Didimanyisha 3:2 - Mukanda wa Nzambi Dihungila Dikulukulu ne Dihungila Dihia-dihia 2003

² Wikale mutabale, ujadike bintu bidi bishala, biakamba kufua, bualu bua tshiakasangana midimu yebe mikale miakane tshishiki ku mesu kua Nzambi wanyi.

MUKANDA WA MYIDI MUKULU

² Tabuluka, fulula kuoyi kakese, kautshidi mushale naku, kakayi kufuilamu. Bualu tshiena mumone mudi malu ebe mimpe menemene kumpala kua Mvidi Mukulu wanyi to.

Didimanyisha 3:2 교차 참조

1 Bakalenga 11:4

Bualu bua hakalua Solomo muntu mununu, bakashi bandi bakakudimusha mutshima wandi bua kulondeye nzambi mikuabo; mutshima wandi kawakadi muakane ku mesu kua Yehowa, Nzambi wandi, bu muakadi mutshima wa Davidi, tatu wandi.

1 Bakalenga 15:3

Yeye wakenza malu mabi onso akenza tatu wandi ku mpala kuandi; mutshima wandi kawakadi muakane ku mesu kua Yehowa, Nzambi wandi, bu muakadi mutshima wa Davidi, tatu wandi.

2 Kulondolola 25:2

Yeye wakenza malu mimpe ku mesu kua Yehowa, kadi kakadi ne mutshima mutoke tô.

Yobe 16:5

Nakadi mua kukolesha mitshima yenu ne mei a mukana muanyi, ne busambi bua ku mishiku yanyi buakadi kunuholesha.

Yeshaya 35:3

Nukoleshe bianza bidi bitekete, ne nukankamike binu bidi bitenkakana.

Yeshaya 56:10

Batentekedi bandi badi bafofo, buonso buabo kabena ne meji, buonso buabo badi bu mbua idi ihuwa, idi kayiyi mua kubuluka; idi ilotakana, idi ilala hanshi, idi misue kulala tulu.

Yeshaya 57:12

Nengambile bantu bua buakane buebe ne bua bienzedi biebe, kadi kabiena bikukuatshisha.

Yezekiyele 34:16

Nenkebe yakadi mijimine, nempingashe yakihatabo, nenjingile yakadi mitahike mputa tshilulu, nenkoleshe yakadi isama; nendame idi ne manyi ne idi ne bukole, nenyidishe ne kulumbulula kuakane.

Danyele 5:27

TEKEL, bakukuidikisha mu tshiamu tshia kuidikisha nʼatshi bujitu, bakukusangana kuyi mukumbane.

Zekâya 11:16

Mona, ndi ngamba kubisha mulami ha buloba, ne yeye kena umona mikoko idi mijimine, kena ukeba mikoko idi mitangadike, kena ukolesha idi mitahike mputa; kena udisha idi mimane ne bukole, kadi neadie munyinyi wa idi ne manyi, neabande bikono biai bihesa.

Matayi 23:5

Badi benza malu abo onso anu bualu bua bantu babamone; badi badiundisha nfulakatelio yabo badi badiundisha mibanga ya bikowelu biabo,

Matayi 25:13

Dimukai, kanuena bamanye dituku ne ha diba.

Matayi 25:7

Mishikankunde ai yonso yakabika, yakalongolola minda.

Bienzedi 18:23

Hakashikameyemu musangu, wakumuka, wakahitshila luseke lua Galatia ne lua Fugia ku nyima, ukolesha mitshima ya bayidi bonso.

Dielulula 3:28

Kadi Wambile Yoshua dî, ushindike mutshima wandi, umukoleshe; bualu bua yeye neasabuke ku mpala kua bantu aba, neabahianyishe buloba budi utangila.

1 Petro 4:7

Kadi kunshikidilu kua malu onso kudi ha buihi; nunku nuikale ne meshi majalama, ne nuikale bahole mu mitendelelu;

1 Petro 5:8

Nuikale bahote, nutabale; umena lukuna wenu, diabolo mene, udi wendakana bu nyama wa ntambue udi ukungula, ukeba bantu ba kudieye;

Didimanyisha 16:15

(Tangila, ndi ndua bu muibi, Disanka didi kudi udi mutabale ne udi ulama bivualu biandi, hua yeye kendakanyi butaka ne bua kabatangidi bundu buandi.)

Didimanyisha 2:4

Kadi ndi nʼebe bualu ebu ne, wakalekela dinanga diebe dia kumudilu.

Didimanyisha 3:1

Fundila muanjelo wa ekelesia wa ku Sâdi ne, Yeye udi ne Nyuma ya Nzambi muanda mutekete ne mitoto muanda mutekete udi wamba malu â ne, Ndi mumanye midimu yebe ne bu mûdi ne dina dia udi ne muoyo, ne udi mufue.

Didimanyisha 3:3

Nunku, uvuluke bu muwakuangata ne muwakulua; ulame bûdi nʼabu, ukudimune mutshima webe. Nunku, biwikala kui utabala, nendue bu muibi, ne kuena umanya diba dindi ndua kûdi.