Didimanyisha 3:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Ndi mumanye midimu yebe (tangila, nakuteka tshibi tshiunzulula ku mpala kuebe, tshidi mukuabo kai mua kutshinshila) ne, Wewe udi ne bukole bukese, ne wakalama dî dianyi, ne kuakahidia dina dianyi.

MUKANDA WA MYIDI MUKULU

⁸ Ndi mumanye bionsu biudi wenza. Ndi mumanye mudi bukole buebe bukese. Kadi nansha wewe mutekete, udi mulame amu muaku wanyi, kuyi unwila. Ndi mukukanguile tshiibi tshidi muntu nansha umue kayi mua kukanga.

Didimanyisha 3:8 교차 참조

Nsumuinu 30:9

bua meme tshiukutshi, tshikubengi, tshiandi ne, Yehowa nganyi? Anyi bua tshikadi muhele ne tshibi bianyi, bua tshinyangi dina dia Nzambi wanyi.

Danyele 11:34

Hahonabo, bakuabo nebabakuatshishe ne dikuatshisha dikese, kadi ba bungi nebabalamate anu ne mei a lubombo.

Luke 12:9

kadi muntu yonso wampidia ku mesu kua bantu neahidibue ku mesu kua banjelo ba Nzambi.

Yowanane 15:20

Nuvuluke dî dinakunuambila ne, Muhika kena mutambe nfumu wandi. Biankengeshabo, nebanukengeshe kabidi; bienzabo dî dianyi, nebenze dî dienu kabidi.

Yowanane 17:6

Ba mu ba ha buloba bawakumpa nakubalesha dina diebe; bakadi bebe, wewe wakubampa; bakutumikila dî diebe.

Bienzedi 14:27

Hakaluabo, hakasangishabo bena ekelesia, bakabalondela malu onso akenza nʼabo Nzambi, ne bua yeye wakunzuluila bisamba bia bende tshibi tshia ditabusha.

1 Korente 16:9

bua bakumana kungunzuluila tshibi tshinene ne tshia kuenza mudimu mukole, ne bahumbishi ba bungi badiku.

2 Korente 2:12

Hanakalua ku Toa bualu bua lumu luimpe lua Kilisto ne hakadi tshibi tshinene tshingunzuluila mu Mukelenge;

Filipe 4:13

Ndi mumanye mua kuenza malu onso mu Mukelenge udi unkolesha.

Kolose 4:3

nutulombele kabidi mu tshikondo tshiotshimue bua Nzambi atunzuluile tshibi tshia dî bua tuetu kuamba bualu busokoka bua Kilisto, buakunsuikilabo mu nkanu kabidi,

1 Timote 5:8

Kadi bikala muntu kai usubula badi bandi ne ba mu nsubu muandi mene, yeye wakadiula ditabusha diandi ne udi mutambe muntu udi uhidia kuitabusha bubi.

2 Timote 4:7

Nakuluangana nvita mimpe, nakushikisha tshidikishilu tshia lubilu, nakulamata ditabusha;

Yuda 1:4

Bualu bua bantu bakuabo bakabombelela munkatshi muenu mu musokoko; bobo bakadi ne malu abo mafundibue diambedi ku dihila edi; badi kabai ba Nzambi, bandamuna ngasa wa Nzambi wetu ku malu a masandi, badi babenga Nfumu wetu umue umuehele, udi kabidi Mukelenge wetu, Yesu Kilisto.

Didimanyisha 2:13

Ndi mumanye kûdi wikala, kudi nkuasa mene wa bukelenge bua Satana; ne udi ulama dina dianyi bikole, ne kuakahidia ditabusha dianyi, nasha mu matuku a Antipa, mumanyishi wanyi, wanyi wa kueyemena, wakashihibua munkatshi muenu, kudi Satana wikala.

Didimanyisha 2:2

Ndi mumanye bienzedi biebe, ne mudimu webe mukole, ne ditantamana diebe, ne kuena mua kuitabusha bantu babi, ne wakateta badi badiamba ne, Tudi bapostolo, kadi kabena bapostolo, ne wakabasangana bena mashimi.

Didimanyisha 22:7

Tangila, adi ndua lubilu. Muntu udi ulama mei a buambi bua mu mukanda eu udi ne disanka.

Didimanyisha 3:1

Fundila muanjelo wa ekelesia wa ku Sâdi ne, Yeye udi ne Nyuma ya Nzambi muanda mutekete ne mitoto muanda mutekete udi wamba malu â ne, Ndi mumanye midimu yebe ne bu mûdi ne dina dia udi ne muoyo, ne udi mufue.

Didimanyisha 3:10

Bualu bua wakalama dî dia kutantamana kuanyi, nenkulame kabidi ku diba dia kuteta, diodio didi diamba kulua kudi ba ha buloba bonso, bua kuteta badi bikala ha buloba.

Didimanyisha 3:15

Ndi mumanye midimu yebe, ne kuena nasha ku mashika nasha ku kahia. Nakadi kusua ne wikale nasha ku mashika anyi ku kahia.

Didimanyisha 3:7

Fundila muanjelo wa ekelesia wa ku Filadelefia ne, Udi wa tshijila, udi wa bulelela, udi ne luvungula lua Davidi, udi unzulula ne kakuena udi winshila, udi winshila ne kakuena udi unzulula, udi wamba malu â ne,