Dielulula 11:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nudimuke bienu, bua kanudidingi mu mitshima yenu, kanusesuki bua kukuatshila nzambi mikuabo midimu ne kuyitendelela;

MUKANDA WA MYIDI MUKULU

¹⁶ Nanku dimukayi, kanupambuki, kanushiyi njila mululame. Kanutendeledi mvidie mikuabu to.

Dielulula 11:16 교차 참조

1 Bakalenga 8:35

Hawakanda diulu bua nvula kayimatshi, bualu bua bobo bakukuenzela bibi; biatendelelabo ku muaba eu, bitabushabo dina diebe, biakudimunabo mitshima yabo bua mibi yabo hawabakengesha,

Yobe 31:27

bikala mutshima wanyi muteyibue mu busokoko, bikala tshianza tshianyi tshitue ku mishiku yanyi bua kubitendelela,

Yeshaya 44:20

Yeye udi udia butue bua kahia; mutshima wandi munyanguke ne mashimi wakumusesuisha. Kena mua kuhandisha muoyo wandi, kena mua kuamba ne, Tshiena nkuata mashimi mu tshianza tshianyi tshia bukole, anyi?

Luke 21:34

Nudilame bimpe, bua mitshima yenu kainemi ne mudiu ne dibuluka dia maluvu ne malu a ha buloba, ne bua dituku adi kadilu kunudi lukasa bu buteyi?

Luke 21:36

Tabalai misangu yonso, nutendelele Nzambi mua kuikala ne bukole bua kuhanduka mu malu â onso alua, ne bua kuimana ku mesu kua Muana wa muntu.

Luke 21:8

Yeye wakamba ne, Nuende badimuke, muntu kanuhambuishi; ba bungi nebalue mu dina dianyi, bamba ne, Meme nyeye mene; bamba kabidi ne, Dituku diakulua; kanubalondi.

Dielulula 12:30

nudimuke, kanukuatshibu kudi mateyi abo bua kubalonda, habajimishabo ku mesu kuenu; kanukonkanganyi bua nzambi yabo ne. Bisamba ebi bidi bitendelela nzambi yabo munyi? Tuetu nkayetu tudi basue kuenza nunku kabidi.

Dielulula 13:3

kanunvu mei a muprofete au, anyi mulotshi au wa bilota; bualu bua Yehowa, Nzambi wenu, udi munutete, bua kumanya ne, Nudi basue Yehowa, Nzambi wenu, ne mitshima yenu yonso ne muoyo wenu wonso.

Dielulula 17:3

wakaya bua kukuatshila nzambi mikuabo mudimu, ne wakayitendelela, nansha diba nansha ngondo, nansha bintu bikuabo bia mu diulu bindi muhidie;

Dielulula 28:14

binuikala kanuyi nusesuka lelu ku tshianza tshia balume anyi ku tshianza tshia bakashi ku mei andi nnuambila, bua kuya kukuatshila nzambi mikuabo mudimu.

Dielulula 29:17

ne nuenu nuakatangila malu mabi abo ne mpingu yabo ya mitshi ne ya mabue ne ya tshiamu tshia argent ne tshia or yakadi munkatshi muabo;

Dielulula 29:18

bua muntu kikadi munkatshi muenu, nansha mulume nansha mukashi nansha diku dia bantu nansha tshisamba, udi akudimuna mutshima wandi kudi Yehowa, Nzambi wenu, bua kukuatshila nzambi ya bisamba abi mudimu; ne bua muji udi ukuama mamuma a mulungu ne a bululu kawikadi munkatshi muenu.

Dielulula 30:17

Kadi bikala mitshima yenu mihambuke, ne binuikala kanuyi nunyua, kadi binuatendelela nzambi mikuabo bua kuyikuatshila mudimu,

Dielulula 31:20

Bualu bua hanakamana kulua nʼabo mu buloba bunakalaya batatuʼabo, budi bûle tente ne mabele ne buitshi, ne hakamanabo kudia, kukuta ne kuvunda, hashishe nebakudimune mitshima yabo bua kutendelela nzambi mikuabo, nebayikuatshile mudimu, nebampetule, nebashihe tshihungidi tshianyi.

Dielulula 4:23

Nudimuke bienu, kanuhu muoyo bua tshihungidi tshia Yehowa, Nzambi wenu, tshiakahungeye nʼenu: kanudisongidi luhingu anyi tshifuanyikishi tshia tshintu tshimue tshiakanuhidisha Yehowa, Nzambi wenu,

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Dielulula 5:7

Kuikadi ne nzambi mikuabo ne meme hohamue.

Dielulula 8:19

Binuahua Yehowa, Nzambi wenu, muoyo, binualonda nzambi mikuabo, binuenzela nzambi mikuabo midimu, binuayitendelela, ndi nnumanyisha lelu ne, Nenufue bulelela.

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

Ebrewu 2:1

Bua bualu ebu butudi nʼabu mbua kutamba kudimuka ku malu atuakunvua bua bumue katulu kuhambuka.

Ebrewu 3:12

Bana betu, nudimuke bua bumue kakulu kuikala umue wenu udi ne mutshima mubi wa buhidia munda muandi, mu dilekela diandi dia Nzambi wa muoyo;

Ebrewu 4:1

Nunku, tutshine bietu, bakavua bamane kutushila mulayi wa tuetu kubuela mu dikisha diandi, bumue umue wenu kalu kumueneka bu mudiye kai mufikeku.

Yakobe 1:26

Biela muntu meshi ne, Ndi ndonda malu a Nzambi, hadiye kai ukanda ludimi luandi, kadi udi udinga mutshima wandi, bualu bua Nzambi bua muntu eu budi tshianana.

1 Yone 5:21

Bana bakese, nudilame kudi mpingu.

Didimanyisha 12:9

Dragon munene wakedibua hanshi, nyoka au wa kale, yeye udi muidikibue ne, Diabolo ne Satana, mudingi wa ba ha buloba bonso; wakedibua hanshi ha buloba, ne banjelo bandi bakedibua nʼandi hanshi.

Didimanyisha 13:14

Yeye udi udinga bantu badi bikala ha buloba bualu bua bimanyinu biakadiye uheshibua bua kuenza ku mesu kua nyama wa luonji, wambila badi bikala ha buloba bua kuenzabo tshifuanyikishi tshia nyama wa luonji wakadi ne mputa wa muele wa nvita ne wakushala ne muoyo.

Didimanyisha 20:4

Nakatangila nkuasa ya butumbi, ne bakashikamahu, ne bakabaha bukole bua kulumbuluisha; ne nakatangila mioyo ya bakoshibua mitu bualu bua bumanyishi buabo bua Yesu, ne bualu bua dî dia Nzambi, ne bobo bakadi kabai bakukuna nyama wa luonji, anyi tshifuanyikishi tshiandi, ne hakadi kabai bangata tshimanymu ha mpala habo ne ha tshianza tshiabo; bobo bakikala ne muoyo, ne bakakokesha ne Kilisto bidimu tshinunu.

1 Samuele 12:20

Samuele wakambila bantu ne, Kanutshinyi: bulelela, nuakuenza bualu ebu bubi, kadi kanulekedi kulonda Yehowa, kadi nukuatshile Yehowa mudimu ne mitshima yenu yonso;

1 Samuele 12:21

kanusesuki mu nshila mukuabo: binuenza nunku nenulonde bintu bia tshianana bidi kabiyi bimanye mua kunukuatshisha ne kunusungila, bualu bua bidi bia hatuhu.