Didimanyisha 22:2 - Mukanda wa Nzambi Dihungila Dikulukulu ne Dihungila Dihia-dihia 2003

² munkatshi mua musesu wa musoko. Ku muelelu eu wa musulu ne ku muelelu wawa kuakadi mutshi wa muoyo, ukuama mamuma nsanzu dikumi ne abidi, ukuama mamuma au ku ngondo ku ngondo; mabeshi a mutshi akadi bua kuondaha nʼau bisamba.

MUKANDA WA MYIDI MUKULU

² upueka munkatshi mua musesu munene wa mu tshimenga. Ku nseke ibidi ya musulu kudi mutshi wa muoyi, udi ukuama bimuma misangu dikumi ne ibidi ku tshidimu, musangu umue ku ngondu yonsu. Bavua bondapa bisamba bia bantu ne mabeji awu.

Didimanyisha 22:2 교차 참조

Genese 2:9

Yehowa Nzambi wakamenesha mitshi yonso idi buimpe ku mesu ne idi mimpe bua kudia mu buloba, mutshi wa muoyo kabidi wakadi munkatshi mua budimi, ne mutshi wa lungenyi lua kujingulula malu mimpe ne malu mabi.

Misambu 147:3

Udi ukolesha badi ne mitshima minyingalale, udi ujingila bilulu ha mputa yabo.

Nsumuinu 3:18

Adi mutshi wa muoyo kudi badi bâkuata mu bianza; bonso badi bâkuata bikole badi ne disanka.

Yeshaya 6:10

Vuisha mitshima ya bantu aba mitshima idi ne manyi, vuisha matshu abo mpudimatshu, ne buikila mesu abo; bua kabamonyi ne mesu abo, kabunvu ne matshu abo, kabajinguludi malu ne mitshima yabo, kabakudimunyi mitshima yabo bua kusangashibua.

Yirmeya 17:14

Yehowa, ungondahe bua meme nsangale kabidi; unsungile, bua meme nsungidibue; bualu bua wewe udi butumbi buanyi.

Yezekiyele 47:1

Wakahingana nʼanyi tô ne ku tshibi tshia ku ntempelo, ekumona! Mai akahatukila muinshi mua mushiku wa mbelu wa ntempelo ne akaya mu nshila wa ku esete (bualu bua mpala wa nsubu wakadi mutangile ku luseke lua esete); ne mai akahueka mu nshila wa ku luseke lua nsubu luakadi lutangila ku sude, ku luseke lua tshioshelu lua ku sude.

Osheya 14:4

Meme nengondahe, nenshikishe kutomboka kuabo; nembanange ne mutshima wanyi wonso; bualu bua tshiji tshianyi tshinakadi nʼatshi kudibo tshiakûmuka.

Zekâya 14:8

Mu dituku adi mai a muoyo neahatuke mu Yelushalema; tshituha tshiau netshihueke ku mai manene a ku esete, ne tshituha tshiau tshikuabo netshihueke ku mai manene a ku wesete; bualu nebuikale nunku mu tshikondo tshia luya ne mu tshikondo tshia mashika.

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Luke 4:18

Nyuma wa Nzambi udi hamʼbidi hanyi, Bualu bua yeye wakangela manyi ha mutu ne, Ambila bantu bahele lumu luimpe; Yeye wakuntuma ne, Ambila bena lukanu bualu bua dikohoka diabo, Ne bafofo bualu bua kutabasha kua mesu abo, Uhe badi batata budishikaminyi,

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.

Didimanyisha 2:7

Udi ne matshu unvue budi Nyuma wambila ekelesia. Kudi udi uhita bukole, kudi yeye mene, nemuhe bua kudieye mutshi wa muoyo udi mu Paladiso wa Nzambi.

Didimanyisha 21:21

Bibi dikumi ne bibidi biakadi bia mabue a perle dikumi ne abidi; tshibi ne tshibi tshiakadi dibue dimue dia perle; ne musesu wa musoko wakadi wa ngolo muimpe bu ntalatala mutoke tô.

Didimanyisha 21:24

Ne ba ma bisamba nebendakane mu dinkenka diau; ne bakelenge ba ha buloba badi baluamu ne butumbi buabo.

Didimanyisha 22:1

Wakandesha musulu wa mai a muoyo, matoke tô bu ntalatala, uluhuka mu nkuasa wa butumbi wa Nzambi ne wa Muana wa Mukoko

Didimanyisha 22:14

Disanka didi kudi badi buvua mayeka abo, bua bobo bikale ne bukokeshi bua kuluabo ku mutshi wa muoyo, ne bua kubuela ku bibi munda mua musoko.

Didimanyisha 22:19

ne bikala muntu umusha mei makuabo ku mei a mukanda wa buambi ebu, Nzambi neamumushile tshituha tshiandi ku mutshi wa muoyo ne ku musoko wa tshijila, ne ku malu mene adi mafunda mu mukanda eu.