Dielulula 1:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kanuikadi ne kansungusungu hanualumbulula bilumbu; nunvue dî dia muntu mukese ne dia muntu munene muomumue; kanutshinyi mpala wa muntu; bualu bua kulumbulula kua bilumbu kudi kua Nzambi: tshilumbu tshidi tshihita bukole, nulue nʼatshi kundi, meme nentshiunvue.

MUKANDA WA MYIDI MUKULU

¹⁷ Nukose tshilumbu anu muditshi. Nuteleje muntu yonsu, mubanji ne mupele, kakuyi kansungansunga. Kanutshinyi muntu pa kukosa tshilumbu, bualu nudi nulumbuluisha mu dina dia Mvidi Mukulu. Pikala tshilumbu tshinupita, nufike natshi kundi bua meme kutshiumvua!”

Dielulula 1:17 교차 참조

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

2 Samuele 14:14

Bualu bua butudi nʼabu mbua kufua; tudi bu mai akelabo ha buloba, kabena bamanye mua kuasuna kabidi; Nzambi kena unyenga muoyo wa muntu, kadi udi ulongolola bua muntu udibo bihata kikadi bu muntu mubengibue kudiye.

2 Kulondolola 19:5

Yeye wakateka balumbuluishi mu misoko yonso ya ngumbu ya mu buloba buonso bua Yuda, ku musoko ku musoko,

2 Kulondolola 19:6

wakambila balumbuluishi ne, Nuelangane meji bimpe bua malu anudi nuenza; kanulumbuluishi mu dinu dia bantu, kadi mu dina dia Yehowa; yeye udi nʼenu mu kulumbulula kuenu.

Yobe 31:34

bualu bua nakatshina tshisumbu tshinene tshia bantu, ne bualu bua dihetu dia bena meku diakantshinyisha, ne bua bualu ebu nakahuwa bianyi, tshiakahatuka ha mbelu.

Misambu 82:2

Nenulumbuluile bilumbu ne kulumbulula kubi, nenunemeke mpala ya bantu babi, musangu bule munyi.

Ekesode 18:18

Wewe neuhange bulelela, ne wewe ne bantu badi nʼebe bujitu bua bualu ebu budi bukutamba bukôle, wewe nkayebe kuena mua kubuenza.

Ekesode 18:22

Bobo nebalumbuluile bantu bilumbu matuku onso bobo nebalue kûdi ne bilumbu binene, kadi bobo nebakose bilumbu bikese; nunku badi mua kukumatshisha.

Ekesode 18:26

Bobo bakalumbuluila bantu bilumbu matuku onso, bakalua ne bilumbu bikole kudi Mose, ne bobo bakakosa bilumbu bikese.

Nsumuinu 18:5

Kembimpe bua kunemeka muntu mubi, anyi bua kukonyangasha kulumbulula kua bantu bakane.

Nsumuinu 24:23

Mei â kabidi adi mei akamba bena meji. Kambimpe kulesha kansungusungu mu kulumbulula kua bilumbu.

Nsumuinu 28:21

Kulesha kansungusungu kakuena kuimpe; kadi muntu nênze malu mabi bua tshihesa tshia nshima.

Nsumuinu 29:25

Hatshina muntu bakuabo, bualu ebu budi buteyi kudiye, kadi udi weyemena Yehowa neahanduke.

Yirmeya 1:17

Nunku suika mukaba mu tshimono tshiebe, juka, ubambile mei onso andi nkuambila. Kuzakadi bua bualu buabo, bua meme tshikuzakashi ku mpala kuabo.

Lewitiki 19:15

Kanuenji bibi hanualumbulula tshilumbu, kanunemekedi muntu muhele, kanutumbishi muntu munene, kadi nulumbulule bilumbu bia muena mutumba nʼenu ne buakane mu mutshima.

Malaki 2:9

Bua malu â nennuvuishe bantu bahetudibue ne bahuekeshibue ku mpala kua bantu bonso, bualu bua kanuena nulama mei anyi, kadi nudi nulesha bantu kansungusungu mu diyisha dia mikenji.

Matayi 22:16

Bakatuma bayidi babo kudiye ne Bena Helode, bakamuambila ne, Muyishi, tudi bamanye ne, Wewe udi muena bushua, udi uyisha bantu nshila wa Nzambi bulelela, wewe kuena utshina bantu, bualu bua kuena ne bualu ne muntu;

Marke 12:14

Hakaluabo, bakamuambila ne, Muyishi, tudi bamanye ne, Wewe kuena utshina muntu, bualu bua kuena ne bualu ne muntu, wewe udi uyisha bantu nshila wa Nzambi bulelela. Mbimpe kuha Kaisa mulambu, anyi?

Luke 20:21

Bakamukonka ne, Muyishi, tudi bamanye ne malu audi wamba ne audi uyisha adi mimpe, kuena ne muntu bualu, wewe udi uyisha bantu nshila wa Nzambi bulelela.

Rome 2:11

Bualu bua kakuena kansungunsungu.

Efeze 6:9

Ne nuenu banfumu, nubenzele muomumue, nuhidie kubakanyina; mimanye ne, Mukelenge wabo ne wenu kabidi udi mu diulu, ne kakuena kansungunsungu kudiye.

Dielulula 10:17

Bualu bua Yehowa, Nzambi wenu, udi Nzambi wa nzambi mikuabo, udi Mukelenge wa bakelenge, Nzambi munene ne mukole, udibo batshina, yeye katu watangila bantu ne kansungusungu, kena witabusha matutu.

Dielulula 16:19

Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.

Dielulula 24:17

Kanubengi muenyi anyi bana ba nshiya dilumbulula didi diakane; kanuangatshi bilulu bia mukashi wa mu lufuila bu tshieya:

Dielulula 25:1

Bikala bantu babidi batandangane, ne haluabo bua kulumbuluishibua, balumbuluishi nebalumbulule tshilumbu tshiabo; ku nyima nebabingishe muntu muimpe ne nebahishe muntu mubi.

Kolose 3:25

Bualu bua muntu udi wenza bualu bubi neangate kabidi bualu bubi buakenzeye bu difutu diandi; ne kakuena kansungunsungu kudi Nzambi.

1 Tesalonike 2:4

kadi bu muakatujadikabo kudi Nzambi bila kutekeye lumu luimpe mu bianza bietu, ke mutudi tuamba; kembu mutudi tusankisha bantu, kadi bu mutudi tusankisha Nzambi udi uteta mitshima yetu ne idi mimpe.

Yakobe 2:9

kadi binuikala ne kansungunsungu kudi bantu, nudi nuenza bualu bubi, nuakuhishibua bu bashihi ba mikenshi kudi mikenshi nkayai.

1 Petro 1:17

Binuamubikila bu Tatu udi ulumbuluisha muntu yonso bu mudi bienzedi biandi kai ne kansungunsungu, nuhitshishe tshikondo tshia buenyi buenu mu ditshina.

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.

1 Samuele 2:25

Bienzela muntu munga muntu bibi, Nzambi neamulumbuluishe, kadi bienzela muntu Yehowa bibi, nganyi wamuakuila? Kadi bobo kabakunvua dî dia tatu wabo bualu bua Yehowa wakamana kuhangidisha bua kubashiha.