Dielulula 1:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Meme nakadimusha balumbuluishi benu tshikondo atshi ne, Unvuai bilumbu bia bana benu, nulumbulule bilumbu bia muntu ne muanʼabo mulume ne muenyi udi nʼandi biakane.

MUKANDA WA MYIDI MUKULU

¹⁶ Pashishe meme kuambila balumbuluishi bua bakose bilumbu bia bantu mushindu ewu: “Nuteleje bilumbu bia bana benu bimpe. Padi tshilumbu pankatshi pa muena Izrayele ne muanabu, nansha ne muenyi udi munkatshi muenu, nutshikose anu pa tshiotshi.

Dielulula 1:16 교차 참조

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

2 Samuele 23:3

Nzambi wa Isalele wakamba, dibue dia Isalele diakangambila ne, Udi ukokesha bantu ne buimpe, udi ukokesha mu ditshina dia Nzambi,

Misambu 58:1

Nuenu, bantu banene, nudi nuamba mei makane, anyi? Nudi nulumbuluisha bana ba bantu ne kulumbulula kuakane, anyi?

Ekesode 22:21

Kuenzedi muenyi bualu bubi, kumukengeshi, bualu bua nuenu nuakadi benyi mu buloba bua Ejipitu.

Nsumuinu 31:9

Bulula mukana muebe, ulumbulule bilumbu ne buakane; ulumbuluile bahele ne bakengi bilumbu biabo.

Lewitiki 19:15

Kanuenji bibi hanualumbulula tshilumbu, kanunemekedi muntu muhele, kanutumbishi muntu munene, kadi nulumbulule bilumbu bia muena mutumba nʼenu ne buakane mu mutshima.

Lewitiki 24:22

Nudi ne mukenji muomumue kudi muenyi ne kudi mundi muledibue mu nsubu yenu bualu bua meme ndi Yehowa, Nzambi wenu.

Dibadika 27:19

umushikike ku mpala kua Eleazâ muakuidi ne ku mpala kua bantu bonso, umuambile dî ku mesu kuabo.

Yowanane 7:24

Kanulumbuluishi muntu tshilumbu ku bimuenu biandi, nulumbulule ne kulumbulula kuakane.

Dielulula 1:15

Nunku nakasungula balume ba lungenyi lule, banuakamanya, nakabateka ku mutu kuenu, tuhita tua binunu binunu, ne tuhita tua nkama nkama, ne tuhita tua makumi atanu makumi atanu, ne tuhita tua dikumi dikumi, ne miloho bungi bua bisamba bienu.

Dielulula 24:14

Kanukengeshi muntu wakabuela mu mudimu wa difutu, udi muhele ne udi kayi ne bintu, nansha umue wa bana benu nansha muenyi udi ushikama mu buloba buenu ne mu misoko yenu;

Dielulula 25:1

Bikala bantu babidi batandangane, ne haluabo bua kulumbuluishibua, balumbuluishi nebalumbulule tshilumbu tshiabo; ku nyima nebabingishe muntu muimpe ne nebahishe muntu mubi.

Dielulula 27:11

Mose wakadimusha bantu dituku adi mene ne,

Dielulula 31:14

Yehowa wakambila Mose ne, Tangila, dituku dia lufu luebe dikadi ha buihi: bikila Yoshua, ne bubidi buenu nudisangishe mu ntenta wa kusambakena, bua meme mmudimushe. Mose ne Yoshua bakaya, bakadisangisha mu ntenta wa kusambakena.

1 Tesalonike 2:11

bu munudi bamanye mutuakanuenzela muntu ne muntu wa munkatshi muenu, bu mudi tatu wenza ne bana bandi balela, hatuakanusengelela, hatuakanukolesha mitshima, hatuakanuambila dî,

1 Timote 5:21

Ndi akolesha buabo, ebu bikole ku mesu kua Nzambi ne kua Kilisto Yesu ne kua banjelo bandi basungula, bua wewe kutumikila malu â kui mudianjile kukosa bualu munda muebe ne kui ne kansungunsungu.

1 Timote 6:17

Udimushe bantu badi babanshi mu tshikondo tshia mpindiu, bua bobo kabadisu, kabateki ditekemena diabo kudi bubanshi budi mua kujimina tshituha tshihi; kadi batekemena Nzambi, udi utuha bintu bionso bivula bua tuetu kusanka nʼabi.