Didimanyisha 4:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ bakulu makumi abidi ne banai nebahone ku mpala kua yeye udi ushikama ha nkuasa wa butumbi, nebatendelele yeye udi ne muoyo tshiendelele, nebele bifulu biabo bia butumbi ku mpala kua nkuasa wa butumbi, bamba ne

MUKANDA WA MYIDI MUKULU

¹⁰ bakulu makumi abidi ne banayi badi badiela panshi kumpala kua udi musombe mu nkuasa wa butumbi, bakukuila udi ne muoyi kashidi. Badi bela bifulu biabu bia mpawungi kumpala kua nkuasa, bamba ne:

Didimanyisha 4:10 교차 참조

1 Kulondolola 29:20

Davidi wakambila bantu bonso ne, Tuvudishilai Yehowa Nzambi wetu disanka. Bantu bonso bakavu-dishila Yehowa, Nzambi wa bankambua babo, disanka, bakinama mitu yabo, bakatendelela Yehowa, bakakukuata mukelenge.

2 Kulondolola 7:3

Bena Isalele bonso bakatangila bakahona kahia mu diulu, ne hakûsha butumbi bua Yehowa nsubu tente; bobo bakakukuila hanshi, bakatendelela, bakasakidila Yehowa, bamba ne, Yeye udi muimpe, bualu bua luse luandi ludi lujalame tshiendelele.

Yobe 1:20

Hashishe, Yobo wakajuka, wakahanda muzabi wandi, wakabeya nsuki ya ku mutu, wakatua mpala wandi hanshi, wakatendelela Nzambi.

Misambu 115:1

Kututumbishi tuetu, Yehowa, kututumbishi tuetu, kadi utumbishe dina diebe, bualu bua luse luebe lujalame ne bua udi mua kueyemenyibua.

Misambu 47:8

Nzambi udi ukokesha ku mutu kua bisamba bia bantu; Nzambi udi mushikame mu nkuasa wandi wa bukelenge ne iya tshijila.

Misambu 72:11

E, bakelenge bonso bamukukuile, ba mu bisamba bionso bia bantu bamukuatshile mudimu.

Misambu 95:6

Luai bienu, tumutendelele ne tumukukuile; tutue binu bietu hanshi ku mpala kua Yehowa Mufuki wetu.

Yeshaya 6:1

Mu tshidimu tshiakafua mukelenge Uziya nakamona Mukelenge mushikame mu nkuasa wandi wa bukelenge, muikale kulu ne mubandishibue mulu, ne tshilulu tshia kumanda kua muzabi wandi tshia-kûsha ntempelo tente.

Danyele 12:7

Nakunvua dî dia muntu wakadi muluate bilulu bia lin, ne wakadi umueneka ku mutu kua mai a musulu, hakabisheye tshianza tshiandi tshia balume ne tshia bakashi mulu, wakaditshiha mu dina dia udi ne muoyo tshiendelele ne, Malu â neashike hahita tshikondo tshimue, bikondo bibidi ne tshituha tshia tshikondo, hamanabo kutekesha bukole bua bantu ba tshijila.

Danyele 4:34

Hakahita matuku â, meme, Nebukadenesâ, nakabanduluka ne nakatangisha mesu anyi mu diulu; meji anyi akahingana kundi. Nakavudishila Mutambe Bunene wa mu diulu disanka, nakamutumbisha ne nakamunemeka, Yeye udi ne muoyo tshiendelele. Bualu bua bukokeshi buandi budi bukokeshi bua tshiendelele, ne bukelenge buandi budi bujalame ku tshikondo ku tshikondo.

Matayi 2:11

Bakabuela mu nsubu, bakamona muana ne baba wandi Malia; bakatua binu hanshi, bakamukukuila; hakabululabo bibutshilu biabo, bakamusawila bintu, ngolo ne mananashi ne mula.

Luke 24:52

Bakamutendelela, bakahingana ku musoko ne disanka dinene;

1 Korente 15:10

Kadi bualu bua ngasa wa Nzambi ndi bu mundi emu; ne ngasa wandi kundi kakalua hatuhu, bualu bua meme nakatamba buonso buabo kuenza mudimu; kadi kememe nkayanyi, kadi ngasa wa Nzambi wakadi nʼanyi.

Dielulula 32:40

Bualu bua ndi mbandisha tshianza tshianyi kulu bua kuditshiha ne, Bu mundi muikale ne muoyo tshiendelele.

Didimanyisha 10:6

wakaditshiha kudi udi ne muoyo tshiendelele, wakafuka diulu ne bintu bidimu, ne buloba ne bintu bidihu, ne mai manene ne bintu bidimu, ne, Kakuena dishanguluka kabidi;

Didimanyisha 11:16

Ne bakulu makumi abidi ne banai, badi bashikama ku mpala kua Nzambi ha nkuasa yabo ya butumbi, bakahona ba mpala habo, bakatendelela Nzambi,

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.

Didimanyisha 15:7

Ne tshimue tshia bifukibue binai bidi ne muoyo tshiakahesha banjelo muanda mutekete mpanza ya ngolo muanda mutekete miûle tente ne tshishi tshia Nzambi udi ne muoyo tshiendelele.

Didimanyisha 19:4

Ne bakulu makumi abidi ne banai ne bifukibue binai bidi ne muoyo bakahona hanshi, bakatendelela Nzambi udi ushikama mu nkuasa wa butumbi, bamba ne, Amen; Aleluya.

Didimanyisha 4:2

Mu diba adi mene nakadi mu Nyuma, ne mona, nkuasa wa butumbi wakashikikibua mu diulu, ne mukuabo wakadi mushikame ha nkuasa wa butumbi.

Didimanyisha 4:4

Nkuasa makumi abidi ne inai yakanyunguluka nkuasa wawa wa butumbi; ne ha nkuasa ya butumbi hakadi bakulu makumi abidi ne banai bashikamahu, baluatshishibue ne bivualu bitoke; ne ha mitu habo hakadi bifulu bia butumbi bia ngolo.

Didimanyisha 4:9

Ne hafila bifukibue bidi ne muoyo butumbi ne buneme ne disakidila kudi yeye udi ushikama ba nkuasa wa butumbi, kudi yeye udi ne muoyo tshiendelele,

Didimanyisha 5:14

Ne bifukibue binai bidi ne musyo biakamba ne, Amen. Ne bakulu bakahona hanshi, bakakukuila.

Didimanyisha 5:8

Ne hakangateye mukunda, bifukibue bidi ne muoyo ne bakulu makumi abidi ne banai bakahona ku mpala kua Muana wa Mukoko, muntu ne muntu muikale ne lunkombe, ne mpanza ya ngolo miûle tente ne mananashi a kuosha adi mitendelelu ya basanto.

Didimanyisha 7:11

Ne banjelo bonso bakadi bimana banyunguluka nkuasa wa butumbi, ne bakulu ne bifukibue binai bidi ne muoyo; ne bakahona ku mpala kua nkuasa wa butumbi ha mpala habo, ne bakatendelela Nzambi,