Didimanyisha 8:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Ne muanjelo mukuabo wakalua ne wakimana ku tshioshelu, wakadi ne tshikuhilu tshia ngolo tshia kuoshamu mananashi; ne bakamulesha mananashi a bungi bua kuasangisheye ne mitendelelu ya basanto bonso ha tshioshelu tshia ngolo tshiakadi ku mpala kua nkuasa wa butumbi.

MUKANDA WA MYIDI MUKULU

³ Mutumibue mukuabu kufika, kuimana ku tshilambuilu. Uvua ne mbabula muenza ne mpawungi, wa kuoshila manananshi. Kumupeshabu musenga wa manananshi wa bungi, wa kulambula pamue ne ditendelela dia bantu bonsu ba Mvidi Mukulu, pa tshilambuilu tshia mpawungi tshivua kumpala kua nkuasa wa butumbi.

Didimanyisha 8:3 교차 참조

1 Bakalenga 7:50

makoho ne lukuatu lua kujima nʼalu minda, ne bihanza ne nkutu ne malonga a kutekamu kahia biakadi bia or; ne biamu bia bibi bionso bia mu nsubu ne bia ku muaba mutambe wa tshijila biakadi bia or.

Misambu 141:2

Kulomba kuanyi kuikale ku mpala kuebe bu muhuya wa musenga wa manananshi, ne kuolola kua bianza bianyi kuikale bu mulambu udibo bafila dilolo.

Ekesode 40:26

Wakateka tshioshelu tshia or mu nsubu wa tshitendelelu ku mpala kua tshilulu,

Yeshaya 6:6

Hashishe, umue wa baselafima wakahahala kundi, muikale ne dikala dia kahia diakadi ditema mu tshianza tshiandi, diakangateye ne lukuatu ku tshioshelu tshia milambu.

Yezekiyele 41:22

Tshioshelu tshiakadi tshia mabaya, tshiakadi coudées isatu mu bule bua mulu, coudées ibidi mu bule, coudées ibidi mu butshiama; ku mpenga yatshi, tshitekelu tshiatshi ne nseke yatshi biakadi bia mabaya. Yeye wakangambila ne, Au mmesa adi ku mpala kua Yehowa.

Amosa 9:1

Nakatangila Yehowa muimane ha buihi ne tshioshelu; yeye wakamba ne, Kuma ku mitu ya makunshi a ku bibuelelu bia nsubu bua azakale; wâtshibule bituha ha mitu ha bantu bonso; nenshihe bakuabo badi bashala ne muoyo ku muele wa nvita, kakuena umue wabo wanyema, kakuena umue wabo wahanduka.

Malaki 1:11

Yehowa wa misumba udi wamba ne, Ku kuhatuka kua diba tô ne ku kubuela kuadi dina dianyi didi dinene munkatshi mua ba mu bisamba bia bantu. Mu muaba wonso badi bangoshila musenga wa manananshi ne badi bafila mulambu, mulambu muakane mene, mu dina dianyi; bualu bua dina dianyi didi dinene munkatshi mua ba mu bisamba bia bantu.

Dibadika 4:11

Nebateke tshilulu tshia bleu ha mutu ha tshioshelu tshia or, nebâteke ha mutu hatshi tshibuikidi tshia biseba bia nkonge, nebabueshemu mitshi ya tshioshelu

Dibadika 7:62

ne nkutu wa or wa nshekele dikumi mule tente ne musenga wa manananshi,

Luke 1:10

Hakafika diba dia kuosha musenga wa mananashi, tshisumbu tshionso tshia bantu tshiakadi tshitendelela Nzambi ku mbelu kua ntempelo.

Rome 8:34

Udi ubahisha nganyi? NKilisto Yesu mene wakafua, E, bulelela, wakabishibua ku lufu, udi ku tshianza tshikole tshia Nzambi, udi utuakuila kabidi.

Ebrewu 7:25

Nunku yeye udi ne bukole bua kusungila ne luhandu lujima badi basemena ha buihi ne Nzambi bua bualu buandi, yeye muikale ne muoyo tshiendelele bualu bua kubakuila.

Ebrewu 9:4

wakadi ne tshioshelu tshia mananashi tshia ngolo, ne mushete wa tshihungidi mulamika ne ngolo ku nseke yonso; munda muau muakadi tshifuadi tshia ngolo tshitekelamu mana, ne mulangala wa Alona wakela ntonga, ne mabue akadi ne mei a tshihungidi mafundahu;

Didimanyisha 10:1

Nakatangila muanjelo mukuabo mukole uhueka mu diulu, muluatshisha ne ditutu; ne muanzankongolo wakadi ha mutu handi, ne mpala wandi wakadi bu diba, ne makasa andi akadi bu ndimi ya kahia;

Didimanyisha 14:18

Ne muanjelo mukuabo wakaluhuka mu tshioshelu, nyeye udi ne bukokeshi ha mutu ha kahia; ne wakela dî dikole kudi wakadi ne muele mutuisha wa kunowa nʼau, ne, Utume muele webe mutuisha wa kunowa nʼau, usangishe bisumbu bia tumuma tua nvinyo tua ku muonshi wa ha buloba; bualu bua tumuma tuabu tuakulua bimpe.

Didimanyisha 5:8

Ne hakangateye mukunda, bifukibue bidi ne muoyo ne bakulu makumi abidi ne banai bakahona ku mpala kua Muana wa Mukoko, muntu ne muntu muikale ne lunkombe, ne mpanza ya ngolo miûle tente ne mananashi a kuosha adi mitendelelu ya basanto.

Didimanyisha 6:9

Hakalamuneye tshimanyishilu tshitanu, nakatangila munshi mua tshioshelu mioyo ya bantu bakashihibua bua dî dia Nzambi, ne bua bumanyishi buakadibo nʼabu;

Didimanyisha 7:2

Nakatangila muanjelo mukuabo ubanda mulu, ufuma kudi kubanda diba, muikale ne tshimanyishilu tshia Nzambi udi ne muoyo; ne wakela dî dikole kudi banjelo banai bakadi baheshibua bukole bua kunyangabo buloba ne mai manene,

Didimanyisha 8:4

Ne muinshi wa mananashi au musangisha ne mitendelelu ya basanto, biakabanda ku mpala kua Nzambi, bihatuka mu tshianza tshia muanjelo.

Didimanyisha 8:5

Ne muanjelo wakuangata tshibuhilu tshia kuoshamu mananashi; wakatshûsha tente ne kahia ka ha tshioshelu, wakatshiela ha buloba, ne mikungulu ne mei ne miele ya nvula ne kukanka kua buloba biakadiku.

Didimanyisha 9:13

Ne muanjelo muisambombo wakela mpungi, ne nakunvua dî dia ku nsengu ya tshioshelu tshia ngolo tshidi ku mpala kua Nzambi,