Dielulula 1:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Tuakabika ku Holeba, tuakenda tô mu tshihela atshi tshinene tshibi tshinuakatangila, ku nshila wa ku mikuna ya Bena Amole, bu muakatuambila Yehowa, Nzambi wetu; tuakalua ku Kadeshe-bânea.

MUKANDA WA MYIDI MUKULU

¹⁹ Tuetu kumuka ku mukuna wa Sinayi, bu muvua Maweja-Nangila Mvidi Mukulu netu muambe. Tuetu kupitshila mu tshipela tshipite bunene, tshikuatshishe bowa, tshinudi bamanye, tshidi mu njila wa ku mikuna ya bena Amore. Tuetu bamane kufika mu Kadeshe-Barneya,

Dielulula 1:19 교차 참조

Yirmeya 2:6

Kabakakonka ne, Yehowa wakafuma nʼetu mu buloba bua Ejipitu udi hanyi? Nguakatulombola mu tshihela, mu buloba bua lusenga ne bua majimba, mu buloba buakadi nvula kayi muloke ne bua mîdima mikole, mu buloba buakadi muntu kayi muhitshile, ne muakadi muntu kayi mushikame.

Dibadika 10:12

Bena Isalele bakaya ku mpala ku luendu luabo mu tshihela tshia Sinai, ditutu bakimana mu tshihela tshia Palana.

Dibadika 13:13

Wa mu tshisamba tshia Ashe, Setû, muana mulume wa Mikaele.

Dibadika 13:26

Hakafikabo, bakalua kudi Mose ne kudi Alona ne kudi tshisumbu tshionso tshia Bena Isalele mu tshihela tshia Palana ku Kadesha, bakalua kudibo ne kudi tshisumbu tshionso ne dî diabo, bakabalesha mamuma a buloba abu.

Dibadika 14:14

bobo nebamanyishe bena buloba ebu Bobo bakunvua lumu ne, Wewe Yehowa udi munkatshi mua bantu aba, bualu bua wewe Yehowa udi umuenyibua mpala ha mpala, ne ditutu diebe didi dimana ku mutu kuabo, ne wewe utu waya ku mpala kuabo ne difutu didi ne diledi mu munya, ne difutu didi dikenka ne kahia butuku.

Dibadika 32:8

Batatu benu bakenza nunku hanakabatuma ku Kadeshe-bânea bua kutentekelabo buloba.

Dielulula 1:2

Ku Holeba wa mu nshila wa ku mukuna wa Sei tô ne ku Kadeshe-bânea, nduendu lua matuku dikumi ne dimue.

Dielulula 1:20

Meme nakanuambila ne, Nuakulua ku mikuna ya Bena Amole, buloba budi Yehowa mutuhe.

Dielulula 1:7

bishai luendu luenu, yai bienu ku mikuna ya Bena Amole, ne ku miaba yonso idi hehi nʼabo mu Alabâ ne mu mikuna ne mu bibanda, ne mu luseke lua ku Sude, ne hehi ne muelelu wa mai manene, mu buloba bua Bena Kanâna ne mu Lebanona tô ne ku musulu munene dina diau Pelata.

Dielulula 2:7

Bualu bua Yehowa, Nzambi wenu, wakatuadishila disanka mu malu onso anuakenza ne tshianza tshienu; yeye wakamanya ngendu yenu mu tshihela etshi tshinene; mu bidimu ebi makumi anai Yehowa, Nzambi wenu, wakadi nʼenu; kanuakakengela tshintu.

Dielulula 32:10

Yeye wakasangakena nʼandi mu muaba wa hatuhu, mu tshihela muakadi luhehele nkayalu; yeye wakamunyunguluka, wakamulama bimpe, wakamuenzela bu kamonyi ka disu diandi.

Dielulula 8:15

wakanulombola mu tshihela tshinene tshibi, tshiakadi ne nyoka isuma bu kahia ne tuminyiminyi, ne buloba budi kabuyi ne mai; wakanuhatula mai mu dibue dikole;

Yoshua 10:41

Yoshua wakabashiha ku Kadeshe-bânea tô ne ku Gaza, ne ba mu buloba buonso bua Goshena tô ne ku Gibeona.