:8

Nendale hanshi, nendale tulu mu ditalala kabidi, bualu bua wewe nkayebe, Yehowa, udi unvuishila muaba wa kusomba talalâ.

Ekesode 33:14

Yehowa wakamba ne, Mpala wanyi neaye nʼebe, ne meme nenkuhe dikisha.

Nsumuinu 1:33

Kadi muntu yonso udi ungunvuila neashikame talalâ, neikale holâ kayi ne ditshina dia dikenga dibi.

Yirmeya 23:6

Mu matuku andi ba mu Yuda nebasungidibue, ne ba mu Isalele nebashikame holâ; ne edi ndina didibo bamubikila ne, Yehowa udi buakane buetu.

Yirmeya 32:37

Mona, nembasangishe munkatshi mua maloba onso anakabatuma mu tshiji tshianyi ne mu tshifikʼa munda ne mu tshiji tshianyi tshikole, nendue nʼabo mu muaba eu, nembashikamishemu ne ditalala.

Yirmeya 33:11

nebunvue kabidi dî dia kunaya ne dia disanka, dî dia mubaki wa mukashi ne dia mukashi mubaka, dî dia bantu badi bamba mei abo, haluabo ne milambu ya kusakidila nʼai Yehowa mu nsubu muandi ne, Sakidilai Yehowa wa misumba, bualu bua Yehowa udi muimpe, bua luse luandi ludi lujalame tshiendelele. Yehowa udi wamba ne, Bualu bua nenkudimune buhika bua mu buloba ebu bua kuhingasha diakalengele diakadibu nʼadi diambedi.

Yezekiyele 28:26

Nebashikamemu kabayi ne bualu kubatatshisha, nebibakemu nsubu, nebakune tumuma tua nvinyo mu madimi, nebashikamemu kabayi ne bualu bubatatshisha, hanalumbuluisha bena mutumba nʼabo badi babanyunguluka ne badi babakengesha; nebamanye ne, Meme ndi Yehowa Nzambi wabo.

Yezekiyele 34:25

Nempunge nʼai tshihungidi tshia ditalala, nengumushe nyama ya luonji mu buloba, bua mikoko ishikame talalâ mu tshihela ne bua ilale tulu muitu.

Yezekiyele 34:28

Kayena ikala kabidi bu tshintu tshia kunyengabo kudi ba mu bisamba bia bantu, ne nyama ya ha buloba kayena iyidia; kadi neyishikame talalâ kayiyi ne ntatu, ne kakuena muntu wayitshinyisha.

Yezekiyele 38:11

Newambe ne, Nembandeku bua kuluisha ba mu misoko idi mu mpata; nenye kuluangana ne bantu aba badi bashikame talalâ, kabayi ne bualu budi bubahumbisha, buonso buabo badi bashikameku kabayi ne ngumbu, anyi nkanu ne bibi.

Yezekiyele 38:8

Hahita matuku a bungi, nebakubikile bua kuluangana; kunshikidilu kua bidimu ubange kuya bua kuluisha bena buloba bakuhanduka ku kubutuka kua muele wa nvita, tshisamba tshia bantu badibo bahatula munkatshi mua bisamba bia bungi bia bantu; bakabasangisha ha mikuna ya mu Isalele yakadi mibutuke ne dibutuka dia tshiendelele diambedi, kadi idi ne bantu bashikamehu mpindiu bakuhatulabo munkatshi mua bisamba bia bungi bia bantu, buonso buabo bashikamehu kabayi ne bualu budi bubahumbisha.

Dielulula 11:31

Bualu bua nenusabuke Yadene bua kubuelamu ne bua kuhiana buloba budi Yehowa, Nzambi wenu, unuha; nenubuhiane, nenushikamemu.

Dielulula 3:27

Ubande biebe ku mutu kua Pisega, bandisha mesu ebe ku luseke lua ku wesete ne lua ku nôde ne lua ku Sude ne lua ku esete, tangila ne mesu ebe, bualu bua wewe kuena usabuka Yadene eu.

Dielulula 33:12

Bua Benyamina yeye wakamba ne, Munangi wa Yehowa neashikame nʼandi talalâ, utu wamubuikila matuku onso, udi ushikama hankatshi ha makaya andi.

Dielulula 33:28

Isalele udi ushikama biandi talalâ, mpokolo wa Yakoba udi ha nkayandi mu madimi a blé ne a nvinyo mihia-mihia: ne matutu andi adi amatshisha dibungi.

Dielulula 4:22

kadi bûdi nʼabu mbua kufuila mu buloba ebu, kuena mua kusabuka Yadene; kadi nuenu nenusabuke, nenuhiane buloba abu buimpe.

Dielulula 9:1

Unvuai, Isalele, nenusabuke Yadene lelu, bualu bua kuihata bisamba bidi binuhita bunene ne bukole, ne misoko minene idi ne mpangu mile idi mihite mulu,

Yoshua 11:23

Nunku Yoshua wakanyenga buloba buonso bu muakambila Yehowa Mose; Yoshua wakabuabanyina Bena Isalele bu buhianyi buabo, tshisamba luseke luatshi tshisamba luseke luatshi. Buloba buakashala talalâ, kakuyi nvita.

Yoshua 14:1

Au mmahianyi akangata Bena Isalele mu buloba bua Kanâna, akababanyinabo kudi Eleazâ muakuidi, ne Yoshua, muana wa Nuna, ne kudi bakadi ku mutu kua meku a batatu a mu bisamba bia Bena Isalele;

Yoshua 3:17

Bakuidi bakadi batuala mushete wa tshihungidi tshia mei a Yehowa bakimana balulame mu lusenga lume munkatshi mua Yadene; ne Bena Isalele bonso bakasabuka mu lusenga lume tô ne hakasabuka bantu bonso Yadene.

Yoshua 4:12

Bena Lubena ne Bena Gada ne tshituha tshia tshisamba tshia Bena Manashe bakasabuka bavuale bintu biabo bia nvita ku mpala kua Bena Isalele, bu muakabambila Mose;

1 Samuele 7:12

Hashishe, Samuele wakangata dibue, wakadimanyika hankatshi ha Misepa ne Shene, wakaditeka dina ne, Ebene-ezê, Wamba ne, Yehowa wakaluatshisha tô ne lelu.